Genesis 49:28 - Maung A Balita Biblia

²⁸ Sikara yay labinduan tribu na Israel, tan sikara yay kaonuran a salita nen ama ra nen bindisionan toy balang sakey ed sikara.

Maung a Balita Biblia

²⁸ Sikara yay labinduan tribu na Israel, tan sikara yay kaonuran a salita nen ama ra nen bindisionan toy balang sakey ed sikara.

Genesis 49:28 Iomraidhean Croise

Genesis 35:22

Nen manaayam si Jacob ed saman a pasen, inakdulan nen Ruben si Bilha, sakey ed saray asawan inamung nen ama to. Nadngelan nen Jacob, et mapalaloy pasnuk to. Labinduan amin iray lalakin anak nen Jacob.

Genesis 49:27

“Si Benjamin et singa sakey a maruksan asod katakelan. Agew-labin mamangakan na napapatey to.”

Genesis 49:29

Insan ingganggan nen Jacob iray lalakin anak to, “Natan ta magano ak lan mitipon ed saray totook ya andi lad bilay, kerewen kon ipompon yo ak ya ipitipon ed amak tan saray lalakik diad lobuk a walad alog nen Efron a Heteo,

1 Saray Arari 18:31

Angalay labinduan bato, sakey so para kapag sakey a tribu ya inngaran onung ed saramay labinduan anak nen Jacob, say lakin angitdan na Katawan na ngaran ya Israel.

Ester 8:11

Nipaliwawad sarayan sulat ya inaboluyan na ari iray Judio ed balang siudad a togyupen day sikaran dili pian niagel day bilay da. No ondogpa iray anggan siopan totoo ya akaarmas, diad anggan anton luyag, ed saray Judion lalaki, saray kaasawaan tan saray anak da, nayarian day onlaban, pateyen da ran amin tan alaen iray kayaryan da.

Ester 8:7

Insan si Ari Asuero kuantod kinen Riyna Ester tan si Mardokeo a Judio, “Imbitay ko si Haman lapud maoges a plano to sumpad saray Judio tan inter kod kinen Ester iray kayamanan to.

Ester 8:9

Agawa ya nen kumaduamplo tan talon agew na kumatlon bulan, say bulan na Sivan. Tinawag nen Mardokeo iray sikritario na ari tan angidikta na saray sulat a para saray Judio, tan saray gobirnador, saray makaoley, tan saray opisyal na amin iray sanlasus tan duamplo tan piton luyag, manlapud India ya anggad Sudan. Nipawit ira yan sulat ed balang luyag onung ed dilin salita tan panagsulat diman; Nipawit met ira ed saray Judio onung ed dilin salita tan panagsulat da.

Exodo 28:21

Diad kapag sakey ed sarayan labinduan bato say sakey a ngaran na lakin anak nen Jacob et itatak; sikaray pakanudnunotan ed saray labinduan tribu na Israel.

Saray Bilang 23:24

Say bansan Israel et singa masebeg a lion: Ag mandeen anggad abuag to lay narel to, Anggad nainom to lay dala na apatey to.”

Saray Gawgawa 26:7

Sayan sipan iilaloan met a nagamuran na saray labinduan tribu na totoo mi, legan dan mangigagalang a masimsimoon ed Dios, agew may labi. Lapu met ed sayan ilalo. Arin Agripa, aakusaen ak na saray Judio!

Deuteronomio 33:1

Saraya so bindision ya inter nen Moises a too na Dios ed saray Israelita kasakbayan na impatey to.

Santiago 1:1

Sayan sulat nanlapud kinen Santiago, aripen na Dios tan say Katawan a Jesu-Cristo: Ibabano ta kayon amin a totooy Dios, amin yon akaykayat ed intiron mundo.

Puyan 7:4

Insan nibagad siak so bilang da ray amarkaan: sanlasus, apataplo tan apat a libo a nanlapud amin a boleg na saray totood Israel.