Habacuc 1:3 - Maung A Balita Biblia

³ Akin et inabuloyan mon nanengneng koy ontan a gunigon? Panon mon nitepel so onnengneng ed satan a maoges a nagagawa? Panagderal tan inkaruksa so nagagawa ed kaliber-liber ko, tan walay kolkolan tan panlalaban ed anggan iner a pasen.

Maung a Balita Biblia

³ Akin et inabuloyan mon nanengneng koy ontan a gunigon? Panon mon nitepel so onnengneng ed satan a maoges a nagagawa? Panagderal tan inkaruksa so nagagawa ed kaliber-liber ko, tan walay kolkolan tan panlalaban ed anggan iner a pasen.

Habacuc 1:3 Iomraidhean Croise

Ecclesiastes 4:1

Insan ak ninmengneng lamet ed amin a panaglames a nagagawad sayan mundo. Manakakis iray napapairap, tan anggapod sikaray tinmulong. Anggapod sikaray tinmulong, lapud walad diking da so pakayari da ray mamapairap ed sikara.

Ecclesiastes 5:8

Ag mo pankelawan no nanengneng mon papairapen na gobirno iray mairap-bilay tan ag to iter ed sikara so katonungan da tan say kanepegan da. Ta balang opisyal iyaagel na opisyal ya atagey nen say sikato, tan iyaagel iran dua na saray opisyal ya atagtagey nen say sikaran dua. Say ari so sankatageyan ed amin ya opisyal tan napanoleyan toy amin a dalin a sakop to.

Isaias 46:12

“Dengel kayod siak, sikayon totoon anawet ya impanpuso, ya abaloan yon arawi ni so pananalo.

Isaias 5:7

Say Israel so kaubasan na Katawan a Makapanyarin-amin; saray totood Juda iray wakal na ubas ya intatanem to. Inilaloan to a manggawa ray kamaungan, balet nampapatey ira lalaingen na katoowan! Inilaloan ton manggawa ray kaptekan, balet onkekerew na katonungan iray papairapen da.

Jeremias 15:10

Pangaskasiyay kipapasen ko! Akin et impaway ak ni na inak ed sayan mundo? Akin et nianak ak a mikolkol tan misangsangan ed balang sakey diad bansa? Ag ak mampapabayes na kuarta odino ombabayes ed siopaman; balet isasamba ak na balang sakey.

Jeremias 20:18

Akin et nianak ak? Pian kasi manirap ak labat tan manermen ak labat tan mansamput ed kapelag ed kababaingan so bilay ko?

Jeremias 20:8

Kapag mansalita ak, manakis ak, tan iyeyag ko, “Duksa! Deral!” Katawan, siak lawas so naluludlurey tan nababalaw-balaw, lapud ibabawag koy salitam.

Ezekiel 2:6

“Balet sika a toon ompatey, ag mo ra tatakotan odino saray ibabaga ra. Sumpaen da ka tan pabaingan da ka; singa kad satan mimiamung ed saray alakdan. Ag mo tatakotan ira man a totoon mananumpa odino saray ibabaga ra.

Mateo 10:16

“Dengel kayo! Ibabaki ta kayon singa karniro ed pegley da ray asod katakelan. Nakaukolan a maalwar kayo a singa saray oleg tan mauyamo kayo a singa saray malapati.

2 Pedro 2:8

Ta saman a matonung a too et agunigon a maung nen naimatunan toy ontan lan kaogsan diad inagew-agew ya impilimuglimug tod sikara.