Genesis 9:20 - Maung A Balita Biblia

²⁰ Sakey a dumaralus si Noe tan sikatoy onaan a nantanem na ubas.

Maung a Balita Biblia

²⁰ Sakey a dumaralus si Noe tan sikatoy onaan a nantanem na ubas.

Genesis 9:20 Iomraidhean Croise

Genesis 3:23

Kanyan say Katawan a Dios pinataynan tod tanamanan na Eden imay too, pian nadalusan toy dalin a nanlapwan na laman to.

Genesis 4:2

Et nananak lamet na sakey a laki a si Abel. Nagmaliw a pumapastol si Abel, balet sakey a dumaralus si Cain.

Genesis 5:29

tan inkuanto, “Itdan to itayo na sayan ogaw na inawa ed amin da ray mairap a kimey tayo ed sayan dalin ya insamba na Katawan”; kanyan inngaran to na Noe.

Genesis 9:19

Sarayan taloran anak nen Noe et sikaray sengeg na amin a totoo ed tapew na dalin.

Genesis 9:21

Aminsan ya agew inminom na alak si Noe, et abuek; inekal toy amin a kawes tod laman to, insan akaogip ed dalem na tulda to.

Probirbio 10:11

Saray salita na toon matunong et sobul na bilay, balet saray salita na toon maoges iyaamut day maruksan inkatoo.

Probirbio 12:11

Say makolin dumaralus daakan so kakanen to, balet kinaambagelan so pandarak na panaon ed andi-kakanaan iran pamaakaran.

Probirbio 24:30

Dinmalan ak ed kaalogan tan kaubasan na toon mangiras tan makulang-kulang.

Ecclesiastes 5:9

Anggan say ari manmamatalek ed panagani.

Kanta nen Solomon 1:6

Ag yo ak memelag-melagen lapud kolor na baog ko, lapud tinektek ak na agew. Akapasnuk ed siak nen saman iray agagik a lalaki, kanyan impankimey da ak ed kaubasan. Anggapoy oras kod saman a nanasikasod laman kon dili.

1 CORINTO 9:7

Siopa ta a sondalo so igastosan toy sikaton dili diad panlingkur to? Siopa ta a dumaralus so ag to pambilay so intanem to? Siopa ta a managkomponiy karniro so ag to ikanay gatas na karniro to?

Deuteronomio 20:6

Wala diad sikayo so kakkapantanem toy kaubasan to tan ag nin balut akapamborbor na bunga to? No wala, nepeg ya onsempet. Ta no napatey ed bakal, sananey so manliket ed bungay kaubasan to.

Deuteronomio 28:30

“Misipanan kayon mangasawa—balet sananey iray mangikasal ed sikara. Mamaalagey kayo na abung, balet ag yo napanayaman. Mantanem kayo na ubas, balet ag yo natawayan so bunga to.