Genesis 6:6 - Maung A Balita Biblia

⁶ naermenan ed impamalsa tod totoo tan diad impangipasen tod sikara ed tapew na dalin. Diad ontan lan pagbabawi to,

Maung a Balita Biblia

⁶ naermenan ed impamalsa tod totoo tan diad impangipasen tod sikara ed tapew na dalin. Diad ontan lan pagbabawi to,

Genesis 6:6 Iomraidhean Croise

Genesis 6:7

inkuanto, “Paandipaten kod tapew na dalin ira yan totoo a pinalsak, saray ayayep, tan saray manok, ta maermen ak ed impamalsak ed sikara.”

2 Samuel 24:16

Nen ngalngali deralen na anghil na Katawan so Jerusalem, angoman na kanunotan so Katawan nipaakar ed panudusa tod saray totoo, kanyan kuantod samay anghil a mamapatey ed sikara, “Tondaan mo la! Duga la tan!” Samay anghil et walad abay na panagilikan nen Arauna a Jebuseo.

1 Saray Awaran 21:15

Say Dios angibaki na sakey ya anghil a maneral ed Jerusalem, balet angoman na kanunotan tan kuantod samay anghil, “Tondaan mo la! Duga la tan!” Manalalagey imay anghil ed abay na panagilikan nen Arauna a Jebuseo.

Saray Salmo 106:45

Lapud sikara, anunotan toy impisipanan to, tan lapud baleg a panangaro to nansalat na kanunotan.

Saray Salmo 110:4

Say Katawan sinambaan to tan ag to benegan: “Pari kan anggad angga, onung ed inkapari nen Melkisedek.”

Saray Salmo 119:158

Nanaingungotan ak no nanenengneng ko ray traidor, ta ag da oonurey ganggan mo.

Saray Salmo 78:40

Naynay iran sinmumpad sikato diad kalawakan; amimpiga-pigan pinaermen da.

Saray Salmo 81:13

Agaylay pampirawat kon ondengel iray totook; agaylay pampirawat kon onuren da ak!

Saray Salmo 95:10

Diad loob na apataploy taon, akapasnuk ak ed saraman a totoo, Inkuanko, ‘Aliwa ran matoor! Ag da labay ya onuren iray ganggan ko!’

Exodo 32:14

Lapud saya say Katawan angoman na kanunotan tan ag to la impadalan ed saray totoo to so deral a ginetma to lan gawaen.

Isaias 48:18

“No komun ta dinmengel kayo ed saray ganggan ko, inmagos komun ed sikayo ray bindision a singa kolus ya ag balut naekatan. Sinmasabi komun ed sikayoy pananalo a singa saray daluyon ya onsisipwak ed gilig na dayat.

Isaias 63:10

balet sinumpa ra tan pinaermen da so masanton ispiritu to. Kanyan nagmaliw a kalaban da so Katawan tan nilabanan to ra.

Jeremias 18:7

No diad anggan anton panaon ikuankon baguten, ibasig, odino deralen koy dinanman a bansa o nanarian,

Jeremias 26:19

Ag pinatey nen Ari Ezekias tan saray totoo to si Mikias. Ingen tinakotan nen Ezekias so Katawan tan nala to so maung a linawa to. Diad onman angoman so Katawan ed kanununotan ton manderal ed sikara. Balet sikatayo, ngalngali ti la iyakar so baleg a deral ed sikatayon dili.” (

Ezekiel 33:11

Ibagam ed sikara a legan a siak so mabilay a Katawan a Dios, ag ko panliketan so ipatey na toon makasalanan. Labay ko ingen a magbabawid saray kasalanan to tan mambilay. Israel, tondaan mo lay kaogsan a gagawaen mo. Akin et labay moy ompatey?

Oseas 11:8

“Panon toy isawak ed sika, Israel? Panoy pangikaindan kod sika? Nayarian ta ka kasin deralen a singa ginawak ed Adma, tan Zeboim? Ag iyabuloy na pusok a gawaen ko ya! Lalon onlalaknab so panangarok ed sika.

Joel 2:13

Ipapuso yoy panermen yo; aliwan masarag so pampilat yod kawes yo.” Pawil kayod Katawan a Dios yo, ta maabagey tan mapangasi; sikatoy maanos tan totooren toy sipan to; sipaparaan a mamirdona, aliwan manusa.

Jonas 3:10

Anengneng na Dios so ginawa ra; anengneng ton imbebeneg da ray maoges a kagagawa ra. Kanyan angoman na kanunotan, et ag to la intuloy imay imbaga ton panusa tod sikara.

Malakias 3:6

“Siak so Katawan, ag ak mangoman. Kanyan sikayo ran kabyangay boleg nen Jacob et ag kayo ni sigput a naoput.

Saray Bilang 23:19

Say Dios et aliwan singa saray totoo a mantila; Aliwan singa too a mangoman na kanunotan to. No antoy insipan to tooren to; No antoy imbaga to sumpalen to.

Saray Taga Roma 11:29

Ta say Dios ag mangomay kanunotan diad panagtawag tod saray totoo, tan panangiter toy bindision.

TAGA-EFESO 4:30

Ag yo papaermenen so Ispiritu Santo na Dios, ta sikatoy tanda na pankayaryay Dios ed sikayo; sakey met a kaletan na pakarondon yo no onsabiy niganan Agew.

Deuteronomio 32:29

Ag da nanengneng so makasengeg na inkatalo ra; ag da natalusan so kabaliksan na inkagawa ra.

Deuteronomio 32:36

Say Katawan iyagel to ray totoo to no nanengneng ton naandi lay biskeg da. Kasian to ray manlingkur ed sikato, no nanengneng ton pangaskasiyay awawey da.

Deuteronomio 5:29

Oy la komun ta ontan lawas so liknaan da! Oy la komun ta igalang da ak lawas tan onuren da ray amin a ganggan ko, pian maung lawas so kipapasen tan saray kabyangay boleg da ed anggad angga.

Saray Hebreo 3:10

Kanyan akapasnuk ak ed saraman a totoo tan inkuanko, ‘Lawas ya aliwa ran matoor tan ag da labay ya onuren iray ganggan ko.’

Saray Hebreo 3:17

Siopa ray nampasnukay Dios ed loob na apataploy taon? Aliwa kasin saray totoon nankakasalanan tan abakbaktar ira ya inaatey ed kalawakan?

Santiago 1:17

Nanlapud tawen so balang maung tan nagnap a langkap; nanlapud Ama ya amalsad amin a liwawa. Sikatoy ag mangoman tan ag met panlapway bilonget diad ibeneg to.

1 Samuel 15:11

“Magbabawi ak a ginawak ya ari si Saul; imbeneg to ak tan ag to inonur iray ganggan ko.” Apasnukay Samuel, tan sanlabin akikasi ed Katawan.

1 Samuel 15:29

Say mapagalang a Dios na Israel et ag mantila o mangoman na kanunotan. Aliwan too a mangoman na kanonutan.”

1 Samuel 15:35

Legan na impambilay ni nen Samuel ag to la anengneng si Saul; balet nanermen lapud kinen Saul. Nagbabawi so Katawan a ginawa ton arid Israel si Saul.