Genesis 6:12 - Maung A Balita Biblia

¹² Say Dios ninmengneng ed mundo tan anengneng ton maoges, lapud maoges so pambibilay na amin a katoowan.

Maung a Balita Biblia

¹² Say Dios ninmengneng ed mundo tan anengneng ton maoges, lapud maoges so pambibilay na amin a katoowan.

Genesis 6:12 Iomraidhean Croise

Genesis 18:20

Insan inkuan na Katawan ed kinen Abraham, “Makapataktakot iray dalem ed siak sumpad Sodoma tan Gomorra, tan balbaleg so kasalanan da.

Genesis 18:21

Nakaukolan ya onakseb ak, ta kabaten ko no tua kasi o andi ira yan nadngelan kon dalem.”

Genesis 6:13

Inkuan na Dios ed kinen Noe, “Tinibokel ko lad kanunotan ko a panganggaen koy bilay na amin a katoowan. Sigput ko ran deralen, ta napnoy mundo na maoges a gawgawa ra.

Genesis 6:8

Balet pakaliliketan na Katawan si Noe.

Genesis 7:1

Inkuan na Katawan ed kinen Noe, “Loob kad biong, sika tan amin a kabyangay pamilyam, ta nalmoan ko a diad intiron mundo sika labat so matonung ed arap ko.

Genesis 7:21

Inatey ya amin iray pinalsan mabilay ed tapew na dalin—amin a manok, amin ya ayep, tan amin a too.

Genesis 9:12

Niay pakanengnengan na sayan andi-anggaan a pisipanan kod sikayo tan amin da ray mabilay a pinalsa:

Say Libro nen Job 33:27

Ibaga tod arap na saray totoo, ‘Nankasalanan ak. Maoges iray ginagawak, balet pinirdona ak na Dios.

Probirbio 15:3

Sankanengneng na Katawan iray nagagawa ed inerman a pasen; bambantayan to itayo, maung man o maoges so gagawaen tayo.

Lucas 3:6

Tan nanengneng na amin a katoowan so panangilaban na Dios!’”

2 Pedro 2:5

Lapud kasalanay katoowan, dinelap na Dios so intiron mundo nen saman a panaon. Anggapoy nilaban, likud labat ed kinen Noe a nampulong na katonungan tan saray pitoran kakaiba to.