Genesis 48:15 - Maung A Balita Biblia

¹⁵ Insan to binindisionan ni Jose: “Sarayan lalaki bindisionan ira komun na Dios, say Dios a nilingkuran di amak ya Abraham tan amak ya Isaac! Bindisionan ira komun na Dios ya angiwanwan ed siak ya anggad sayan agew!

Maung a Balita Biblia

¹⁵ Insan to binindisionan ni Jose: Sarayan lalaki bindisionan ira komun na Dios, say Dios a nilingkuran di amak ya Abraham tan amak ya Isaac! Bindisionan ira komun na Dios ya angiwanwan ed siak ya anggad sayan agew!

Genesis 48:15 Iomraidhean Croise

Genesis 17:1

Nen mantaoy siamaplo tan siam si Abram, pinmanengneng ed sikato so Katawan tan inkuanto, “Siak so Dios a Makapanyarin-amin. Toluk kad siak tan gawam lawas so kamaungan.

Genesis 24:20

Ginanatan ton inkalbo may keran danum ed atotung, insan binmatik ed bobun a mangala niy danum, anggad apainom ton amin iray kamilyo.

Genesis 24:40

Inmebat, ‘Say Katawan a lawas totoluken ko et mangibakiy anghil to a kaibam tan mangiter ed sikay maung a pansumpalan. Niyalaan moy anak ko na asawaen to diad saray dilin totook, diad pamilya na amak.

Genesis 27:27

Nen anguban to, naangub nen Isaac so angub na kawes nen Esau, kanyan inter toy bindision to ed kinen Jacob. Inkuanto, “Say balingit na anak ko singa balingit na alog a binindisionay Katawan.

Genesis 27:4

Ilutoan mo ak na samay labalabay kon potahi, insan iyakar mo dia. Kasumpal kon mangan, iter kod sikay samput a bindision, kasakbayay ipatey ko.”

Genesis 28:20

Insan sinambaan tod Katawan a Dios, “No kaiba mo ak lawas tan iyagel mo ak legan na sayan akar ko tan itdan mo ak na kawes tan kakanen,

Genesis 28:22

sayan bato a ginawak a pakanudnunotan et magmaliw a pasen a pangigalangan ed sika, tan iter koy kakaplo na amin ya iter mod siak.”

Genesis 28:3

Bindisionan komun na Dios a Makapanyarin-amin so pangasawam tan itdan to ka komuy amayamay ya anak, pian magmaliw kan ama na amayamay a bansa.

Genesis 35:3

Onekal itayo la dia tan onla itayo ed Betel, a dimay panggawaan koy altar a para Dios a tinmulong ed siak nen wala ak ed kairapan tan inoolup to ak ed inerman a nilak.”

Genesis 48:16

Bindisionan ira komun na anghil ya angipaliis ed siak ed antokaman a kaogsan. Mansiansia komun ed panamegley da so ngaran ko tan say ngaran di amak ya Abraham tan amak ya Isaac. Nawalaan ira komun na amayamay a kabyangay boleg.”

Genesis 49:22

“Si Jose et singa sakey ya asnod katakelan a walad gilig na sobul, Sakey a kilaw na kabayo a walad alusadsar na palandey.

Genesis 49:24

Balet mansiasiansian mabiskeg so pana to, Tan napapabiskeg iray taklay to Diad panamegley na pakayari na Makapanyarin Dios nen Jacob. Napapabiskeg na Managpastol, say Manangyagel ed Israel.

Genesis 49:28

Sikara yay labinduan tribu na Israel, tan sikara yay kaonuran a salita nen ama ra nen bindisionan toy balang sakey ed sikara.

Genesis 6:9

Saya so impanbilay nen Noe. Wala ray taloran anak ton lalaki a di Sem, Ham, tan Jafet. Si Noe labat so maung a too nen panaon to. Anggapoy pakabalawan ed sikato, ta kaibiba toy Dios.

