Habacuc 1:7 - Maung A Balita Biblia

⁷ Ikakayat day takot tan kapagaan tan diad gaway panagpaatagey da, say dilin labay da so nasumpal.

Maung a Balita Biblia

⁷ Ikakayat day takot tan kapagaan tan diad gaway panagpaatagey da, say dilin labay da so nasumpal.

Habacuc 1:7 Iomraidhean Croise

Isaias 14:17

Ag ta saya man so toon aneral ed saray siudad tan impagmaliw ton kalawakan so mundo? Ag ta sikato ya may toon ag balut angibolus ed saray adakep to odino amasempet ed sikara?”

Isaias 18:2

Manlapud saman a dalin onsabid Ilog na Nilo iray ibabakin managbalita. Manlogan irad saray baloton papiro. Sempet kayo la, sikayo ran masiglat ya ibabaki! Iyakar yoy balita ed dalin yo ya adalan-dalan na saray ilog, diad mabiskeg tan makapanyarin bansa yo, diad saray atatagey tan pinoy baog a totoo yo a tatakotan ira na sankamundoan.

Isaias 18:7

Onsabiy panaon a say Katawan a Makapanyarin-amin et mangawat na saray bagat a manlapud sayan dalin ya adalan-dalan na saray ilog, sayan mabiskeg tan makapanyarin bansa, sayan atatagey tan pinoy baog a totoo a tatakotan ira na sankamundoan. Onla rad Palandey na Sion a dimay pangigagalangan ed Katawan a Makapanyarin-amin.

Isaias 47:8

“Dengel ka, sikan maarod like-liket, sika ya abaloan mon arawi kad kaatapan. Ipapasen moy sikan dili a matalonggaring a singa Dios— ya anggapoy miparad sika. Abaloan mo ya ag kan balut nabalo odino nasalim so nabalangan na anak.

Daniel 2:31

“Kagalang ya Ari, diad samay nipasingayew ed sika, anengneng mon manalalagey ed arap mo so sakey a balbaleg a talintao, masilesileng tan mansiayap, tan makapataktakot a nengnengen.

Sofonias 2:15

Ontan so nagawa ed siudad ya ipapangaya toy dilin pakayari to tan ipapasen toy sikaton dili ya arawid kaatapan. Ipapasen na saray totoo to a say siudad da so sankatalonggaringan ed intiron mundo. Magmaliw a begte-begtew a pasen, sakey a pasen a panayaman na saray ayayep ed katakelan! Balang toon ondalan ed saman a pasen et makasoner ed kataktakot to.

Deuteronomio 5:19

“‘Ag ka mantatakew.

Deuteronomio 5:27

Pawil ka, Moises, ta dengel moy amin ya ibaga na Katawan a Dios tayo. Insan ka ompawil dia, ta ibagam ed sikami so imbaga to. Ondengel tan ononur kami.’