Isaias 1:3 - Maung A Balita Biblia

³ Amta na saray baka iray akankaryan ed sikara, tan amta na saray asno no iner so pamapakanan ed sikara na amo ra. Balet ag ak amta o natalusan na saray totook ya Israelita.”

Maung a Balita Biblia

³ Amta na saray baka iray akankaryan ed sikara, tan amta na saray asno no iner so pamapakanan ed sikara na amo a. Balet ag ak amta o natalusan na ssaray totook ya Israelita.

Isaias 1:3 Iomraidhean Croise

Saray Salmo 94:8

Talusan yo, sikayo ran totook, agaylay inkakulang-kulang yo! Kapigay pakaaral yo?

Probirbio 28:5

Saray totoon maoges ag da amta so kabaliksan na inkatonung, balet saray mangigagalang ed Katawan sigput dan natatalusan.

Probirbio 6:6

Mangingiras a totoo, laka yod kawalaan da ray gilata; imano yoy panagbilay da, pian makaaral kayod sikara.

Isaias 27:11

Amagaan iray sanga na saray kiew tan apoter-poter ira; saray bibii aalaen da ra yan itongo. Lapud anggapoy atalusan na saray totoo, ag ira abageyen o kasian na Dios a Manamalsa ra.

Isaias 42:20

Israel, amayamay so nanenengneng mo, balet anggapoy walad sika. Akalokas iray layag mo, balet anggapoy narerengel mo.”

Isaias 44:18

Diad gaway inkakulang-kulang da ra yan totoo ag da amtay gagawaen da. Ikokopit day mata ra tan sasaraan day kanunotan da ed katwaan.

Isaias 5:12

Diad saray pista yo wala ray arpa, pandirita, tan plauta tan alak. Balet ag yo natatalusan so gagawaen na Katawan.

Isaias 5:13

Lapud saya, naala kayon priso ed arum a bansa. Ompatey ed eras iray pangulo yo, tan ompatey ed kaapgaan iray ordinarion totoo.

Isaias 56:11

Singa ra masisiban aso ya ag balut napepesel. Anggapoy pakatalus da ra yan pangulo. Gagawaen na balang sakey ed sikara so labay to tan say dilin pankaabigan to so aanapen to.

Jeremias 10:14

Diad pakanengneng ed saraya, nabirbir na amin a totoo a makulang-kulang tan anggapoy pakatalus da; balang platiro naeekalay ilalo ed saray talintao to, ta tila-tilan diriyos iray gagawaen da; anggapoy bilay da.

Jeremias 10:8

Andi-kalakal tan makulang-kulang ira yan amin a totoo. Antoy naaral da ed saray kiew a talintaoy diriyos?

Jeremias 35:16

Saray kabyangay boleg nen Jonadab inonur day ganggan na laki ra, balet sikayon totoo ag yo ak inonur.

Jeremias 4:22

Say Katawan kuanto, “Anggapoy kalakal iray totook; ag da ak kabat. Singa ra ogogaw ya anggapoy kalakal; anggapoy pakatalus da. Marunong iran manggaway kaogsan, balet ag da amtay manggaway kamaungan.”

Jeremias 50:6

“Singa abalang a karniro iray totook; saray pumapastol da pinaolyan da ran abalang ed kapalandeyan. Nanakar-akar irad nandoroman palandey, kanyan alingwanan da la no iner so kawalaay abung da.

Jeremias 8:7

Anggan saray gikgik ed liwang amta ra no oras lay kapapawil; saray malapati, saray mangalimpana, tan saray dolakak amta ra no kapigay iyakar dad arum a pasen a panayaman da. Balet, sikayo ran totook, ag yo amta ray ganggan ko a nepeg yo ran onuren.

Ezekiel 16:30

Sikato yay ibabaga na Katawan a Dios: “Ginagawam ira yan amin, ta sakey kan anggapoy kababaingan a marotak a bii.

Daniel 9:11

Sinumlang na amin ya Israelita iray ganggan mo tan ag da nilabay a dengelen so imbagam. Nankasalanan kamid sika, kanyan impelag mod sikami iray samban nisulat ed Ganggan nen Moises ya aripen mo.

Oseas 2:8

Ag ton balut birbiren a siak so angiter ed sikato na trigo, alak, larak na oliba, tan amin a balituk tan pilak ya inkakana tod impangigagalang tod Baal.

Mateo 13:19

Saramay ilik a dinmapod gilig na dalan aliling day salitan nipaakar ed Panarian a derengelen na totoo, balet ag da natatalusan. Laen na samay Maoges ya ekalen imay salitay Dios a dinmapod puso ra.

Saray Taga Roma 1:28

Lapud saray totoo et ag da labay a kabaten so Dios, pinaolyan to ra ed maoges iran kanunotan da, kanyan gagawaen day ag manepeg iran gawa.

2 Pedro 3:5

Gagagalaen da ingen ya ipolisay so katwaan a diad panamegley na salitay Dios, apalsay tawen tan dalin. Apalsay dalin nanlapud danum tan diad pegley na danum.