Genesis 6:13 - Maung A Balita Biblia

¹³ Inkuan na Dios ed kinen Noe, “Tinibokel ko lad kanunotan ko a panganggaen koy bilay na amin a katoowan. Sigput ko ran deralen, ta napnoy mundo na maoges a gawgawa ra.

Maung a Balita Biblia

¹³ Inkuan na Dios ed kinen Noe, Tinibokel ko lad kanunotan ko a panganggaen koy bilay na amin a katoowan. Sigput ko ran deralen, ta napnoy mundo na maoges a gawgawa ra.

Genesis 6:13 Iomraidhean Croise

Genesis 49:5

“Sanagi ra di Simeon tan Levi. Ikakana ray armas dad panggawa ray deral.

Genesis 6:14

Manggawa kay biong para sika; ikanam so maung a klasiy kiew, igawaan mo na saray kuarto, tan balkut mo na alkitran ed loob tan diad paway to.

Genesis 6:4

Diad saraman ya agew, tan anggan diad saray ontombuk, wala ray alan a manaayam ed dalin ya anak ira na saramay magangganan bibii tan saramay anak na Dios. Sikaray matalonggaring a bayani tan bantug a lalaki nen saman a panaon.

Genesis 7:21

Inatey ya amin iray pinalsan mabilay ed tapew na dalin—amin a manok, amin ya ayep, tan amin a too.

Genesis 7:23

Dineral na Katawan ya amin iray mabilay ed tapew na dalin—saray totoo, saray ayayep, tan saray manok. Si Noe tan saray kaiba tod dalem na biong so mabilay labat.

Genesis 7:4

Pitoy agew ni, manlapud natan, paoranen ko ed loob na apataploy agew tan apataploy labi, pian naderal ya amin iray mabilay a pinalsak ed tapew na dalin.”

Genesis 8:21

Akapaliket ed Katawan so naangub ton balingit na samay bagat, kanyan inkuantod sikaton dili, “Ag ko lan balut isambay dalin lapud saray gagawaey too; amtak a manlapud ogaw ni, maoges lay kanunotan to. Ag ko lan balut deralen ya amin iray pinalsan mabilay a singa ginawak.

Isaias 34:1

Gali dia, sikayon totood amin a bansa! Mantitipon kayo tan dengel kayo. Singger tan dengel kayo, amin yon manaayam ed intiron mundo.

Jeremias 51:13

Amayamay iray ilog na Babilonia tan saray baleg a kayamanan to, balet asabi lay oras to tan apongpong lay pabilo na bilay to.

Amos 3:7

Say Katawan a Dios et ag balut manggawa na antokaman ya ag to ni ipaamtad saray aripen ton propita so plano to.

Amos 8:2

Tinepet na Katawan, “Amos, antoy nanenengneng mo?” “Sakey a baskit a napno na saray prutas.” ebat ko. Say Katawan kuantod siak, “Sinmabi la so anggaan da ray totook ed Israel. Ag ko la omanen so kanunotan ko nipaakar ed panusak ed sikara.

Saray Hebreo 11:7

Lapud pananisia, dinengel nen Noe so pasakbay na Dios nipaakar ed saray nagawan ag to ni nanengneng. Tinmoluk ed Dios; nanggaway sakey a biong, pian nilaban tan say pamilya to. Lapud saya, sinintinsiaan ton nadusay sankamundoan, tan say Dios impasen ton matonung si Noe lapud pananisia to.

1 Pedro 4:7

Asingger lay anggaay amin a bengatla, kanyan nepeg a manadya tan mamparaan kayo, pian nayarian yoy mampikasi.