Habacuc 2:20 - Maung A Balita Biblia

²⁰ Say Katawan et walad dalem na masanton Timplo to; mandeen komun ed arap to so balang sakey a too diad tapew na dalin.

Maung a Balita Biblia

²⁰ Say Katawan et walad dalem na masanton Timplo to; mandeen komun ed arap to so balang sakey a too diad tapew na dalin.

Habacuc 2:20 Iomraidhean Croise

Say Libro nen Job 37:20

Ag ko kerewen a misalita ak ed Dios; akin et itdan koy pankanawnawan maneral ed siak?

Saray Salmo 11:4

Say Katawan walad masanton timplo to; walad tawen so trono to. Babantayan toy amin a katoowan tan amta to ray gagawaen da.

Saray Salmo 115:3

Walad tawen so Dios mi, tan gagawaen toy antokaman a labay to.

Saray Salmo 46:10

Kuanko, “Itonda yo lay panlalaban yo, tan birbir yon siak so Dios, sankatalonggaringan ed saray bansa, sankatalonggaringan ed intiron mundo.”

Isaias 41:1

Say Dios kuanto, “Mandeen kayo tan dengel yo ak, sikayo ran arawin dalin! Mamparaan kayon mangiparontal na kaso yo ed korti; nawalaan kayoy pankanawnawan mansalita. Mantitipon tayon manimbang no siopay walad katonungan.

Isaias 6:1

Diad samay taon ya inatey si Ari Uzias anengneng koy Katawan. Manyodyorung ed trono ton atagey tan mapagalang, tan nilaknaban na kawes to so intiron Timplo.

Isaias 66:1

Say Katawan kuanto, “Say tawen so tronok tan say dalin so toonan na salik. Anton klasiy abung sirin so ipaalagey yon para siak, anton klasiy pasen so panayaman ko?

Isaias 66:6

Dengel kayo! Saman a baleg a tanul ed siudad, saman ya eyag ed Timplo et eyag na Katawan a manudusa ed saray kalaban to!

Jonas 2:4

Abaloan kon ya atawtaw ak la ed arap mo tan ag ko la nanengneng lamet so masanton Timplom.

Jonas 2:7

Nen aliknak a nanaoyus so linawak, anunotan ta ka, Katawan, tan nampikasi ak ed sika, et dinengel mo ak ditan ed dalem na masanton Timplom.

Mikias 1:2

Dengel yo ya, amin yon bansa; dengel yo ya, amin yon manaayam ed tapew na dalin! Mantasi so Katawan a Dios sumpad sikayo. Dengel kayo! Mansasalita a manlapud mangatatawen a timplo to.

Habacuc 3:1

Sikato yay pikakasi nen propita Habacuc:

Sofonias 1:7

Asingger lay isabi na agew ya onyorung a manintinsia so Katawan, kanyan mandeen kayo ed arap to. Ipaparaan na Katawan ya ibagat iray totoo to tan binagaan to ray kalaban a manamsam ed kayamanan na Juda.

Zacarias 2:13

Mandeen kayo, amin yon totoo ed arap na Katawan, ta sikatoy onsasabin nanlapud masanton ayaman ton pasen.