Isaias 1:23 - Maung A Balita Biblia

²³ Mananumpa iray pangulom tan kakaiba ra na saray matakew; labalabay day mangawat lan mangawat na rigalo tan saray pasoksok. Balet ag da iyaalagey ed korti iray olila, odino onderengel ed pankatonungan na saray balo.

Maung a Balita Biblia

²³ Mananumpa iray pangulom tan kakaiba ra na saray matakew; labalabay day mangawat lan mangawat na rigalo tan saray pasoksok. Balet ag da iyaalagey ed korti iray olila, odino onderengel ed pankatonungan na saray balo.

Isaias 1:23 Iomraidhean Croise

2 Saray Awaran 36:14

Ontan met, saray pangulo na Juda, saray papari, tan saray karaklan et ag da tinoor so Dios, ta inalig da ray kaogsan da ray bansan walad kaliber-liber da diad impangigalang dad saray talintaoy diriyos. Diad onya, dinotakan day Timplo a pinasanto na Katawan.

Exodo 23:8

Ag kayo mangaawat na pasoksok, ta say pasoksok bulagen to so too, kanyan ag to la nanengneng so katonungan, tan deralen to so kanepegan da ray anggapoy kasalanan.

Probirbio 17:23

Saray maoges a huis mangaawat ira na maamut a pasoksok; napikewet ed satan so inkatonung.

Probirbio 29:24

Say manonan kalaban na kaibay matakew et say sikaton dili. Nadusa no ibaga tod korti so katwaan, balet isamba na Dios no ag to ibagay katwaan.

Isaias 1:17

tan manaral kayo lan manggaway kamaungan. Ipakurang yoy kaptekan ed saray katoowan—tulongan yo ray napapairap, iyagel yo ray olila, tan imasakit yo ray balo.”

Isaias 1:18

Say Katawan kuanto, “Gali dia natan, ta mampapalinewan itayo. Anggaman a marotarotak kayod kasalanan, pagmaliwen ta kayon malinis a singa yilo. Anggaman ya ambalangan singa dala iray kasalanan yo, pagmaliwen ta kayon singa kapotiy bagoy karniro.

Isaias 1:22

Jerusalem, singa ka pilak nen saman, balet natan andi-kakanaan ka la; singa ka masamit ya alak nen saman, balet natan danum ka labat.

Isaias 28:14

Dengel yoy ibabaga na Katawan, sikayo ran mapaatagey a totoon manooley ed sarayan totoo diad Jerusalem.

Isaias 3:14

Say Katawan iyaakar tod panagsintinsiaan iray mamasiken tan saray pangulo na saray totoo to. Kuantod sikara, “Sikayoy nanaala na saray bungay kaubasan, tan napno na saray sinamsam yod saray mairap-bilay iray kaabungan yo.

Isaias 30:1

Say Katawan nansalita: “Pangaskasiyan iray manooley ed Juda lapud linmaban irad siak. Totombuken da ray ag ko implano, tan akipakna ra sumpad linawak; pantatabunan day kasalanan a gagawaen da.

Isaias 33:15

Nitepel yo, no salitaen tan gawaen yoy inkatonung, no ag yo ikanay pakayari yo a mansaol ed saray mairap-bilay tan ag kayo mangawat na pasoksok, no ag kayo miolup ed saray mamplaplanon mamatey na too odino manggawa na arum a kaogsan.

Isaias 5:23

Balet lapu labat ed sakey a pasoksok ibobolus yo la ray totoon nankasalanan, tan sesebelan yon makagamur na katonungan iray anggapoy kasalanan.

Isaias 65:2

Sipaparaan ak lawas a mangawat ed saray totook ya anawet so olo ra tan itutuloy day manggaway makapoy tan mangonur ed dilin labay da.

Jeremias 22:17

Balet, sika, anggapoy arum a pampipilalekan mo no ag say pankaabigan mon dili; papateyen mo ray anggapoy kasalanan, tan maruksay pamapairap mod saray totoom. Say Katawan so nansalita.

Jeremias 32:32

lapud amin a kaogsan a ginagawa da ray totood Juda tan Jerusalem, pati saray arari tan saray pangulo ra, saray papari ra tan saray propita ra.

Jeremias 4:17

liktuben day Jerusalem a singa lalakin babantayan day sakey ya alog lapud sinmumpad Katawan iray totoo to.” Say Katawan so nansalita.

Jeremias 5:5

Onla ak ed saray totoon walad pakaoley tan misalita ak ed sikara. Andi-saew ya amta ra no anto so linawa na Dios da, amta ra so ganggan na Katawan.” Balet amin da impolisay da so pakaoley na Katawan; ag da labay so ontoluk ed sikato.

Jeremias 5:6

Lapud saya pateyen ira na saray lion a manlapud takel; bingbingkasen ira na saray asod katakelan a manlapud kalawakan; onloob ed saray baley da iray liopardo. Siopaman ed sikara so ompaway nabingbingkas ta amayamay lay kasalanan da, tan amimpiga-piga la ran inmaarawi ed Dios.

