Genesis 7:11 - Maung A Balita Biblia

¹¹ Nen mantaon si Noe na anem a lasus taon, diad kumalabimpiton agew na kumadwan bulan, sinmasangi ray dalin tan pinmapaway iray ankakabaleg a sobul ed dalem na dalin tan linmokas ya amin iray puirtay tawen,

Maung a Balita Biblia

¹¹ Nen mantaon si Noe na anem a lasus taon, diad kumalabimpiton agew na kumadwan bulan, sinmasangi ray dalin tan pinmapaway iray ankakabaleg a sobul ed dalem na dalin tan linmokas ya amin iray puirtay tawen,

Genesis 7:11 Iomraidhean Croise

Genesis 6:17

Delapen koy intiron dalin, pian naderal so antokaman a mabilay. Ompatey ya amin iray walad tapew na dalin,

Genesis 7:6

Anem a lasus so taon nen Noe nen adelap so mundo.

Genesis 8:14

Diad kumaduamplo tan pitoy agew na kumadwan bulan, amaga lay dalin.

Genesis 8:2

Kinmopit ira may sinmasangin dalin, et tinmondan pinmaway iray sobul ed dalem na dalin tan kinmaput iray puirtay tawen. Tinmonday oran,

2 Saray Arari 7:19

Onya balet so ebat na samay opisyal, “Ag itan nagawa—anggan mangipelag na oran a tampol so Katawan!” Inebatan balet nen Eliseo, “Nanengneng mon nagawa, balet ag mo natawayan yan tagano.”

2 Saray Arari 7:2

Say opisyal ya angolup ed ari kuantod kinen Eliseo, “Ag itan nagawa—anggan mangipelag na oran a tampol so Katawan!” “Nanengneng mon nagawa, balet ag mo natawayan yan tagano,” ebat nen Eliseo.

Say Libro nen Job 12:15

No paeren na Dios so oran namagaan so dalin; no ibolus toy oran onsabiy delap.

Say Libro nen Job 28:4

Saray totoo mankokotkot iray minas ed dalem na dalin, Diad pasen ya arawid panaayaman na totoo Tan ag balut nagagatinan. Diman bukbukor day mankikimey Tan bitin-bitin irad saray lobir.

Say Libro nen Job 38:16

Akakar ka la ed saray sobul ed dalem na dayat? Asabim la so kaaraleman na dayat?

Say Libro nen Job 38:37

Siopay makabat a nayarian ton bilangen iray lorem, tan pigaren to ra pian nepelag so oran,

Saray Salmo 33:7

Impantitipon ton amin iray dayat ed saksakey a pasen; inyatul to ray kaaralman na dayat ed saray kuarton panagsinupan.

Saray Salmo 74:15

Pinapaagos mo ray sobul tan saray kolus; pinapaekat mo ray ankakabaleg ya ilog.

Probirbio 3:20

Say kakabatan to pinaagos to ray ilog, tan pinapelag to ray lorem a mangoran ed tapew na dalin.

Isaias 24:18

Siopamay nibatikan toy pakataktakotan napelag ed abut, tan siopamay napaliisan toy abut naerel ed patit. Onoran na mapmaples tan nagalaw iray pundasion na dalin.

Isaias 24:19

Nayegyeg so dalin, onletak, insan onsangi.

Jeremias 5:22

Siak so Katawan; akin et ag yo ak takotan? Akin et ag kayo onggiwgiw ed arap ko? Impasen koy kabueran a ketegan na dayat, sakey a mansiansian ketegan ya ag to nalabsanan. Onsipwak iray daluyon to, balet ag to nalabsanan so kabueran; onungol iray daluyon to, balet ag to napalumbasan.

Jeremias 51:16

Diad ganggan to onuungol so danum ed katawenan; manlapud amin a sokung na mundo papaatageyen toy lorem. Pakikirmaten to no peles na oran, tan manlapud panagsinupan to ibabaki toy maples ya oran.

Ezekiel 26:19

Say Katawan a Dios kuanto: “Pagmaliwen ta kan andi-kakanaan a dalin a singa saray siudad ya aderal-deral tan anggapoy manaayam. Delapen ta ka na danum na dayat.

Malakias 3:10

Iyakar yod Timplo iray amin a kakaplo yo, pian walay daakan a pantaganod man. Subok yo ak, et nanengneng yon lokasan koy puirtay tawen tan ikalbok ed sikayo so daakan a bindision.

Mateo 24:38

Kasakbayan na delap, nanaakan tan naniinom iray totoo, angaasawa tan akikiasawa ra. Onyay ginagawa ra anggad inloob nen Noe ed biong.

1 TESALONICA 5:3

No ikuay totoo, “Mareen tan anggapoy kaatapan,” biglan onsabid sikaray kadederal. Ag ira makaliktar ta say isabi to et singa isabiy panagpasakit na biin magano lan mananak.

2 Pedro 3:6

Diad panamegley met na danum, say danum na Delap, aderal so daan a mundo.