Isaias 1:1 - Maung A Balita Biblia

¹ Diad sayan libro nisulat iray impasingayew na Dios ed kinen Isaias a lakin anak nen Amoz legan na impanari ed Juda di Uzias, Jotam, Acaz, tan Ezekias.

Maung a Balita Biblia

¹ Diad sayan libro nisulat iray impasingayew na Dios ed kinen Isaias a lakin anak nen Amoz legan na impanari ed Juda di Uzias, Jotam, Acaz, tan Ezekias.

Isaias 1:1 Iomraidhean Croise

2 Saray Arari 15:1

Nen kumaduamplo tan piton taon na panooley nen Ari Jeroboam ed Israel, nagmaliw ya ari na Juda si Uzias a lakin anak nen Amasias.

2 Saray Arari 15:13

Nen kumatalomplo tan siam a taon na panooley nen Ari Uzias ed Juda, nagmaliw ya ari na Israel si Sallum a lakin anak nen Jabes, tan nanayam ed Samaria legan ton nanoley a sakey bulan.

2 Saray Arari 15:32

Nen kumadwan taon na panaarid Israel nen Pekas a lakin anak nen Remalias, nagmaliw ya arid Juda si Jotam a lakin anak nen Uzias.

2 Saray Arari 15:7

Inatey si Uzias, nipompon ed kamposanto da ray arari diad Siudad nen David, insan sinmalat ed sikaton nanari si Jotam a lakin anak to.

2 Saray Arari 18:1

Nen kumatlon taon na panaarid Israel nen Oseas a lakin anak nen Elas, nagmaliw ya arid Juda si Ezekias a lakin anak nen Acaz.

2 Saray Arari 19:2

Imbaki tod kinen propita Isaias a lakin anak nen Amoz ira di Eliakim a makaoley ed palasio, Sebna a sikritario na palasio, tan saray mamatakken a papari. Akakawes met iray sako.

2 Saray Awaran 26:1

Pinili na amin a totood Juda so lakin anak nen Amasias a si Uzias ya onsalat ed kinen ama to a manari. Labinanem so taon to nen pinili ra. (

2 Saray Awaran 26:22

Inkorit nen propita Isaias a lakin anak nen Amoz iray arum a ginagawa nen Ari Uzias legan na impanoley to.

2 Saray Awaran 27:1

Nagmaliw ya ari si Jotam nen mantaon na duamplo tan lima, tan nanoley ed Jerusalem na labinanem taon. Si Jerusa ya anak nen Zadoc so ina to.

2 Saray Awaran 28:1

Nagmaliw ya ari si Acaz nen mantaon na duamplo, tan nanoley ed Jerusalem na labinanem taon. Ag to inalig iray maung a ginagawa nen laki ton Ari David; ginagawa to ingen so aliwan makapaliket ed Katawan,

2 Saray Awaran 29:33

angaawit met ira na anem a lasus a bakan kalakyan tan talon libon karniro ya ibagat tan kanen na saray totoo.

Saray Salmo 89:19

Diad sakey a payawar nen saman, imbagam ed saray matoor a managlingkur mo, “Tinulongan koy sakey a bantug a sondalo; inter koy trono ed pinilik ed saray totoo.

Isaias 13:1

Sikato yay propisiya a nipaakar ed Babilonia, say propisiya ya impuyan na Dios ed kinen Isaias a lakin anak nen Amoz.

Isaias 2:1

Sikara yay salitan inter na Dios ed kinen Isaias a lakin anak nen Amoz nipaakar ed Juda tan Jerusalem:

Isaias 20:2

Taloy taon kasakbayan na sayan agawa, imbaga na Katawan ed kinen Isaias a lakin anak nen Amoz ya ekalen to ray sandalya to tan say insolung ton sako. Inmonur si Isaias tan nanliber-liber a kasali-sali tan labus-lakseb.

Isaias 21:2

Nipasingayew ed siak so nipaakar ed saray maruksan nagawa a nipaakar ed panagtraidor tan panagderal. Sondalo na Elam, dogpa kayo! Sondalo na Media, looban yo ray siudad! Panganggaen la na Dios so panamairap na Babilonia.

Isaias 37:2

Imbaki tod kinen propita Isaias a lakin anak nen Amoz ira di Eliakim a makaoley ed palasio, Sebna a sikritario na korti, tan saray mamatakken a papari. Akakawes met iray sako.

Isaias 38:1

Legan to met ira man ya agew, nansakit si Ari Ezekias tan ngalngali inatey. Linmad sikato si propita Isaias a lakin anak nen Amoz tan kuantod sikato, “Ibabaga na Katawan ya oksuy mo lan amiy bengatla, ta ag ka la onabig. Mamparaan kan ompatey.”

