Habacuc 3:13 - Maung A Balita Biblia

¹³ Pinmaway kan mangilaban ed saray totoom, tan mangiliktar ed pinilim ya ari. Kinabil moy pangulo da ray totoon maoges tan sigput mon dineral iray totoo to.

Maung a Balita Biblia

¹³ Pinmaway kan mangilaban ed saray totoom, tan mangiliktar ed pinilim ya ari. Kinabil moy pangulo da ray totoon maoges tan sigput mon dineral iray totoo to.

Habacuc 3:13 Iomraidhean Croise

2 Samuel 5:20

Kanyan linmad Baal-perazim si David, tan tinalo tod man iray Filisteo. Inkuanto, “Singa sinelak na delap iray kalaban ko nen dinogpaan iray Katawan.” Kanyan saman a pasen atawag na Baal-perazim.

Saray Salmo 105:15

Inkuanto, “Ag yo didiwiten iray aripen kon pinilik; ag yo papasakitan iray propitak!”

Saray Salmo 105:26

Insan imbaki toy aripen ton si Moises, tan si Aaron a pinili to ra.

Saray Salmo 110:6

Sintinsiaan to ray bansa, tan panoen to na saray bangkay so alug a panagbakalan, taloen to ray arari ed intiron mundo.

Saray Salmo 137:7

Nunot mo pa, Katawan, so ginagawa da ray Edomita, nen agew ya adakep so Jerusalem. Nunot mo may imbabagbaga ra, “Geba yo ya anggad pundasion to!”

Saray Salmo 20:6

Natan amtak a say Katawan et panataloen toy pinili ton ari; eebatan to manlapud masanton tawen, tan diad panamegley na pakayari to, iitdan to na saray baleg a pananalo.

Saray Salmo 28:8

Say Katawan iyaagel to ray totoo to, iyaagel tan ilalaban toy pinili ton ari.

Saray Salmo 68:7

O Dios, nen inwanwan mo ray totoom, nen bineltang moy kalawakan,

Saray Salmo 77:20

Diad panangipangulo di Moises tan Aaron, singa ka pumapastol ya angiwanwan ed saray totoom.

Saray Salmo 99:6

Di Moises tan Aaron iray papari to, tan si Samuel so sakey ed saray nampikasid sikato; tinmawag irad Katawan, et inebatan to ra.

Isaias 63:11

Balet kabebekta anunotan da ray apalabas ya agew nen Moises ya aripen na Katawan, tan tinepet da, “Iner natan so kawalaan na Katawan ya angilaban na saray pangulo da ray totoo to ed kalener dad dayat? Kawalaan na Katawan ya angiter ed kinen Moises na ispiritu to?

Isaias 64:1

Akin et ag mo gaygayen so tawen, insan ka onlasur? Nanengneng ka na kapalandeyan tan onyegyeg irad takot da.

Ezekiel 13:14

Ginetmak ya igebad dalin imay padir a tinapalan na dena, mekmekan ko, tan paolyan kon ompaway iray baton pundasion to. Natumbaan kayo ya amin no nageba tan ompatey kayo. Diad satan naamtaan na balang sakey a siak so Katawan.

Amos 9:1

Anengneng koy Katawan a manalalagey ed abay na altar. Ingganggan to: “Maso yo ray toktok a lusek na Timplo, pian nayegyeg so pundasion. Igeba-geba yod kaoluan da ray totoo. Pateyen kod bakal iray nakdaan a totoo. Anggapod sikaray makaarawi; anggapoy anggan sakey a makabatik ed sikara.

Josue 10:11

Nen saray Amorreo et ibabatikan da ra may Israelitan sondalo, impepelag na Katawan ed sikara iray ankakabaleg ya oran a kristal ya anggad Azeka. Dakel niy apatey na oran a kristal nen say pinapatey da ray Israelita.

Josue 10:24

inyakar ed kinen Josue. Tinawag ton amin iray lalaki ed Israel tan ingganggan to ya onsingger ed sikato ira may opisyal ya akilad sikato tan iyan da ray sali ra ed kabeklewan na saramay arari. Ginawa ra so nibagad sikara.

Josue 10:42

Tinalo nen Josue ira yan amin ya arari tan saray nanarian da diad aminpinsan ya inliber ton nandodogpa, lapud kaiba na Israel ya akibakal so Katawan a Dios to.

Josue 11:12

Adakep nen Josue ira yan amin a siudad tan saray arari ra tan pinapatey da ray amin a totoo ra, onung na ingganggan nen Moises ya aripen na Katawan.

Josue 11:8

Say Katawan impanalo to ray Israelita; dinogpaan da ray kalaban da tan inosilan da ra ya anggad Misrefotmaim tan Sidon diad baybay, tan anggad patar na Mizpa diad bokig. Tinmuloy so bakal ya anggad anggapoy nakdaan a mabilay ed saray kalaban.