Genesis 5:29 - Maung A Balita Biblia

²⁹ tan inkuanto, “Itdan to itayo na sayan ogaw na inawa ed amin da ray mairap a kimey tayo ed sayan dalin ya insamba na Katawan”; kanyan inngaran to na Noe.

Maung a Balita Biblia

²⁹ tan inkuanto, Itdan to itayo na sayan ogaw na inawa ed amin da ray mairap a kimey tayo ed sayan dalin ya insamba na Katawan; kanyan inngaran to na Noe.

Genesis 5:29 Iomraidhean Croise

Genesis 5:28

Nen sanlasus tan walomplo tan duay taon nen Lamec, walay anak ton laki

Genesis 5:30

Nambilay ni si Lamec na liman lasus tan siamaplo tan limay taon. Wala ni ray arum ya anak ton lalaki tan bibii,

Genesis 7:23

Dineral na Katawan ya amin iray mabilay ed tapew na dalin—saray totoo, saray ayayep, tan saray manok. Si Noe tan saray kaiba tod dalem na biong so mabilay labat.

Genesis 9:24

Nen amawmawan lay Noe, tan naamtaan toy ginawad sikato na kayogtanan ya anak ton laki,

Isaias 54:9

“Nen panaon nen Noe insipan ko ya ag ko la delapen so intiron mundo. Isipan ko natan ya ag ak la mampasnuk ed sika; ag ta ka la pampasnukan odino dusaen.

Ezekiel 14:14

Anggaman a manaayam bilang irad man di Noe, Danel, tan Job, say kamaungan da ilaban to labat so bilay dan talo.” Say Katawan a Dios so nansalita.

Ezekiel 14:20

et manaayam irad man bilang di Noe, Danel, tan Job—legan a siak so mabilay a Katawan a Dios—anggapoy duaruwa ya ag da niagel iray dilin anak da. Say bilay dan talo labat so nilaban na kamaungan da.”

Mateo 24:37

Ta say isabiy Anak na Too, singa samay inkagawa nen panaon nen Noe.

Lucas 3:36

Si Sela anak nen Cainan, ya anak nen Arfajad, ya anak nen Sem. Si Sem anak nen Noe, ya anak nen Lamec,

Saray Taga Roma 8:20

Nagmaliw ya andi-kakanaay amin a pinalsa, aliwan lapud linawa ran dili, no ag lapud linaway Dios. Anggaman ontan, wala ni yan ilalo,

Saray Hebreo 11:7

Lapud pananisia, dinengel nen Noe so pasakbay na Dios nipaakar ed saray nagawan ag to ni nanengneng. Tinmoluk ed Dios; nanggaway sakey a biong, pian nilaban tan say pamilya to. Lapud saya, sinintinsiaan ton nadusay sankamundoan, tan say Dios impasen ton matonung si Noe lapud pananisia to.

1 Pedro 3:20

Sikara ya may ispiritu ya ag tinmoluk nen say Dios et inanosan to ran inalagar ya ompawil ed sikato, diad saramay agew a gagawaen nen Noe so biong. Lapud tulong na saman a biong, walwaloran totoo so nilaban ed danum.

2 Pedro 2:5

Lapud kasalanay katoowan, dinelap na Dios so intiron mundo nen saman a panaon. Anggapoy nilaban, likud labat ed kinen Noe a nampulong na katonungan tan saray pitoran kakaiba to.