Ezekiel 12:2

Inkuanto, “Sika a toon ompatey, manaayam kan kaibam iray mananumpan totoo. Walay mata ra, balet anggapoy nanenengneng da; walay layag da, balet anggapoy narerengel da lapud mananumpa ra.

Ezekiel 22:27

Saray pangulo na gobirno et singa ra saray asod katakelan a mambibingkas na pinatey dan ayayep. Mampapatey ira na totoo, pian onyaman ira.

Oseas 4:18

Kayari ran oninom na pinasyan alak, manliket irad piakdul dad saray marotak a bibii; labay da niy napelag ed kababaingan nen say makagamur na kagalangan.

Oseas 5:10

Say Katawan kuanto; “Mamapasnuk ak lapud saray pangulo na Juda et nilooban day Israel, tan anamsam iray dalin ed sikato. Kanyan ibung kod sikara a singa delap so dusa.

Oseas 9:15

Say Katawan kuanto, “Ginmapod Gilgal ya amin iray maoges a gagawaen da. Diman so angigapwan koy pambosul kod sikara. Lapud saray maoges a ginagawa ra, pataynanen ko rad dalin ko. Ag ko la ra aroen; linmaban ed siak ya amin iray pangulo ra.

Amos 5:12

Amtak iray ambelat a kasalanan yo tan saray dakerakel a ginagawa yon kaogsan. Pinapairap yo ray maung a totoo, nanaawat kayoy pasoksok, tan sinesebelan yo ray mairap-bilay diad pakagamur day katonungan ed saray korti.

Mikias 3:11

Manaawat na pasoksok ed panooley da iray pangulo na siudad, miuupa ray papari ed pangipapatalus day Ganggan, tan pababayaran iray propita ed pangipapaamta ra na saray puyan da. Et ibabaga ran amin a walad sikara so Katawan. “Anggapoy onsabin deral ed sikami,” kuanda. “Say Katawan et walad sikami.”

Mikias 3:9

Dengel kayod siak, sikayo ran manoley ed Israel a mamobosul na katunongan tan mamipikewet na kaptekan.

Mikias 6:12

Saray mamayaman a totoo yo et papairapen da ray mairap-bilay, tan matila kayon amin.

Mikias 7:3

Amin da et masilib a manggaway kaogsan. Onkekerew na pasoksok iray opisyal tan saray huis. Say toon gagalangen ed bansa et ibabaga tod sikaray labay ton naala o nagawa, et mankokomplut la ra.

Zacarias 7:10

Ag yo papairapen iray balo, saray olila, saray sangkailin manaayam ed dalin yo, odino siopaman a walad pankaukolan. Tan ag kayo mannununot a manggaway maoges ed siopaman.’

Malakias 3:5

Say Katawan a Makapanyarin-amin kuanto, “Onsabi ak a manintinsia ed sikayo, tan mantasi ak a tampol sumpad saray managsalamangkiro, saray managlawan, saray mantatasi na tila-tila ed korti, saray manasaol na suildo da ray kumikimey, tan saray mamapasegsegang ed saray balon bibii, saray olila, tan saray sangkaili—amin da ray mangigagalang ed siak.

Saray Bilang 22:7

Kanyan saray pangulo da ray Moabita tan saray Madianita inawit da so bayar na samba, linma ra ed kinen Balaam, tan imbaga rad sikato so papaibaga nen Balak.

Mateo 21:13

Insan inkuantod sikara, “Nabasad Masanton Sulat a say Dios inkuanto: ‘Say abung ko natawag ya abung a panagpikasiyan.’ Balet ginawa yon ayaman da ray matatakew!”

Marcos 11:17

Insan imbangat tod saray totoo, “Nabasad Masanton Sulat a say Dios inkuanto, ‘Say abung ko natawag ya abung a panagpikasiyan na amin a katoowan.’ Balet ginawa yon ayaman da ray matatakew!”

Lucas 19:46

Inkuantod sikara, “Ibabagay Masanton Sulat a kuay Dios, ‘Say abung ko natawag ya abung a panagpikasiyan!’ Balet ginawa yon ayaman da ray matatakew!”

Lucas 24:27

Insan impaliwawa nen Jesus ed sikara yan asalitan nipaakar ed sikato diad Masanton Sulat, manlapud saray libro nen Moises ya anggad saray sulat na amin da ray propita.

Deuteronomio 16:19

Ag nepeg a pikeweten da so katonungan o walay lalabien da ed panagsintinsia ra; ag ira nepeg a mangawat na pasoksok, ta bulagen to ray anggan makabat tan matonung a totoo, et natanggoyur la ran mamikewet na katonungan.

Santiago 1:27

Say rilihion a malinis tan manepenepeg ed arap na Dios tan Ama tayo, saya: say pangasikaso tan panulong ed kairapan na saray olilan sigput tan saray balon bibii, tan say pangasikaso na sikan dili, pian ag ka narotakay kaogsan ed sayan mundo.

1 Samuel 8:3

Balet ag da inalig so ama ra; kayamanan labat so pilalek dan nagamuran, kanyan nanaala ray pasoksok tan pinipekewet day katunongan.