Isaias 1:25 - Maung A Balita Biblia

²⁵ Walay gawaen ko sumpad sikayo. Linisan ta kayon singa panagpalba ed mital, tan ekalen koy amin a dotak yo.

Maung a Balita Biblia

²⁵ Walay gawaen ko sumpad sikayo. Linisan ta kayon singa panagpalba ed mital, tan ekalen koy amin a dotak yo.

Isaias 1:25 Iomraidhean Croise

Saray Salmo 119:119

Singa dotak so pangipapasen mod saray totoon maoges, kanyan inarok iray bilin mo.

Isaias 1:22

Jerusalem, singa ka pilak nen saman, balet natan andi-kakanaan ka la; singa ka masamit ya alak nen saman, balet natan danum ka labat.

Isaias 27:9

Balet napirdona labat iray kasalanan na Israel, no natemek a singa katemek na tisa iray baton altar a panangigalangan na saray pagano, tan no anggapoy natilak a tanda na diosan Asera odino altar a panagpoolay insinso.

Isaias 4:4

Lapud pakayari na Katawan sintinsiaan tan pasantosen to so bansa tan orasan tod kasalanan so Jerusalem tan ekalen toy dala a naibung diman.

Jeremias 6:29

Manliub so palbaan, balet ag natotonaw odino naeekal so dotak na mital. Anggapoy kana so pangituloy na pampalba, ta ag met lamlamang naeekal iray totoon maoges.

Jeremias 9:7

Lapud saya say Katawan a Makapanyarin-amin kuanto, “Pasilingen kon singa mital iray totoo, tan suboken ko ra. Nanggagaway kaogsan iray totook— anto niy nagawaan kod sikara?

Ezekiel 20:38

Ekalen kod sikayo ray mananumpa tan makasalanan. Ekalen ko rad saray dalin a panaayaman da natan, balet ag ko ra abuloyan ya ompawil ed dalin na Israel. Naamtaan yod satan a siak so Katawan.”

Ezekiel 22:19

Kanyan natan siak, a Katawan a Dios, ibabagak ed sikara a singa ra labat saraman ya andi-kakanaan a mital. Pantitiponen ko ran amin ed Jerusalem

Ezekiel 22:20

a singa pangyan ed palbaan na pilak, gansa, balatyang, ismay, tan lata. Tonawen ira na pasnuk tan sanuk ko a singa panonaw na apoy ed gansa.

Ezekiel 22:22

Natonaw ira ed Jerusalem a singa katonaw na pilak ed palbaan, et diad satan naamtaan da a liliknaen da so sulit na pasnuk ko, siak a Katawan.”

Sofonias 3:11

Diad satan a panaon, sikayo ran totook et ag yo la nakaukolan so ombaing ed siak, ombaing lapud samay insumpa yod siak. Paekalen koy balang toon mapaatagey, et diad ontan ag yo ak lan balut labanan ed tapew na masanton palandey ko.

Malakias 3:3

Sikatoy onsabi a manintinsia a singa toon mamasileng tan malinis ed pilak. No panoy pamapasileng na platiro ed pilak tan balituk, ontan met so panlilinis na Katawan ed saray papari, pian mangyakar irad Katawan na manepeg iran bagat.

Mateo 3:12

Sankabembenan toy bigaon pantaep to na trigo. Tiponen toy ilik ed kamalir to, balet poolan toy taep ed apoy ya ag balut naerep.”

Deuteronomio 32:43

“Sikayo ran bansa, nepeg yon idayew iray totoo na Katawan— dusaen to ray mamatey ed sikara. Ombawid saray kalaban to tan pirdonaen to ray kasalanan da ray totoo to.”

Puyan 3:19

Pampasnukan tan dusaen ko ray amin ya inarok. Kanyan manseet ka, tan mampatauli ka.