Habacuc 2:1 - Maung A Balita Biblia

¹ Onkalab ak ed tagey na panagbantayan ko tan alagden kon nengnengen no antoy ibaga na Katawan ed siak tan no antoy iyebat tod riklamok.

Maung a Balita Biblia

¹ Onkalab ak ed tagey na panagbantayan ko tan alagden kon nengnengen no antoy ibaga na Katawan ed siak tan no antoy iyebat tod riklamok.

Habacuc 2:1 Iomraidhean Croise

2 Samuel 18:24

Manyodyorung si David ed nanleetan na puirtan walad paway tan say puirtan walad dalem na siudad. Kinmalab ed padir so bantay, insan tinmoon ed toktok na puirta; ninmengneng et abantag toy toon mambabatik a bukbukor.

2 Saray Arari 17:9

Ginagawa na saray Israelita iray bengatlan ag labay na Katawan. Nanggagawa ray paganon pasen a panangigalangan diad amin a baley da, manlapud sankamelagan a bario ya anggad sankabalgan a siudad.

2 Saray Arari 9:17

Anengneng na sakey a guardian walad panagbantayan si Jehu tan saray totoo to ya onsasabi. Inmeyag, “Walay nanenengneng kon olup na totoo!” Inmebat si Joram, “Mangibaki kay sakey a lakin mankabayo, ta nengnengen to no kakaaro ra odino kalaban ira.”

Say Libro nen Job 31:35

Anggapoy ondengel ed sasalitaen ko? Sambaan ko a tua ray amin a salitak. Ebatan ak komun na Dios a Makapanyarin-amin. No insulat komun iray ipapakasalanan na kalaban ko, pian nanengneng ko ra,

Say Libro nen Job 31:37

Ibagak ed Dios iray amin a ginagawak, tan mataletalek ak a miarap ed sikato.

Saray Salmo 5:3

dedengelen moy bosis ko no kabwasan; mikakasi ak ed sika no ompapaway lay agew, tan mantatalaran ak ed ebat mo.

Saray Salmo 85:8

Onderengel ak ed ibabagay Dios a Katawan; isisipan toy kareenan ed sikatayon dilin totoo to, no ag ti la pawilen so kaogsan tayo.

Saray Salmo 85:9

Peteg a sipaparaay Katawan a mangilaban ed saray mangigagalang ed sikato, et mansiansia ed dalin tayo so manangilaban a kiwawala to.

Isaias 21:5

Diad samay pasingayew, sakey a baleg a ponsia so akaparaan. Akaaplag lad datal so alpombra a yorunga na saray bisita. Manaakan tan maniinom ira. Kabebekta nieyag so sakey a ganggan, “Sikayo ran opisyal na saray sondalo! Iparaan yo ray samper yo!”

Isaias 21:6

Insan inkuan ed siak na Katawan, “Laka a mangipasen na guardia, tan ibagam ed sikaton ibawag toy nanenengneng to.

Isaias 21:8

Insan say guardia iyeeyag to, “Wadya ak, katawan, a mambabantay ed agew tan labi.”

Isaias 62:6

Angipasen ak ed tapew na saray padir mo, Jerusalem, na saray bantay; Nepeg ya agew labi ran ag balut ondeen. Nepeg ya ipanunot dad Katawan iray sipan to Tan ag da ipalingwan ed Katawan.

Jeremias 12:1

“Katawan, no manriklamo ak ed sika, napaneknekan mon matonung ka. Anggaman ontan tepetan ta ka na nipaakar ed katonungan. Akin et maaligwas so panagbilay da ray totoon maoges? Akin et mapalabo ray managpalikdon totoo?

Jeremias 6:17

Anoro so Katawan na saray totoon managbantay a mandengel ed pasakbay na tanul na trumpita. Balet inkuanda, “Ag kami ondengel.”

Ezekiel 3:17

Inkuanto, “Sika a toon ompatey, gawaen ta ka a managbantay ed bansa na Israel. Ipasabim ed sikara iray pasakbay ya ibabagak ed sika.

Ezekiel 33:7

“Natan, sika a toon ompatey, gawaen ta ka a managbantay na bansa na Israel. Nepeg mon ipasabid sikara iray pasakbay ya iiter kod sika.

Mikias 7:7

Balet para siak, say Katawan so pampilalekan ko; sitatalek ak a manalagar ed Dios a manangilaban ko. Dengelen ak na Dios ko.

2 CORINTO 13:3

Paneknekan kon mansasalitay Cristo ed panamegley ko, ta sikato yay anapen yo. Diad piolup tod sikayo aliwan makapoy, no ag ingen makapanyari.

TAGA GALACIA 1:16

Et nen impaamta tod siak so Anak to, pian nipulong kod saray Hintil so Maung a Balitan nipaakar ed sikato, ag ko ya impanon ed anggan siopan too.