Genesis 49:24 - Maung A Balita Biblia

²⁴ Balet mansiasiansian mabiskeg so pana to, Tan napapabiskeg iray taklay to Diad panamegley na pakayari na Makapanyarin Dios nen Jacob. Napapabiskeg na Managpastol, say Manangyagel ed Israel.

Maung a Balita Biblia

²⁴ Balet mansiasiansian mabiskeg so pana to, Tan napapabiskeg iray taklay to Diad panamegley na pakayari na Makapanyarin Dios nen Jacob. Napapabiskeg na Managpastol, say Manangyagel ed Israel.

Genesis 49:24 Iomraidhean Croise

Genesis 45:11

No wala kayod Gosen, naasikaso ta kayo. Wala niy limay taon na eras, et ag ko labay a naerasan kayo, saray pamilya yo, tan saray ayayep yo.’”

Genesis 45:5

Ag kayo mapaga tan ag yo tetetelen so sikayon dili lapud inlako yo ak dia. Ta say Dios so angibakid siak dia ya onaan nen say sikayo, pian mambilay iray totoo.

Genesis 45:7

Say Dios so angibakid siak ya onaan nen say sikayo, pian nilaban kayo diad panamegley na sayan makapakelaw ya inkagawa, tan mambilay kayo tan saray kabyangay boleg yo.

Genesis 47:12

Initdan met nen Jose na pambilay si ama to, saray agagi to, tan amin da ray arum a kabyangay pamilya nen ama to, pati say sankayogtanan ya anak.

Genesis 48:15

Insan to binindisionan ni Jose: “Sarayan lalaki bindisionan ira komun na Dios, say Dios a nilingkuran di amak ya Abraham tan amak ya Isaac! Bindisionan ira komun na Dios ya angiwanwan ed siak ya anggad sayan agew!

Genesis 49:23

Pinasyan dogpaan na saray kalaban to, Tan osilan dan awit day pana ra.

Genesis 50:21

Anggapoy nepeg yon takotan. Asikasoen ta kayo tan saray anak yo.” Onya so impamabiskeg toy linawa ra tan impanligliwa tod sikara.

2 Samuel 5:2

Nen saman, anggan nen ari mi ni si Saul, impangulom ed bakal iray totood Israel, tan insipan ed sika na Katawan ya iwanwan mo ray totoo to tan oleyan mo ra.”

2 Saray Arari 13:16

insan imbaga nen Eliseo ed sikato a mamparaan a mangipana. Namparaan sirin, insan intapew nen Eliseo iray lima tod saray lima nen Jehoas.

Nehemias 6:9

Papatakoten da kami labat, pian natondaan so kimey. Nampikasi ak, “Balet natan, O Dios, pabiskeg mo ak pa!”

Say Libro nen Job 29:20

Indadayew ak nen saman na amin a totoo, tan nansiansia lawas so biskeg ko.

Saray Salmo 118:22

Say baton impasen ya andi-kakanaan na saray karpintiro nagmaliw lamlamang a sankakanaan a bato.

Saray Salmo 132:1

Katawan, nunot mo pay David tan amin ya intepel ton kairapan.

Saray Salmo 132:2

Nunot mo pa, Katawan, so insipan to, say sinambaan tod sika, O Makapanyarin Dios nen Jacob:

Saray Salmo 132:5

anggad ag ko pakapangiter na pasen a para Katawan, sakey ya abung na Makapanyarin Dios nen Jacob.”

Saray Salmo 18:1

Inararo ta ka, O Katawan! Sika so manangyagel ko.

Saray Salmo 18:30

Ayadyari ray gawa na sayan Dios, napanmatalkan iray salita to! Aliling toy samper ed amin da ray papaiyagel ed sikato.

Saray Salmo 23:1

Say Katawan so managpastol ed siak; amin a nakakaukolan ko walad siak.

Saray Salmo 27:14

Manmatalek kad Katawan. Mampabiskeg ka, pakpel moy linawam. On, manmatalek kad Katawan.

Saray Salmo 28:8

Say Katawan iyaagel to ray totoo to, iyaagel tan ilalaban toy pinili ton ari.

Saray Salmo 44:7

balet inliktar mo kamid saray kalaban mi, tan tinalom iray mamobosul ed sikami.

Saray Salmo 73:23

Anggaman ontan siansian kaiba ta ka lawas, tan itatabin mo ak.

Saray Salmo 80:1

Dengel mo kami pa, O Pumapastol na Israel; talineng mo kami pa, sika a pangulo da ray karnirom. Sika a manyodyorung ed tronom diad tagey da ray kirubin,

Saray Salmo 89:1

Katawan, ikantak lawas so ag mangoman a panangarom; andi-anggaan ya ibawag ko so inkatoor mo.

Exodo 3:6

Siak so Dios na saray lalakim, say Dios di Abraham, Isaac, tan Jacob.” Sinakuban nen Moises so lupa to, ta tinmakot ya onnengneng ed Dios.

