Habacuc 2:14 - Maung A Balita Biblia

¹⁴ Say mundo et napano na pikakabat ed kagalangan na Katawan a singa inkapano na dayat na danum.

Maung a Balita Biblia

¹⁴ Say mundo et napano na pikakabat ed kagalangan na Katawan a singa inkapano na dayat na danum.

Habacuc 2:14 Iomraidhean Croise

Saray Salmo 22:27

Amin da ray bansa et nanunotan day Katawan. Manlapud amin a sokung na mundo onlingaw irad sikato; igalang na amin a katoowan.

Saray Salmo 72:19

Idayew yon anggad angga so mapagalang a ngaran to! Panoen komun na kagalangan to so intiron mundo! Amen! Amen!

Saray Salmo 86:9

Amin da ray bansan pinapalsam ondago ra tan ondakmomo rad sika. Idayew day inkatalonggaring mo.

Isaias 11:9

Diad Sion a masanton palandey na Dios, anggapoy antokaman a mamasakit odino manderal. Say dalin napano na pikakabat ed Katawan a singa inkapnoy dayat na danum.

Isaias 33:6

tan iletneg ton malet so bansa. Iyagel to lawas iray totoo to tan itdan to ray kakabatan tan pakatalus. Say sankabalegan dan kayamanan et say pangigagalang dad Katawan.

Isaias 40:5

Insan nipaamta ed satan so kagalangan na Katawan, tan nanengneng na amin a katoowan. Say Katawan a dili so angisipan ed saya.”

Isaias 6:3

Mantatawagan ira: “Masanto, masanto, masanto! Masanto so Katawan a Makapanyarin-amin! Say sankamundoan napno na kagalangan to.”

Jeremias 31:34

Anggapod sikaray nepeg a mangibangat ed kabansaan to na nipaakar ed pangamta ed Katawan, ta nakabatan da ak ya amin, abeba may atagey so kipapasen da. Pirdonaen ko ray kasalanan da tan ag ko la nunoten iray ginagawa ran kaogsan. Siak, say Katawan, so nansalita.”

Ezekiel 47:5

Anukat ni na liman lasus tan apataplo tan siam a mitro, et araldalem lad may danum kanyan ag ko la nayarin yakyaken. Araldalem la so danum ya ag la nabaliw likud labat no langoyen.

Mikias 2:9

Patataynanen yod inararo ran kaabungan da iray bibii ed saray totook, tan tinatakew yod saray anak da so bindision kod ando lan ando.

Habacuc 2:15

Pakaskasi kayo la! Diad gaway pasnuk yo pinaabeba tan impelag yod kababaingan iray kaabay yo; impandongildongil yo ran singa abuek.

Habacuc 3:3

Onsasabi lamet a manlapud Edom so Dios; onsasabin manlapud kapokdulan na Paran so masanton Dios. Akobutan na kagalangan to so katawenan, tan napno na dayew to so sankamundoan.

Sofonias 3:9

“Insan ko pasimbaloen iray totood saray bansa, tan mampikasi rad siak labat ya aliwan diad saray diriyos, tan siak labat so panlingkuran dan amin.

Saray Bilang 14:21

Balet isipan ko a legan a mabilay ak tan legan a papanoen na kagalangan ko so mundo,

Puyan 11:15

Insan sinibuk na kumapiton anghil so trumpita to, tan walay makmaksil iran bosis ed tawen ya inkuanda, “Say panoley ed sankamundoan niiter lad Katawan tayo tan diad Cristo to, tan manarin anggad angga!”

Puyan 15:4

Katawan, siopay ag ontakot ed sika? Siopay ag malabay a mangigalang ed ngaran mo? Sika labat so masanto. Ondagon amin iray bansa tan mangigalang irad sika, ta anengneng na amin a katoowan iray matonung a gawgawam.”