Habacuc 1:4 - Maung A Balita Biblia

⁴ Maletey tan anggapoy kana so ganggan, tan ag balut natotombuk so katonungan. Lalamesen na saray totoon maoges iray matonung, kanyan napipikewet so inkatonung.

Maung a Balita Biblia

⁴ Maletey tan anggapoy kana so ganggan, tan ag balut natotombuk so katonungan. Lalamesen na saray totoon maoges iray matonung, kanyan napipikewet so inkatonung.

Habacuc 1:4 Iomraidhean Croise

1 Saray Arari 21:13

Diad arap na saray totoo, inakusa na saramay duaran lalaki si Nabot ya aayewen toy Dios tan say ari. Kanyan impaway dad siudad si Nabot, tan tinupak da ya anggad inatey.

Say Libro nen Job 21:7

Akin et aabuloyan na Dios a mambilay na andokey iray totoon maoges, ombiskeg tan onaligwas ira?

Saray Salmo 11:3

Antoy nagawaay toon matonung, no aderal lan amiy bengatla.”

Saray Salmo 119:126

Katawan, natan lay pangipanengneng moy pakayarim, tan saray totoo susumlangen day ganggan mo!

Saray Salmo 22:12

Amayamay iray kalaban a singa ra bakan kalakyan ya onlalakub ed siak; wala rad kaliber-liber ko a singa ra saray masebeg a bakan kalakyan a nanlapud dalin na Basan.

Saray Salmo 22:16

Aliktub ak na saray totoon maoges, singa ra olup na saray ason ondodoklus ed siak; bibingkasen da ray limak tan saray salik.

Saray Salmo 59:2

Iyagel mo ak pad saray totoon maoges; ipaliis mo ak pad saray managpatey na too!

Saray Salmo 59:4

odino lapud kabandayan a ginawak, O Katawan, so panggaganat dan onlad saray pasen da.

Saray Salmo 94:3

Kapigan so itonda na panggayaga da ray makasalanan? Kapigan, Katawan?

Exodo 23:2

Ag kayo mibibiang ed saray karaklan no maoges so gagawaen da, o no mantasi ra na tila diad pamikewret dad katonungan.

Exodo 23:6

“Ag yo pipikeweten so katonungan na mairap-bilay no onapireng ed korti.

Isaias 5:20

Pakaskasi kayo la! Ibabaga yo a maoges so maung tan maung so maoges. Pagmamaliwen yo a kabilongetan so liwawa tan say liwawa so kabilongetan. Gagawaen yon ampait so masamit tan masamit so ampait.

Isaias 59:12

“Katawan, amayamay iray kaogsan a ginagawa mi sumpad sika. Aakusaen kami na saray kasalanan mi. Malinew so pakaamta mid saray kasalanan mi.

Jeremias 12:1

“Katawan, no manriklamo ak ed sika, napaneknekan mon matonung ka. Anggaman ontan tepetan ta ka na nipaakar ed katonungan. Akin et maaligwas so panagbilay da ray totoon maoges? Akin et mapalabo ray managpalikdon totoo?

Jeremias 12:6

Anggan saray agagim a lalaki, saray kabyangay boleg mo et nantraidoran da ka; manggagampi rad idogpa rad sika. Ag mo ra panmamatalkan, anggaman a maabig so panagsalita rad sika.”

Jeremias 26:8

tan kapangibagak ed saray amin ya ingganggan na Katawan a salitaen ko, siningkat da ak tan ineeyag da, “Nepeg moy pateyen lapud saya!

Jeremias 8:7

Anggan saray gikgik ed liwang amta ra no oras lay kapapawil; saray malapati, saray mangalimpana, tan saray dolakak amta ra no kapigay iyakar dad arum a pasen a panayaman da. Balet, sikayo ran totook, ag yo amta ray ganggan ko a nepeg yo ran onuren.

Ezekiel 9:9

Inmebat so Dios, “Baleg a tuloy so kasalanan na saray totood Israel tan Juda. Nampapatey irad inerman a pasen na dalin na Israel tan pinano ray Jerusalem na amin a kaogsan. Ibabaga ra a siak a Katawan et inkaindan koy bansa ra tan ag ko ra nanenengneng.

Oseas 10:4

Andi-kakanaan iray sasalitaen da tan anggapoy kabaliksan iray sipan tan saray pisisipanan da. Apikewet la so katonungan; singa samal a dikan ontutubod abakan alog.

Amos 5:12

Amtak iray ambelat a kasalanan yo tan saray dakerakel a ginagawa yon kaogsan. Pinapairap yo ray maung a totoo, nanaawat kayoy pasoksok, tan sinesebelan yo ray mairap-bilay diad pakagamur day katonungan ed saray korti.

Amos 5:7

Pangaskasiyan kayo la, sikayon mamipikewet ed katonungan tan manlalames ed saray totoo!

Marcos 7:9

Intuloy nen Jesus, “Masilib kayon mangipaliis na ganggay Dios, pian naonur yoy bangat yon dili.

Saray Gawgawa 7:52

Siopan propita so ag pinapairap na saray lalaki yo? Pinapatey da ray imbabakiy Dios a mangipasakbay ed iyakar diay matonung ya Aripen to, a sikato balet so inyawat tan pinatey yo.

Saray Gawgawa 7:59

Leleg dan tutupaken si Esteban, tinmawag ed Katawan tan inkuanto, “Jesus a Katawan, awat moy Ispirituk.”

Saray Taga Roma 3:31

Lapud sayan pananisia, ekalan mi kasiy kakanaan so Ganggan? Andin balut! Itatalindeg mi ingen so Ganggan.

Deuteronomio 16:19

Ag nepeg a pikeweten da so katonungan o walay lalabien da ed panagsintinsia ra; ag ira nepeg a mangawat na pasoksok, ta bulagen to ray anggan makabat tan matonung a totoo, et natanggoyur la ran mamikewet na katonungan.