Habacuc 3:4 - Maung A Balita Biblia

⁴ Onsasabin maliwliwawa a singa kirmat; mankikidyam ed lima to so silew, a diay akaiyamutan na pakayari to.

Maung a Balita Biblia

⁴ Onsasabin maliwliwawa a singa kirmat; mankikidyam ed lima to so silew, a diay akaiyamutan na pakayari to.

Habacuc 3:4 Iomraidhean Croise

Nehemias 9:12

Diad panamegley na lorem inwanwan mo ra no agew, tan no labi niliwawaan mo ra na apoy so dadalanen da.

Say Libro nen Job 26:14

Melag labat ira yan kabyangan na pakayari to; esaes labat so nadngel tayo. Siopay makapikabat no kaonungay kabaleg na pakayariy Dios?

Saray Salmo 104:2

tan nilimbus moy sikan dili na liwawa. Inyaplag mon singa tulda iray katawenan,

Saray Salmo 18:12

Pinmaway ed kirmat a walad arapan to iray kristal tan saray kidyam na apoy tan tinmalus irad makapal a lorem.

Exodo 13:21

No agew say Katawan manayam ed bandad arap da a sakey a lusek a lorem, pian niwanwan to rad dalan; no labi manayam ed bandad arap da a sakey a lusek ya apoy, pian naliwawaan to ra. Diad onya makapambiahi ra ed agew tan labi.

Exodo 14:20

tan nanayam ed nanleetan na saray Egipsio tan saray Israelita. Pinabilonget na samay lorem so kawalaan na saray Egipsio, balet pinaliwawa to so kawalaan da ray Israelita, kanyan sanlabin ag akapansinggeran iray sondalo ra.

Probirbio 18:10

Say Katawan et singa mabiskeg a torin nasalimbengan na saray totoon matonung, pian niarawi rad kaatapan.

Ezekiel 1:27

Samay singa too et singa mankidyam a gansan walad pegley na apoy. Niliwawaan to na masnag so intiron kaliber-liber to,

Ezekiel 43:2

et anengneng kod man a manlalapud bokig so mankidyam a liwawa na kiwawala na Dios ed Israel. Singa ungol na dayat so bosis na Dios, tan mankidyam so liwawa na mundo.

Mateo 17:2

Nen wadman ira naimatunan da a naoman so nengneng nen Jesus: sinminag a singa agew so lupa to tan pinmotin singa liwawa so kawes to.

1 Timoteo 6:16

Sikato labat so ag ompatey; manaayam ed liwawan anggapoy makaasingger. Anggapo niy akanengneng, anggapo ingey nayarin makanengneng ed sikato. Diad sikato labat komuy kawalaay galang tan andi-anggaan a pakayari! Amen.

Puyan 21:23

Ag la nakaukolay agew o bulan a manilew ed siudad, ta say kagalangay Dios so manliwawad man, tan say Kordiro so lamparaan na siudad.

Puyan 22:5

Anggapo lad may labi, tan ag la ra mankaukolay lamparaan o liwaway agew, ta say Katawan a Dios so silew da, tan manari ran anggad angga.