Isaias 1:18 - Maung A Balita Biblia

¹⁸ Say Katawan kuanto, “Gali dia natan, ta mampapalinewan itayo. Anggaman a marotarotak kayod kasalanan, pagmaliwen ta kayon malinis a singa yilo. Anggaman ya ambalangan singa dala iray kasalanan yo, pagmaliwen ta kayon singa kapotiy bagoy karniro.

Maung a Balita Biblia

¹⁸ Say Katawan kuanto, Gali dia natan, ta mampapalinewan itayo. Anggaman a marotarotak kayod kasalanan, pagmaliwen ta kayon malinis a singa yilo. Anggaman ya ambalangan singa dala iray kasalanan yo, pagmaliwen ta kayon singa kapotiy bagoy karniro.

Isaias 1:18 Iomraidhean Croise

Say Libro nen Job 9:33

Balet anggapoy toon manalaysay ed sikami— anggapoy manintinsia ed Dios tan siak.

Saray Salmo 51:7

Ekal mo pay kasalanan ko, et magmaliw ak a malinis; orasan mo ak pa, et magmaliw ak ya ampoti-poti.

Saray Salmo 51:9

Ag mo pa nenengnengen iray kasalanan ko, tan ponasan mo pan amin so kaogsan ko.

Isaias 1:23

Mananumpa iray pangulom tan kakaiba ra na saray matakew; labalabay day mangawat lan mangawat na rigalo tan saray pasoksok. Balet ag da iyaalagey ed korti iray olila, odino onderengel ed pankatonungan na saray balo.

Isaias 3:13

Akaparaan lay Katawan a mangibaga na liknaan to; sipaparaan lan manintinsia ed saray totoo to.

Isaias 41:1

Say Dios kuanto, “Mandeen kayo tan dengel yo ak, sikayo ran arawin dalin! Mamparaan kayon mangiparontal na kaso yo ed korti; nawalaan kayoy pankanawnawan mansalita. Mantitipon tayon manimbang no siopay walad katonungan.

Isaias 41:21

Say Katawan ya ari na Israel kuanto: “Sikayo ran diriyos na bansa, iparontal yoy riklamo yo. Ipaway yo la ray sankaabigan a paneknek yo!

Isaias 44:22

Saray kasalanan mo et impapalir ko ra a singa lorem. Pawil kad siak; siak so mangilalaban ed sika.”

Isaias 50:8

lapud asingger so Dios, tan paneknekan ton anggapoy kasalanan ko. Wala kasiy siopaman a makatepel a mangakusa ed siak? No wala, onla kamin dua ed korti, ta iparontal toy pangaakusaan tod siak.

Isaias 55:7

Saray makasalanan a totoo et ibeneg da komun so kabibilay da tan omanen day panagnunot da. Ompawil ira komun ed Katawan a Dios tayo, ta mapangasi tan sipaparaan a mamirdona.

Jeremias 2:5

Say Katawan kuanto: “Antoy dalem na saray lalaki yo sumpad siak? Antoy makasengeg na impangikaindan dad siak? Inggagalang da ray andi-kakanaan a talintaoy diriyos, kanyan nagmaliw iran andi-kakanaan.

Ezekiel 18:27

No ontondan mankasalanan so toon maoges tan manggawa lay kaptekan tan kamaungan, nilaban to so bilay to.

Ezekiel 33:16

Pirdonaen ko ray ginagawa ton kasalanan tan mambilay lapud nanggawa na kaptekan tan kamaungan.

Mikias 6:2

Sikayo ran kapalandeyan, sikayo ran andi-anggaan a pundasion na dalin, dengel yoy pangaakusa na Katawan! Say Katawan walay pangakusaan tod saray totoo to. Akusaen toy Israel.

Saray Gawgawa 17:2

tan onung ed kaogaliyan nen Pablo, linmoob diman. Diad loob na taloy simba, kapag Agew na Panagpainawa, akipalinewan diman ed saray totoo. Inkana toy Masanton Sulat

Saray Gawgawa 18:4

Kapag Agew na Panagpainawa, akipappalinewan ed sinagoga, tan ginagawa toy anggaay nayarian to a panisiaen iray Judio tan saray Grigo.

Saray Gawgawa 24:25

Balet nen ituloy nen Pablo so mampaliwaway nipaakar ed kamaungan, panagadyad dilin laman, tan say okum ya onsabi, ataktakot si Felix tan inkuanto, “Alis ka ni, ta patawag ta ka no walay panaon ko.”

Saray Taga Roma 5:20

Nen niiter so Ganggan, lalon dinmakel so panaggaway kaogsan. Balet nen dinmakel so kasalanan, lalon binmaleg so panangaroy Dios.

Puyan 7:14

“Ag ko amta,” ebat ko. “Sikayoy makaamta.” Inkuantod siak, “Sikara yay totoon akaliktar ed baleg a kairapan. Inorasan tan pinapoti ray kawes da ed dala na Kordiro.

1 Samuel 12:7

Alagey kayo natan ed kawalaan yo, tan akusaen ta kayod arap na Katawan. Ipanunot kod sikayoy amin a pakelaw a ginagaway Katawan diad impangilaban tod sikayo tan saray lalaki yo.