Isaias 1:14 - Maung A Balita Biblia

¹⁴ Kabosul ko ray Balon Bulan a Pista yo tan saray masanton agew yo. Ag ko la ra naanosan a sakbaten.

Maung a Balita Biblia

¹⁴ Kabosul ko ray Balon Bulan a Pista yo tan saray masanton agew yo. Ag ko la ra naanosan a sakbaten.

Isaias 1:14 Iomraidhean Croise

1 Saray Awaran 23:31

tan kapag isaklang so bagat a popoolan no Agew na Panagpainawa, no Pistay Balon Bulan, tan no arum iran pista. Wala ray totontonen a mangibaga no pigaray Levitan manggawa ed sayan kimey da. Say pangigalang ed Katawan so kimey lawas na saray Levita.

Isaias 29:1

Say altar na Dios, say dilin Jerusalem et pangaskasiyay kipapasen to! Kaskasian so siudad a nankampoan nen David! Palabasen niy sakey o duaran taon, a pati saray pista to,

Isaias 29:2

insan say Dios iyakar toy deral ed siudad a tatawagey “altar na Dios.” Niwalad satan so panakis tan panagugol, tan say intiron siudad et magmaliw a singa altar a naames na dala.

Isaias 43:24

Ag mo ak insaliwan na insinso odino pinenek ak na taba na saray tabay ayayep mo. Say agawa, ingen, et siak so impansakbat mo lapud saray kasalanan mo; pinakesaw mo ak lapud saray kaogsan a ginagawam.

Isaias 61:8

Say Katawan kuanto, “Inarok so inkatonung tan kabosul koy panagpairap tan panaggaway kaogsan. Tumangan kon tumangan iray totook Tan migawaan ak ed sikara na sipanan ya andi-anggaan.

Isaias 66:23

Kapag Pista na Balon Bulan tan kapag Agew na Panagpainawa amin da ray totoo ed balang bansa et onla ran mangigalang ed siak diad Jerusalem,” kuay Katawan.

Isaias 7:13

Inmebat si Isaias, “Dengel ka natan, sika a kabyangay boleg nen David. Makapoy ed sika ya ekalan moy anos so too—ekalan moy anos so pati Dios?

Oseas 2:11

Patondaen kon amin iray pista to—saray pista ton binulan tan tinaon, say panagngilin tod Agew na Panagpainawa tan amin da ray tinandaan a pista.

Oseas 5:7

Aliwa ran matoor ed Katawan; ag to kayaryan iray anak da. Kanyan ag mabayag naderal ira tan saray dalin da.

Amos 2:13

Et natan detdetan ta kayod dalin; manayay kayod satan, tan singa kayo kariton a napnoy trigo.

Amos 5:21

Say Katawan kuanto, “Kabosul ko ray pista yo; ag ak manliket ed sikara!

Zacarias 11:8

Ag ak akaanos ed saray taloran kaparak a pumapastol ya amosul ed siak, kanyan pinagit ko ra ed loob na sakey bulan.

Malakias 2:17

Pinasawa yoy Katawan lapud panagsalita yo. Balet tetepeten yo, “Panoy impamasawa mid sikato?” Pinasawa yo diad impangikuanyo, “Ipapasen na Katawan a Makapanyarin-amin a maung iray manggagaway kaogsan; diad tuay tua labalabay to ra.” Odino diad panamegley na panetepet yo, “Kawalaay Dios a nepeg a matonung?”