Isaias 40:9

Jerusalem, tatdang kad atagey a palandey, ta ipulong moy maung a balita! Kolyaot ka, Sion, ibawag moy maung a balita! Ag ka ontatakot, mansalita ka. Ibagam ed saray baley na Juda ya onsasabi lay Dios da!

Isaias 6:1

Diad samay taon ya inatey si Ari Uzias anengneng koy Katawan. Manyodyorung ed trono ton atagey tan mapagalang, tan nilaknaban na kawes to so intiron Timplo.

Isaias 7:1

Ginmapoy bakal nen manaarid Juda si Ari Acaz a lakin anak nen Jotam tan apo nen Uzias. Say ari na Siria a si Rezin tan say ari na Israel a lakin anak nen Remalias et dinogpaan day Jerusalem, balet ag da adakep.

Jeremias 23:16

Say Katawan a Makapanyarin-amin kuantod saray totood Jerusalem, “Ag yo dedengelen so ibabaga na saray propita, ta iitdan da kayo labat na saray maapan ilalo. Ibabaga ra labat ed sikayo iray walad kanunotan da, aliwan saray imbagak.

Ezekiel 1:1

Siak, si Ezekiel a pari a lakin anak nen Buzi, et kaibak iray kaparak a Judion nibantak ed Babilonia. Diad kumaliman agew na kumapat a bulan na kumatalomplon taon na panaayam mi ed gilig na Ilog na Kebar, linmokas so tawen, et akanengneng ak na pasingayew a nanlapud Dios. (

Oseas 1:1

Sikato yay sinalita na Katawan ed kinen Oseas a lakin anak nen Beeri legan na panaon na impanarid Juda di Uzias, Jotam, Acaz, tan Ezekias, tan si Jeroboam a lakin anak nen Joas so arid Israel.

Amos 1:1

Sikara yay salita nen Amos, sakey a pumapastol a taga baley na Tecoa. Duay taon kasakbayan na insabiy yegyeg, nen ari na Juda si Uzias tan si Jeroboam a lakin anak nen Joas so ari na Israel, impaamta na Dios ed kinen Amos ira yan bengatlan nipaakar ed Israel.

Amos 4:5

Ituloy yoy pangibagat yo na tinapay diad pisalamat yod Dios, tan ipanta yoy masoluk a bagat yo! Sikato yay labalabay yon gawaen.

Mikias 1:1

Legan na impanoley di Ari Jotam, Acaz, tan Ezekias ed Juda, say Katawan inter to yan salita ed kinen Mikias a taga baley na Moreset. Impaamta na Katawan ya amin ira yan bengatlan nipaakar ed Samaria tan Jerusalem.

Nahum 1:1

Sikato yay salitan nipaakar ed Ninive, say nipasingayew ed kinen Nahum a taga Elkos.

Habacuc 2:2

Saya so inebat tod siak: “Isulat mon malinew ed sakey a tapyak a bato so ipapaamtak ed sika, pian nabasa ya anggan napasimaran labat.

Saray Bilang 12:6

tan say Katawan kuanto, “Dengel yo natan so ibagak! No walad sikayo ray propita, ipaamtak ed sikara so siak a dili diad panamegley na saray pasingayew tan misalita ak ed sikara diad panamegley na saray kogip.

Saray Bilang 24:16

A narerengel to so ibabaga na Dios Tan awaten to so pakatalus a manlalapud Sankatageyan a Dios; Alukbok ak lapud inloob na ispiritu ed siak, Balet siansian lukas iray matak tan anengneng ko So pasingayew na Dios a Makapanyarin-amin.

Saray Bilang 24:4

A narerengel to so ibabaga na Dios, Alukbok ak lapud inloob na ispiritu ed siak, Balet siansian lokas iray matak tan anengneng ko So pasingayew na Dios a Makapanyarin-amin.

Mateo 17:9

Nen onlalasur iran nanlapud palandey binilin ira nen Jesus, “Ag yo ibabalitad siopaman yan naimatunan yo, anggad ag ni inmolid bilay so Anak na Too.”

Saray Gawgawa 10:17

Leleg a nununoten a maung nen Pedro no antoy kabaliksay anengneng ton payawar, sinmabi ra may imbaki nen Cornelio. Arumog day abung ya aanapen da, tan wala ra natan ed puirta.

Saray Gawgawa 26:19

“Kanyan, Ari Agripa, ag ak sinmumlang ed payawar a nanlapud tawen.

2 CORINTO 12:1

Nakaukolan a mampasirayew ak, anggaman ya anggapo lamlamang so iter to yan kamaungan. Balet say salitaen ko natan et nipaakar ed saray impayawar tan saray impaamta ed siak na Katawan.

2 Pedro 1:21

Ta anggapon balut so propisiyan nanlapud linaway too, no ag ingen diad impanpulong na saray totoo na salitay Dios, say Ispiritu Santo so angiwanwan ed sikara.