Habacuc 1:13 - Maung A Balita Biblia

¹³ Balet panon mon nitepel ira yan traidor tan maoges? Masanton tuloy iray matam ya onnengneng ed kaogsan, tan ag mo nitepel so onnengneng ed saray totoon manggagaway kakapoyan. Akin sirin et ag ka oneseesel, anggan papairapen na sarayan totoo iray matonung nen say sikara?

Maung a Balita Biblia

¹³ Balet panon mon nitepel ira yan traidor tan maoges? Masanton tuloy iray matam ya onnengneng ed kaogsan, tan ag mo nitepel so onnengneng ed saray totoon manggagaway kakapoyan. Akin sirin et ag ka oneseesel, anggan papairapen na sarayan totoo iray matonung nen say sikara?

Habacuc 1:13 Iomraidhean Croise

2 Samuel 4:11

Ag kasi lalon ambelat a dusa so iter ed saray totoon maoges lapud pamatey da ed toon anggapoy kasalanan a naogip ed dilin abung to? Ombawi ak natan ed sikayo lapud impamatey yod sikato, tan paandien ta kayo ed tapew na dalin!”

1 Saray Arari 2:32

Dusaen na Katawan si Joab lapud saraman ya impamatey to ya anggapoy pikakabat nen amak a David. Pinatey nen Joab si Abner a pangulo na saray sondalo na Israel, tan si Amasa a pangulo na saray sondalo na Juda. Pinatey to ran anggapoy kasalanan, anta maung tan matonung ni ra nen say sikato.

Ester 4:14

No anggapoy walad sika so panaon a singa saya, manlapud tawen so tulong ed saray Judio et nilaban ira, balet ompatey ka tan mansamput lay pamilya nen amam. Balet antoy amtam no say makasengeg na impagmaliw mon riyna et lapud panaon a singa saya!”

Say Libro nen Job 15:15

Say Dios ag to napanmatalkan iray anggan anghil to; anggan sikara aliwa ran malinis ed pakanengneng to.

Say Libro nen Job 21:7

Akin et aabuloyan na Dios a mambilay na andokey iray totoon maoges, ombiskeg tan onaligwas ira?

Say Libro nen Job 24:23

Nayarin say Dios pambilayen to ya arawid kaatapan, balet ag to alisay mata anggan kapigan.

Saray Salmo 10:15

Ekal mo pay pakayari na saray maoges tan bagel a totoo; dusam pa ra lapud kaogsan a ginagawa ra ya anggad ag ira ontonda.

Saray Salmo 18:26

Malinis so ipapatnag mod saray malinis so panagbilay da, balet mapasnuk kad saray maoges so panagbilay da.

Saray Salmo 25:3

Ag nabaingan iray manmamatalek ed sika, no ag ingen saray bengatbengat ya onsusumpad sika.

Saray Salmo 35:17

Katawan, kapigan ka ontondan mamambantay labat? Iyagel mo ak pad saray panagdogpa ra; iyagel mo pay bilay ko ed sarayan lion!

Saray Salmo 35:22

Balet sika, Katawan, anengneng mo yan agawa. Kanyan ag ka komun marereen labat, O Katawan; ag mo ak pa aarawian!

Saray Salmo 35:25

Ag mo pa iyaabuloy a nibaga rad sikaran dili, “Satan imay labay min nagawa! Tinalo min siansia!”

Saray Salmo 50:21

Ginagawa yo ira yan amin, et anggapoy ibabagak, kanyan abaloan yon singa ak sikayo. Balet natan pamapasnukan ta kayo la, tan ipapalinew ko la yan pamaakaran ed sikayo.

Saray Salmo 50:3

Onsasabiy Dios tayo, balet aliwan mareen; walay manliub ya apoy ed arap to tan mabiskeg a bagyo ed kaliber-liber to.

Saray Salmo 73:3

ta angimon ak ed saray mapaatagey, nen anengneng kon onaaligwas iray totoon maoges.

Saray Salmo 83:1

O Dios, ag ka labat pa mareereen; ag ka pa mareereen, o anggapoy eseesel!

Isaias 21:2

Nipasingayew ed siak so nipaakar ed saray maruksan nagawa a nipaakar ed panagtraidor tan panagderal. Sondalo na Elam, dogpa kayo! Sondalo na Media, looban yo ray siudad! Panganggaen la na Dios so panamairap na Babilonia.

Isaias 24:16

Narengel mid sankaarawian a pasen na mundo iray kantan pangidayew ed Israel, say matonung a bansa. Balet anggapoy ilalon para siak! Pangaskasiyan lay kipapasen ko! Itutuloy na saray traidor so mamalikdo, tan onloloor so panagpalikdo ra.

Isaias 33:1

Pangaskasiyan iray kalaban mi! Nantakew tan nanlipot ira, anta anggapoy nantakew odino nanlipot ed sikara. Balet mangangga so panaon na pantakew tan say panlipot da, ta natakewan tan nalipotan ira.

Isaias 64:12

Katawan, ag natenyeg so pusom lapud saraya? Anggapoy gawaen mo tan panirapen mo kami na mapalalo?

Saray Tagleey 3:36

Amta to no napipikewet ed korti so katonungan.

Habacuc 1:14

Panoy pakapangipasen mon saray totoo et singa ra saray sira odino singa sakey ya olup na saray bigis ya anggapoy manoley dan mangiwanwan ed sikara?

Zacarias 8:17

Ag kayo mannununot na antokaman a makapasakit ed arum. Ag kayo mantatasi na tila a katekep toy samba. Kabosul koy panagtila, panagpikewet na katunongan, tan panagduksa.”

Saray Gawgawa 2:23

Sayan Jesus ya impalimay Dios ed sikayo, onung ed linawa tan pakapikabat ton nanlapu lad gapoy gapo, nakar yon impaipasak ed krus tan impapatey ed saray totoon makasalanan.

Deuteronomio 23:15

“No imbatikan na sakey ya aripen so amo to tan linmad sikayon paiyagel, ag yo papapawilen.