Habacuc 1:9 - Maung A Balita Biblia

⁹ “Onsusulong iray sondalo ra a manduksa tan mandakep ira; natatakot so balang too no onsasabi la ra. Singa karakel na buer so karakel na adakep da.

Maung a Balita Biblia

⁹ Onsusulong iray sondalo ra a manduksa tan mandakep ira; natatakot so balang too no onsasabi la ra. Singa karakel na buer so karakel na adakep da.

Habacuc 1:9 Iomraidhean Croise

Genesis 41:49

Singa karakel na buer ed dayat so atipon to. Diad karakel da, tinondaan to la ran sinukat.

2 Saray Arari 12:17

Diad saman a panaon, dinogpaan nen Ari Hazael na Siria so siudad na Gat tan adakep to; insan ginetma ton dogpaan so Jerusalem.

Say Libro nen Job 29:18

Inilaloan ko a mambilay ak na andokey tan ompatey ak a maliket ed abung.

Saray Salmo 139:18

No bilangen ko ra, dakel ni ra nen say buer. No ombangon ak, wala ak nid abay mo.

Isaias 27:8

Dinusa na Katawan iray totoo to diad panamegley na impangibantak tod sikara ed arum a bansa. Impaibantak to ra ed mabiskeg tan maruksan dagem a nanlapud bokig.

Jeremias 15:8

Ginawak a dakel nen saray buer ed gilig na dayat iray bibiin balo a kadalaan yo. Pinatey ko ray anak yo nen kabisbiskegan da; impanliknak na kairapan iray kainaan da. Bengatbengat ko ran pinaermen tan pinatakot.

Jeremias 25:9

‘Tawagen kon amin iray totood baybay tan say aripen kon Ari Nabucodonosor na Babilonia. Pibakalen ko ra sumpad sayan bansa tan amin a manaayam dia tan amin a kaliber-liber ton bansa. Deralen ko ya anggad angga yan bansa tan saray kaabay to, paolyan ko ran aderal-deral ya anggad angga, makapataktakot tan makapasinagem iran nengnengen.

Jeremias 34:22

Iganggan ko ra, et ompawil irad sayan siudad. Dogpaan da, dakepen da, insan da poolan. Saray baley na Juda et pagmaliwen ko ran singa kalawakan ya anggapoy manaayam. Siak, say Katawan, so nansalita.”

Jeremias 4:11

Onsabiy panaon a nibagad saray totood Israel a say makasinit a dagem a manlalapud kabueran et onsibuk ed saray totoo na Katawan. Ag onsibuk a singa dagem a mangipapalir na trigo—

Jeremias 4:7

Singa lion a manlalapud amutan ton pasen; say managderal na saray bansa et akaparaan la. Onsasabin maneral ed Juda. Naderal-deral iray siudad na Juda, anggapoy natilak a manayam ed sikara.

Ezekiel 17:10

On, nitanem, balet mambilay tan ombaleg kasi? Ag kasi nalenes no basigan na mabiskeg a dagem a manlapud bokig? Ag kasi nalenes lad man ed akaitaneman to?”

Ezekiel 19:12

Balet diad gaway pasnuk na totoo nilamut dan binagut tan imbantak da ed dalin. Say dagem a nanlapud bokig et pinamaga toy bunga to. Apoter-poter iray sanga to; impamaga ra tan apoolan ira.

Daniel 11:17

“Iplano na ari na Siria a palaknaben so nanarian to, tan ikana toy amin a sondalo to. Insan konwarin migampid ari na kalaban ton nanarian, ipaasawa tod sikato so marikit ya anak to, pian naderal to; balet ag mampalabo ed plano to.

Oseas 1:10

Magmaliw a singa karakel na buer ed dayat iray totood Israel; ag ira nabilang odino nasukat. Natan say Dios kuantod sikara, “Aliwa kayon totook,” balet onsabiy agew ya ibaga tod sikara, “Sikayo ray anak na mabilay a Dios!”

Oseas 13:15

Anggaman ya ombolaslas a singa dika so Israel, mangibaki ak na ampetapetang a dagem a manlapud bokig, a mamaekat ed saray sobul tan saray bobun da. Paandien to ray antokaman a mabmabli.

Habacuc 1:17

Ikana ra kasin andi-angga iray ispada ra tan ituloy dan deralen ya andi-panangasi iray bansa?

Habacuc 1:6

Pagmaliwen kon manoley iray taga Babilonia, saraman a mapalaloy sebeg tan ag mandeen a totoo. Sulong la ran sulong ed anggan iner, pian nadakep da ray arum a dalin.

Saray Taga Roma 9:27

Onya met so imbawag nen Isaias nipaakar ed Israel: “Anggan magmaliw a singa karakel na buer ed dayat so bilang da ray totood Israel, daiset ed sikara so nilaban.

Saray Huis 7:12

Singa olup na dakerakel a dorun iray Madianita, saray Amalecita, tan saray kabyangay tribu ya akapanat ed patar, tan singa karakel na buer ed gilig na dayat iray kamilyo ra.