Genesis 6:3 - Maung A Balita Biblia

³ Insan inkuan na Katawan, “Ag ko iyabuloy a mambilay ya anggad angga iray katoowan; ompatey ira. Manlapud natan, mambilay iray ag onsoluk ed sanlasus tan duamploy taon.”

Maung a Balita Biblia

³ Insan inkuan na Katawan, Ag ko iyabuloy a mambilay ya anggad angga iray katoowan; ompatey ira. Manlapud natan, mambilay iray ag onsoluk ed sanlasus tan duamploy taon.

Genesis 6:3 Iomraidhean Croise

Genesis 6:2

Saray anak na Dios anengneng dan maganggana ra yan bibii, kanyan nampili ray inasawa ra.

Nehemias 9:30

Piga-pigay taon ya inanosan mo ran pinapasakbayan. Impansasalitam iray propitam, balet nantelek-telekan iray totoom, kanyan inyabuloy mon nadakep na saray arum a bansa.

Saray Salmo 78:39

Anunotan ton totoo ra labat, tan singa ra dagem ya onsisiplug tan nanaandi la.

Saray Salmo 90:10

Pitomploy taon labat so karokey na bilay mi, o walomplo no mabiskeg kami; anggaman ontan, ermen tan segsegang labat so iiter dad sikami; nanagonuyan, anggapo lay bilay mi tan naandipat kami la.

Isaias 5:4

Wala kasiy nankulangan ko ed samay kaubasan ko? Akin et anakseng iray aborbor kon bunga, ya aliwan saray masamit a bungan inilaloan ko?

Isaias 57:16

Initdan ko na bilay iray totook, tan ag ko ituloy so pangakusak ed sikara odino pamasnuk kod sikara ed ando lan ando.

Isaias 63:10

balet sinumpa ra tan pinaermen da so masanton ispiritu to. Kanyan nagmaliw a kalaban da so Katawan tan nilabanan to ra.

Jeremias 11:11

Lapud saya, siak, say Katawan, papasakbayan ko ra a deralen ko ra tan ag ira makabatik. Tan no sikaray onkerew na tulong ed siak, ag ko ra dengelen.

Jeremias 11:7

Nen impaway ko ed Egipto iray lalaki ra, masimoon ko ran pinasakbayan ya onuren da ak. Insan ko intutuloy a pinapasakbayan iray totoo ya anggad natan.

Saray Bilang 11:17

Onakseb ak tan mitongtong ak ed sikad man, insan mangala ak ed ispiritun inter kod sika tan iter kod sikara. Diad satan natulongan da kan mangasikaso ed sarayan totoo, et ag mo la bukor so mangasikaso.

Juan 3:6

Say nianak ed laman, laman, tan say nianak ed Ispiritu, ispiritu.

Saray Gawgawa 7:51

“Agaylay awet na olo yo! Agaylay ag pangoman na puso yo! Agaylay ag yo idengel ed salitay Dios! Kaparpara yo ray lalaki yo: susumlangen yo met a naynay so Ispiritu Santo!

1 TESALONICA 5:19

Ag yo sesebelay Ispiritu Santo.