Habacuc 2:3 - Maung A Balita Biblia

³ Isulat mo yan ipasingayew kod sika, ta aliwa nin natan a panaon so pakagawa to. Balet masiglat ya onsasabiy panaon tan ontua so ipaamtak ed sika. Nayarin singa matantan so isabi to, balet alagar mon onsabi; andi-saew a nagawa, tan ag la naabala so isabi to.

Maung a Balita Biblia

³ Isulat mo yan ipasingayew kod sika, ta aliwa nin natan a panaon so pakagawa to. Balet masiglat ya onsasabiy panaon tan ontua so ipaamtak ed sika. Nayarin singa matantan so isabi to, balet alagar mon onsabi; andi-saew a nagawa, tan ag la naabala so isabi to.

Habacuc 2:3 Iomraidhean Croise

2 Saray Arari 6:33

Ag to ni asumpal so ibabaga to nen sinmabiy ari tan kuanto, “Say Katawan so angiter ed sikatayo na sayan gunigon! Akin et manalagar ak niy antokaman a gawaen to?”

Saray Salmo 102:13

Ombangon ka tan kasian moy Sion; sinmabi lay oras na pangasim ed sikato; sikato yay manepeg a panaon!

Saray Salmo 27:14

Manmatalek kad Katawan. Mampabiskeg ka, pakpel moy linawam. On, manmatalek kad Katawan.

Exodo 12:41

Diad agew a mansamput so apat a lasus tan talomplon taon, amin da ray boleg na saray totoo na Katawan et tinaynan day Egipto.

Isaias 30:18

Anggaman ontan, manaalagar so Katawan a mangasid sikayo. Sipaparaan a mangasid sikayo lapud matonung lawas so gagawaen to. Maliket iray totoon manmamatalek ed Katawan.

Isaias 7:4

Ibagam ed sikato a sipaparaan lawas, mansiansian mareen, tan ag ontatakot odino nagugunigon. Say pasnuk nen Ari Rezin tan saray Siriano tan say pasnuk nen Ari Peca et singa labat asewek na duaran napopoolan a bislak.

Isaias 8:17

Inyamutan na Katawan iray totoo to, balet manmamatalek ak ed sikato tan sikatoy paniilaloan ko.

Jeremias 27:7

Manlingkur ed sikato ray amin a bansa, tan manlingkur irad anak ton laki tan say apo ton laki, anggad isabiy panaon na kapelag na bansa ton dili. Diad satan manlingkur so bansa to ed saray makapanyarin bansa tan diad saray matalonggaring ya arari.

Ezekiel 12:25

Siak a Katawan misalita ak ed sikara, tan no antoy sinalitak sikatoy nasumpal. Anggapo lay nagawan abala. Diad legay pambilay yo, sikayon totoon mananumpa, sumpalen koy impasakbay kon nagawa. Siak so nansalita,” kuay Katawan a Dios.

Ezekiel 30:9

“No asabi la tan ya agew tan aderal la so Egipto, mambapor iray ibakik a manaktakot ed saray ag nagugunigon a totood Sudan, et nataktakot ira lapud kaderal na Egipto. Onsasabi la tan ya agew!”

Daniel 10:14

Linma ak dia, ta ipatalus kod sikay nagawad saray totoom diad arapen a panaon. Sikato yay pasingayew a nipaakar ed arapen a panaon.”

Daniel 11:27

Insan saramay duaran ari ondongo ran mangan ed saksakey a lamisaan, balet maoges so getma ran dua, tan mantilaan ira. Ag da nagamuran so labay da, lapud ag ni sinmabi so panaon a pakala ra.

Daniel 11:35

Napatey ira may arum a pangulon makabat, balet lapud sayan nagawa nalinisan iray totoo. Ontuloy yan nagawa ya anggad onsabi so anggaan, say panaon ya inggetar na Dios.

Daniel 8:17

Dinmagoy Gabriel tan nanalagey ed abay ko, tan lapud mapalaloy inkataktakot ko niparugso ak ed dalin. Inkuantod siak, “Sika a toon ompatey, talusan moy kabaliksan na pasingayew a nipaakar ed anggaay mundo.”

Daniel 8:19

tan kuanto, “Ipapanengneng kod sikay pansumpalan na pasnuk na Dios. Samay pasingayew et nipaakar ed niganan panaon na anggaan.

Daniel 9:24

“Mamimpiton pitomplo a taon so karokey na panaon ya inggetar na Dios a pangibolus ed saray totoom tan say masanton siudad mo ed kasalanan tan kaogsan. Napirdona so kasalanan tan niletneg so andi-anggaan ya inkatonung, pian ontua so pasingayew tan say propisiya, tan nisaklang lamet ed Dios so masanton Timplo.

Mikias 7:7

Balet para siak, say Katawan so pampilalekan ko; sitatalek ak a manalagar ed Dios a manangilaban ko. Dengelen ak na Dios ko.

Sofonias 3:8

“Alagar yo ak sirin,” kuay Katawan. “Alagar yoy agew ya akusaen ko ray bansa. Tinibokel ko lad kanunotan ko a tiponen iray bansa tan saray nanarian, pian ipaliknak ed sikara so biskeg na pasnuk ko. Natemek ed apoy na pasnuk ko so intiron mundo.

Saray Bilang 23:19

Say Dios et aliwan singa saray totoo a mantila; Aliwan singa too a mangoman na kanunotan to. No antoy insipan to tooren to; No antoy imbaga to sumpalen to.

Lucas 2:25

Walay lakin manaayam ed Jerusalem a say ngaran to et Simeon. Matonung tan maasingger ed Dios yan too, tan aalagaren to a nilaban so Israel. Walad sikatoy Ispiritu Santo

Saray Gawgawa 1:7

Inmebat si Jesus, “Saray panaon tan agew ya inggetar na Ama diad pakayari ton dili, et ag la nakaukolan ya amtaen yo ra.

Saray Gawgawa 17:26

Manlapud saksakey a too, pinalsa toy katoowan ed amin a bansa tan impanayam to ra diad tapew na dalin. Sikaton diliy angigana ed saray panaon tan saray ketegan na panayaman da.

TAGA GALACIA 4:2

Legan ya ogaw nin melag wala ray totoon mangaasikaso tan manooley ed sikato, anggad onsabiy panaon ya ingganay ama to.

2 Pedro 2:3

Lapud inkaagom da, siliban day kayamanan yo diad panamegley na saray tila-tilan salita. Abayag lan akaparaay dusa ra, tan ag naogip so Mananeral ed sikara!

2 Pedro 3:9

Say Katawan ag to babayagen a gawaen so insipan to, a singa nababaloay arum. Aanosan to kayo, ta ag to labay a walay nadusa, no ag ingen labay ton ibeneg na amin komun iray kasalanan da.