Genesis 48:21 - Maung A Balita Biblia

²¹ Insan inkuanen Jacob ed kinen Jose, “Onung na sankanengneng mo, magano ak lan ompatey, balet mansiansian kaibam so Dios, tan papawilen to kad dalin na saray atateng mo.

Maung a Balita Biblia

²¹ Insan inkuanen Jacob ed kinen Jose, Onung na sankanengneng mo, magano ak lan ompatey, balet mansiansian kaibam so Dios, tan papawilen to kad dalin na saray atateng mo.

Genesis 48:21 Iomraidhean Croise

Genesis 12:5

Inawit nen Abram si Sarai ya asawa to, si Lot a kaanakan to, tan amin iray kayamanan tan saray aripen ya atipon da nen wala rad Haran, insan ira amaarap ed dalin na Canaan. Nen sinmabi rad Canaan,

Genesis 15:14

Balet dusaen koy bansan mangaripen ed sikara, tan dakel a kayamanan so awiten da no taynan da man a bansa.

Genesis 15:16

Onlabas so apatiran kailalakan kasakbayan a makapawil ira diay kabyangay boleg mo. Pansiansiaen kon panayamen ira diay Amorreo ya anggad alablabas lay inkaoges da, insan ko ra dusaen tan pataynanen.”

Genesis 26:3

Dia ka la manayam; ibaan ta ka tan bindisionan ta ka. Iter ko yan amin a pasen ed sika tan saray kabyangay boleg mo. Tooren koy insipan kod kinen Abraham ya amam.

Genesis 28:15

Ag mo lilingwanan a wala ak ed sika tan iyagel ta kad inerman a laen mo, tan ipawil ta kad sayan dalin. Ag ta ka taynan, anggad pakasumpal kon gawaen ya amin iray insipan kod sika.”

Genesis 37:1

Nanayam si Jacob diad dalin na Canaan a nanayaman met nen ama to.

Genesis 46:4

Ibaan ta kayod man, tan ipawil kod sayan dalin iray kabyangay boleg mo. Walad diking moy Jose no ompatey ka.”

Genesis 47:29

Nen asingger lan ompatey, impatawag toy anak ton Jose tan inkuantod sikato, “Iyan moy limam ed nanleetan na saray ulpok tan isipan mo ya ag mo ak ipopompon ed Egipto.

Genesis 50:24

Inkuantod saray lalakin agagi to, “Ngalngali ak la ompatey, balet andi-saew ya asikasoen kayo na Dios, tan ipaway to kayod sayan dalin tan iyakar to kayod dalin a sinambaan ton iter ed kindi Abraham, Isaac, tan Jacob.”

Genesis 50:6

Inmebat so ari, “Laka, ta ipompon moy amam onung na insipan mon gawaen.”

Saray Salmo 18:46

Say Katawan et mabilay! Nadayew komun so manangyagel ko! Ibawag yoy talonggaring na Dios a manangilaban ko.

Lucas 2:29

“Natan, Katawan, nayarian mo ak lan alaen, siak ya aripen mo, onung na sipan mo.

Saray Gawgawa 13:36

Kasumpal a ginawa nen David ed legay impambilay to so linaway Dios, inatey tan nipompon a kaabay to ray lalaki to. Dinalan to met sirin so kaboboluk.

Deuteronomio 30:3

say Katawan a Dios yod satan et kasian to kayo. Papawilen to kayod dalin yo manlapud saray bansan angikayatan tod sikayo, tan paaligwasen to kayo lamet.

Deuteronomio 31:8

Say Katawan a dili so mangiwanwan ed sika tan olupen to ka. Ag to ka paolyan o ikaindan; kanyan ag mo pabebeteley linawam tan ag ka ontatakot.”

2 Timoteo 4:6

No say siak, ngalngali ak la nibagat; sinmabi lay oras na itaynan kod sayan bilay.

Saray Hebreo 7:3

Anggapoy nisulat nipaakar ed ama o ina to, o nipaakar ed nanlapwan ton boleg. Anggapo met so nisulat nipaakar ed inkianak o impatey to. Singa say Anak na Dios, mansiansian pari ya anggad angga.

Saray Hebreo 7:8

Ompatey iray papari a mangaawat na kakaplo, balet napaneknekan ed Masanton Sulat a mabilay si Melkisedek.

Josue 1:5

Josue, anggapoy manalod sika legan mon mambilay. Olupen ta ka a singa impangolup kod kinen Moises. Olupen ta ka lawas; ag ta kan balut ikaindan.

Josue 1:9

Ag mo lilingwanan ya ingganggan ta kan mampabiskeg na linawa tan manmatalek. Ag ka ontatakot tan ag mo pakakapoyey linawam, ta siak a Katawan a Dios mo et olupen ta ka ed iner man a laen mo.”

Josue 23:14

“Magano ak lan ontaynan ed sayan mundo. Amta na balang sakey ed sikayo diad puso tan kamarerwa to a say Katawan a Dios yo et inter tod sikayoy amin iran maabig a bengatla ya insipan to. Asumpal ya amin iray insipan to; anggapoy ag agawa.

Josue 3:7

Say Katawan kuantod kinen Josue, “Lapud gawaen ko natad sayan agew, igapo na amin da ray Israelita so pamagalang dad sika a sakey a matalonggaring a too, tan nabirbir da a wala ak ed sika a singa inkiwalak ed kinen Moises.

2 Pedro 1:14

Amtak ya asingger ak lan ompatey onung na impaamtan malinew ed siak na Katawan tayon Jesu-Cristo.