Genesis 48:16 - Maung A Balita Biblia

¹⁶ Bindisionan ira komun na anghil ya angipaliis ed siak ed antokaman a kaogsan. Mansiansia komun ed panamegley da so ngaran ko tan say ngaran di amak ya Abraham tan amak ya Isaac. Nawalaan ira komun na amayamay a kabyangay boleg.”

Maung a Balita Biblia

¹⁶ Bindisionan ira komun na anghil ya angipaliis ed siak ed antokaman a kaogsan. Mansiansia komun ed panamegley da so ngaran ko tan say ngaran di amak ya Abraham tan amak ya Isaac. Nawalaan ira komun na amayamay a kabyangay boleg.

Genesis 48:16 Iomraidhean Croise

Genesis 22:11

Balet tinmawag a manlapud tawen so anghil na Katawan, “Abraham, Abraham!” Inmebat, “Wadya ak.”

Genesis 22:15

Tinmawag lamet a manlapud tawen imay anghil na Katawan ed kinen Abraham,

Genesis 32:28

Inkuanto may too, “Aliwa lan Jacob so ngaran mo. Akibalsakan kad Dios tan saray totoo, et analo ka; kanyan Israel la so ngaran mo.”

Genesis 46:3

“Siak so Dios, say Dios nen amam,” inkuanto. “Ag ka natatakot ya onlad Egipto; gawaen kod man a baleg a bansa iray kabyangay boleg mo.

Genesis 48:5

Intuloy ya inkuanen Jacob, “Ibibilang kon anak iray duaran lalakin anak mo a nianak ed Egipto kasakbayan na inyakar ko dia; anak ko ra di Efraim tan Manases a singa di Ruben tan Simeon.

Genesis 49:22

“Si Jose et singa sakey ya asnod katakelan a walad gilig na sobul, Sakey a kilaw na kabayo a walad alusadsar na palandey.

2 Samuel 4:9

Inmebat si David ed sikara, “Mansamba ak ed ngaran na mabilay a Katawan, ya angyagel ed siak ed amin a kaatapan.

1 Saray Arari 1:29

Insan inkuan na ari ed sikato, “Sambaan kod sika, diad ngaran na mabilay a Katawan ya angekal ed siak ed amin a gunigon ko,

2 Saray Awaran 7:14

no mampikasi ra tan magbabawi rad kasalanan da, tan ibeneg da ray kaogsan a gagawaen da, dengelen ko rad satan ed tawen, pirdonaen ko ray kasalanan da, tan paaligwasen ko lamet so dalin da.

Saray Salmo 121:7

Iyagel kay Katawan ed amin a kaatapan, ag to iyabuloy a walay maoges a nagawad sika.

Saray Salmo 34:2

Idayew koy Katawan lapud saray ginagawa to; ondengel tan manggayaga komun iray maniirap!

Saray Salmo 34:22

Ilaban na Katawan iray totoo to; ag nadusa ray papaiyagel ed sikato.

Saray Salmo 34:7

Say anghil na Katawan babantayan to ray mangigagalang ed Katawan tan iyaagel to rad kaatapan.

Saray Salmo 34:8

Nengneng mon dili so ontan lan kaabigay Katawan. Maliket iray totoon onsasalimbeng ed sikato.

Exodo 1:7

Balet amayamay iray anak tan apo na saman a kailalakan, a salanti saray Israelita; dinmakerakel ira tan nagmaliw iran makapanyarin tuloy, kanyan kinmayat iran nanayam ed intiron bansa na Egipto.

Isaias 47:4

Imbolus itayo na masanton Dios na Israel— say ngaran to et Yahweh a Makapanyarin-amin.

Isaias 63:9

amin a kairapan da. Aliwan anghil, no ag ta say Katawan, so angilaban ed sikara. Lapud panangaro tan panangasi to dinondon to ra. Nen imbeneg iran panaon inaasikaso to ra lawas,

Jeremias 14:9

Akin et singa ka toon abiglaan, singa sakey a sondalon ag makatulong? Andi-duaruwan wala kad sikami, Katawan! Sikami ray totoom; ag mo kami pa ikakaindan.’”

Jeremias 15:21

Iyagel ta kad pakayari na saray maoges tan maruksan totoo. Siak, say Katawan, so nansalita.”

Amos 9:12

Kanyan naala na saray totood Israel so akeraan ed dalin na Edom tan amin da ray bansan kayaryan ko ra nen saman,” kuay Katawan a mangyabuloy a nagawa ra ya.

Malakias 3:1

Say Katawan a Makapanyarin-amin onebat, “Paonlaen koy ibabakik a mangiparaan na dalanen ko. Insan say Katawan ya anapen yo et biglan onsabi ed Timplo to. Onsabi so ibabaki a pampilpilalekan yon nanengneng tan ibawag toy sipanan ko.”

Mateo 6:13

Tan ag mo kami pa iyaakar ed pakatuksoan, no ag ingen iyagel mo kamid samay Maoges.’

Juan 17:15

Ag ko kekerewen ed sika ya ekalen mo rad mundo, no ag ta iyagel mo rad samay Maoges.

Saray Gawgawa 15:17

Et diad onya ondagod siak ya amin iray katoowan, amin da ray Hintil a tinawag kon kayaryanen.

Saray Taga Roma 8:23

Aliwan sikara labat so onya; sikatayo met ya angawat na Ispiritu, say onaan ed saray rigaloy Dios, et manngesnges itayod inkasikatayo, legan tin aalagdey Dios a managibi ed sikatayo tan manondon na laman tayo.

1 CORINTO 10:4

inminom ira na namparan maispiritu ya iinomen. Inminom ira ed maispiritun bato ya angolup ed sikara, tan sayan baton-dampay et si Cristo.

1 CORINTO 10:9

Ag tayo nepeg a subokey Katawan, a singa ginagaway arum ed sikara, kanyan pinapatey ira na saray oleg.

Deuteronomio 28:10

Diad satan nanengneng na amin a katoowan ed intiron mundo a say Katawan pinili to kayon dilin totoo to, et ontakot irad sikayo.

Deuteronomio 33:17

Singa biskeg na bakan kalakyan so biskeg nen Jose, Singa saray saklur na bakad katakelan iray saklur to. Saray saklur to et singa pigan libon saklur nen Manases Tan samplon libon saklur nen Efraim. Pambono to rad saray bansa Tan pandesdes tod saraya ya anggad saray sokusokung na mundo.”

2 Timoteo 4:18

Say Katawan so mangyagel ed siak ed amin a kaogsan, tan sikato met so mangyakar ed siak diad mangatatawen a Panarian to. Nagalang komun ed ando lan ando! Amen.

Tito 2:14

Imbagat to para sikatayo so bilay to, pian narondon to itayod amin a kaogsan tan pagmaliwen to itayon malinis a totoo, totoon sikato labat so akankayaryan tan mapaga rad panggaway kamaungan.

Saray Hebreo 11:21

Lapud pananisia, si Jacob, nen magano lan ompatey, binindisionan to ray duaran anak nen Jose. Indomeg toy olo tod potay bastun to, tan angigalang ed Dios.

Josue 17:17

Inkuanen Josue ed tribu nen Efraim tan kapalduay tribu nen Manases, “Dakerakel kayon tua tan mabisbiskeg kayo. Aliwan saksakey a betang sirin so awaten yo.