Habacuc 2:10 - Maung A Balita Biblia

¹⁰ Balet saray ginagawa yo so angipelag ed pamilya yo ed kababaingan; lapud impanderal yod amayamay a bansa impelag yod kadederal so sikayon dili.

Maung a Balita Biblia

¹⁰ Balet saray ginagawa yo so angipelag ed pamilya yo ed kababaingan; lapud impanderal yod amayamay a bansa impelag yod kadederal so sikayon dili.

Habacuc 2:10 Iomraidhean Croise

1 Saray Arari 2:23

Insan insamba nen Solomon diad ngaray Katawan, “Pateyen ak komun na Dios no aliwan bilay nen Adonias so paibayar kod sikato, lapud sayan kekerewen to!

2 Saray Arari 10:7

Nen naawat da may sulat, pinatey na saray pangulo na Samaria ira may pitomplon kabyangay boleg nen Acab, inyan dad saray baskit iray olo ra, insan da ra impawit ed kinen Jehu diad Jezreel.

2 Saray Arari 9:26

‘Anengneng ko karuman so impamatey ed kinen Nabot tan saray anak ton lalaki. Isipan kon dusaen ta kad sayan alog.’ Kanyan alam so bangkay nen Joram,” ganggan nen Jehu ed kapitan, “ta ibantak mod alog nen Nabot, onung na imbagay Katawan.”

Probirbio 1:18

Balet saray ontan a totoo et papatitan day sikaran dili; diad dilin patit day pateyan da.

Probirbio 20:2

Takotan moy mamapasnuk ya ari a singa itakot mod mangwam a lion; mambibikkel ka no pampasnuken mo.

Probirbio 8:36

Balet say toon ag makarumog ed siak, papasakitan toy sikaton dili; siopamay mamobosul ed siak inaro toy patey.”

Isaias 33:11

Mamplaplano kayo na saray andi-kabaliksan tan anggapoy kana iray gagawaen yo. Say ispirituk et singa apoy a maneral ed sikayo.

Jeremias 22:30

“Sayan laki et asintinsiaan lan nabalang to ray anak to, sakey a lakin ag balut onaligwas. Anggapo ray kabyangay boleg ton manoley ed Juda a kasalat nen David. Siak, say Katawan, so nansalita.”

Jeremias 26:19

Ag pinatey nen Ari Ezekias tan saray totoo to si Mikias. Ingen tinakotan nen Ezekias so Katawan tan nala to so maung a linawa to. Diad onman angoman so Katawan ed kanununotan ton manderal ed sikara. Balet sikatayo, ngalngali ti la iyakar so baleg a deral ed sikatayon dili.” (

Jeremias 36:31

Dusaen ta ka, saray kabyangay boleg mo, tan saray opisyal mo lapud saray kasalanan yo. Sika, saray totood Jerusalem, tan Juda et ag dinmengel ed saray pasakbay ko, kanyan iyakar kod sikayon amin so deral ya imbagak lan gawaen ko.”

Jeremias 44:7

“Kanyan siak, say Katawan a Makapanyarin-amin a Dios na Israel, tetepeten kod sikayo natan no akin et gagawaen yod sikayon dili ira yan kaogsan. Labay yon onsabiy deral ed saray lalaki, bibii, saray anak tan saray ogogaw, pian anggapoy nakeraan ed sikayo?

Nahum 1:14

Sikato yay ingganggan na Katawan nipaakar ed saray taga Asiria: “Naoput iray kabyangay boleg da a mangikayat na ngaran da. Deralen ko ray talintaon walad saray timplo da ray diriyos da. Mangipaparaan ak na lobuk a para saray taga Asiria—ag da kanepegay mambilay!”

Habacuc 2:16

Nakawesan kayo kumun na kagalangan, ingen napelag kayod kababaingan. Maninom kayo tan mandongildongil kayo. Ipainom na Katawan ed sikayo so kupay dusa tan magmaliw a kababaingan so kagalangan yo.

Saray Bilang 16:38

Nagmaliw iran masanto nen niapay ira ed altar na Katawan. Kanyan alam ira may pananginay insinso a kayaryan na saramay totoon inaatey lapud kasalanan da, pitpit mo ra tan gawam iran okup na altar. Sikatoy sakey a pasakbay ed saray totood Israel.”

Mateo 27:25

Inmebat iray totoo, “Sikami tan saray anak mi so onebat ed ipatey to!”