Habacuc 3:10 - Maung A Balita Biblia

¹⁰ Nen anengneng ka na kapalandeyan ginmiwgiw ira; naibung so danum manlapud saray tawen. Inmungol iray danum ed dalem na dalin, tan binmabaleg iray daluyon da.

Maung a Balita Biblia

¹⁰ Nen anengneng ka na kapalandeyan ginmiwgiw ira; naibung so danum manlapud saray tawen. Inmungol iray danum ed dalem na dalin, tan binmabaleg iray daluyon da.

Habacuc 3:10 Iomraidhean Croise

Nehemias 9:11

Benelsay mo so dayat para saray totoom insan mo ra impanakar ed pinamagam a dayat. Impalner mod aralem a danum iray angosil ed sikara; singa ra baton linmereg ed madaluyon a dayat.

Saray Salmo 104:32

Onnenengneng ed dalin so Katawan, et onggigiwgiw; didiwiten to ray kapalandeyan, et onaasewek ira.

Saray Salmo 148:7

Manlapud dalin idayew yoy Katawan, sikayon dragon ed dayat tan amin yon dalem na dayat;

Saray Salmo 18:15

Pinmaway so dalem na dayat tan alokasan iray pundasion na mundo, nen nampasnukan mo ray kalaban mo, Katawan, tan ineyagan mo ray maksil lapud sanuk mo.

Saray Salmo 65:13

Dakerakel iray karniro ed kaalogan; napnoy trigo iray patar. Maneeyag tan mangakantad liket iray amin a bengatla.

Saray Salmo 66:6

Impagmaliw ton amagan dalin so dayat; binaliw dan inakar so ilog iray lalaki tayo. Nanliket itayod man, lapud ginawa to.

Saray Salmo 93:3

Onuungol la ray dalem na dayat, O Katawan; makmaknul la ra tan manungol ira.

Isaias 43:20

Igalang ak na anggan saray ayayep ed katakelan; idayew ak na saray asod katakelan tan saray abistrus no saray ilog et paagosen kod kalawakan, pian naitdan na danum iray totook a pinilik.

Isaias 55:12

“Maliket kayon ontaynan ed Babilonia; mareen kayon nipaway ed siudad. Mankanta ray kapalandeyan tan saray kapokdulan, tan mantipak ed liket iray kakiewan.

Jeremias 4:24

Binantag ko ray kapalandeyan—nayeyegyeg ira, tan saray kapokdulan mambabayes ira.

Mikias 1:4

Insan diad silong to natonaw iray kapalandeyan, natonaw iran singa katonaw na ispirmad apoy; onibung irad saray patar, singa danum ya onaagos a nanlapud kapokdulan.

Nahum 1:5

Diad arap na Katawan nayeyegyeg iray kapalandeyan; natotonaw iray kapokdulan. Nayeyegyeg so dalin no ompapatnag so Katawan; manggiwgiw so mundo tan amin da ray katoowan.

Habacuc 3:6

No sikatoy ontonda, nayegyeg so mundo; diad ilinggis to onggiwgiw iray bansa. Abuybuyak iray andi-anggaan a kapalandeyan; linmereg iray ag manganggan kapokdulan, saray kapokdulan a nanaakaran to ra nen saman.

Mateo 27:51

Diad saman a bekta, apaldua so kurtina ed Timplo, manlapud tagey ya anggad saloy. Yinmegyeg so dalin, apisag iray bato,

Mateo 8:24

Kabebekta sinmabiy baleg a bagyo ed dayat, tan ngalngali la natabunan na daluyon imay baloto. Balet naogip si Jesus.

Saray Hebreo 11:29

Lapud pananisia, binaliw na saray Israelita so Dayat ya Ambalanga a singa ra dinmalan ed amagan dalin. Balet nen saray Egipsio so dinmalan, nalner ira.

Josue 4:18

et nen akasabi rad pandel na ilog ira may papari, inmagos lamet imay ilog tan asapat toy anggad saray pandel.

Puyan 16:12

Say kumanem ya anghil inkalbo tod baleg ya Ilog na Eufrates so kargay yaung to. Amagaan imay ilog, pian niparaan so dalanen da ray arin manlapud bokig.

Puyan 20:11

Kasumpal to ya, anengneng koy baleg a tronon ampoti tan say akayorung diman. Naandipat so tawen tan dalin ed arap to, tan ag la ran balut anengneng.

Puyan 6:14

Naandipat so tawen, a singa lolokuten a babasaen a nilokut, tan nakal iray palandey tan saray isla ed paspasen da.