Isaias 1:24

Kanyan dengel yo natan so ibabaga na Katawan a Makapanyarin-amin, say Makapanyarin Dios na Israel, “Ombawi ak ed sikayo ran kalaban ko, et ag yo ak lad satan nasigensigen.

Isaias 28:16

Balet natan saya so kuan na Katawan a Dios; “Mangipapasen ak ed Sion na mabiskeg tan baleg a pundasion. Mangililira ak ed pundasion na baleg a baton suyok ya akapangisulatan na sarayan salita, ‘Maanos met so malet a pananisia.’

Isaias 29:24

Naaralan na saray makulang-kulang so ontalus, tan manliket a paibangat iray mariklamo lawas.”

Isaias 41:10

Ag kayo natatakot—wala ak ed sikayo! Siak so Dios yo—ag yo aabuloyan a taktakoten kayo na antokaman! Pabiskegen tan tulongan ta kayo; iyagel tan ilaban ta kayo.

Isaias 49:26

Pagmaliwen kon mampapateyan iray mamapairap ed sikayo; nabuek irad pampatey na too. Diad satan naamtaan na amin a katoowan a siak so Katawan, say Mananondon tan Manangilaban yo. Naamtaan da a siak so makapanyarin Dios na Israel.”

Isaias 60:16

Talimaen ka na saray bansa tan saray arari A singa pangaasikaso na ina ed anak ton melag. Naamtaan mo a siak, so angilaban ed sika, Ya ibobolus ka na makapanyarin Dios na Israel.

Zacarias 10:12

Pabiskegen ko ray totook; igalang tan onuren da ak.” Say Katawan so nansalita.

Zacarias 3:9

Ipasen kod arap nen Josue so sakey a baton pitoray lupa to. Itatak kod sayan bato so sakey a balikas, et diad sanagew ekalen koy kasalanan na sayan dalin.

Mateo 21:42

Inkuanen Jesus, “Ag yo ta ni abasa ed Masanton Sulat? ‘Say baton impasen ya andi-kakanaan na saray karpintiro nagmaliw lamlamang a sankakanaan a bato. Ginawa ya na Katawan; makapakelkelaw a nengnengen!’

Marcos 12:10

Ag yo ta ni abasa ed Masanton Sulat? ‘Say baton impasen ya andi-kakanaan na saray karpintiro nagmaliw lamlamang a sankakanaan a bato.

Lucas 20:17

Ninengneng ira nen Jesus tan tinepet to, “Anto sirin so labay ya ibagay Masanton Sulat? ‘Say baton imbantak na saray karpintiro, nagmaliw lamlamang a sankakanaan a bato.’

Saray Gawgawa 4:11

Si Jesus so labay ya ibaga na Masanton Sulat nen inkuanto, ‘Say baton impasen yon andikakanaan, sikayo ran karpintiro, nagmaliw lamlamang a sankakanaan a bato.’

Saray Taga Roma 14:4

Siopa kan manintinsiad aripey arum a too? Say katawan to labat so makapangibaga no sikato kasiy makana o andi. Magmaliw a makana, ta nayarian na Katawan a gawaen ya.

TAGA-EFESO 2:20

Nipaalagey ki met ed tapew na pundasion ya inletneg na saray apostol tan saray propita, say baton suyok, a salanti si Cristo Jesus.

Deuteronomio 32:4

“Say Katawan so makapanyarin manangyagel yo, ayadyari tan matonung ya amin so gagawaen to; Matoor tan matwa so Dios yo; say katonungan tan kaptekan so gagawaen to.

Deuteronomio 33:27

Say andi-anggaan a Dios so lawas manangyagel yo; saray magnayon a taklay to so sakorung yo. Pinataynan to ray kalaban yo legan yon mankukurang, tan imbaga tod sikayon deralen yo ran amin.

Deuteronomio 34:9

Si Josue a lakin anak nen Nun et napno na kakabatan, lapud tinoro nen Moises a kasalat to. Inonur na saray totood Israel si Josue tan sinumpal da ray ganggan ya inter ed sikara na Katawan diad panamegley nen Moises.

COLOSAS 1:11

Napabiskeg kayo komun ya amin diad tulong na mapagalang a pakayariy Dios, pian maliket yon nitepel iray amin a bengatla.

2 Timoteo 4:17

Balet inibaan tan pinabiskeg ak na Katawan, kanyan ayarian kon impulong a sigput so salita, pian narengel na saray amin a Hintil; tan nilaban ak ed sangiy lion.

Josue 17:18

Niiter a kayaryan yo so kapokdulan a pasen. Anggaman a matakel, nalinisan yo tan nakaryaryan yo manlapud sakey a samput ya anggad sananey a samput. No nipaakar ed saray Cananeo, napataynan yo ra anggaman a wala ray balatyang a karwahi ra tan mabiskeg iran totoo.”

Saray Huis 1:22

Dinogpaan na saray tribu di Efraim tan Manases so siudad na Betel a tatawagen na Luz ed saman a panaon. Tinulongan ira na KATAWAN. Angibaki ra ed siudad na saray ispia.