1 Saray Arari 3:6

Inmebat si Solomon, “Balbaleg a panangaroy inter mod kinen amak a David ya aripen mo, ta maung, matoor, tan matonung so impanbilay tod arap mo. Intuloy mo nin inter ed sikato yan baleg tan ag naoman a panangaro diad impangiter mod sikatoy sakey ya anak a lakin manooley natan a kasalat to.

1 Saray Awaran 5:1

Sikara yay kabyangay tribu nen Ruben a pangulowan ed saray anak nen Israel. (Lapud inakdulan toy sakey ed saray bibiin inaamung nen ama to, naandid sikatoy kanepegan na pangulowan ya anak a laki; niiter yan kanepegan ed kinen Jose.

Saray Salmo 16:8

Ag ko lawas nalingwanan so kiwawalay Katawan; walad abay ko, tan ag ak nasigensigen na antokaman.

Saray Salmo 23:1

Say Katawan so managpastol ed siak; amin a nakakaukolan ko walad siak.

Saray Salmo 37:3

Manmatalek kad Katawan tan manggawa kay kamaungan; manayam kad dalin tan arawi kad kaatapan.

Exodo 3:16

Laka sirin, ta tipon mo ray pangulo na Israel tan ibagam ed sikara a siak, say Katawan na saray lalaki ra, say Dios di Abraham, Isaac, tan Jacob et pinmanengneng ak ed sika. Ibagam met ed sikara a dinalaw ko ra tan anengneng koy gagawaen na saray Egipsio ed sikara.

Exodo 4:5

Imbilin na Katawan ed kinen Moises, “Gawam yan pakelaw a pamaneknek mod saray Israelita a say Katawan a Dios na samay lalaki ra, say Dios di Abraham, Isaac, tan Jacob, et pinmanengneng ed sika.”

Ecclesiastes 5:12

Malet so ogip na toon kumikimey, daiset may dakel so kinan to. Balet say toon mayaman dakel so kayaryan to, kanyan ag makaogip lapud kapagaan to.

Ecclesiastes 5:18

Saya so arumogan ko: say sankaabigan a nagawaan na too et say pangan tan say iyinom to, tan say panliket to ed nansagputan to legan na antikey a pambilay ton inter ed sikato na Dios; sikato yay kapalaran na too.

Ecclesiastes 6:7

Mankimey so too pian walay tagano to, balet siansian ag napenek.

Isaias 30:21

No onsuawi kayod dalan, narengel yod benegan yo so bosis to a mankuan, “Saya so dalan. Tombuk yo.”

Isaias 33:16

Diad satan niarawi kayod kaatapan ya aliling yoy walad dalem na tirinsira. Nawalaan kayoy kanen tan inomen.

Jeremias 8:2

Natipon tan nipompon ira komun, balet magmaliw iran singa saray taiy ayayep ya ataytayak ed dalin. Nitayak irad arap na agew, bulan, tan saray bitewen ya inaro tan nanlingkuran na sarayan totoo; angipanonan tan angigalangan da ra.

Lucas 1:6

Matonung so pambibilay dan dua ed arap na Dios, tan diad panusumpal dan amiy ganggan tan bilin to, anggapoy pakabalawan ed sikara.

1 CORINTO 10:31

Kanyan sirin, mangan kayo man odino oninom, o anggan antoy gawaen yo, gawa yon amin a pakagalangan na Dios.

2 CORINTO 1:12

Sikato yay nayarian mi ya ikinon: paneknekan na konsinsia mi a masanto tan anggapoy pankonkonwari so pipiolup mid sankamundoan, lautlad pipiolup mid sikayo. Onyay pambibilay mi, lapud baleg a panangaroy Dios, aliwan lapud kakabatay too.

Deuteronomio 33:1

Saraya so bindision ya inter nen Moises a too na Dios ed saray Israelita kasakbayan na impatey to.

COLOSAS 2:6

Bangta inawat yo lan Katawan si Cristo Jesus, mambilay kin sikakasakey ed sikato.

1 TESALONICA 2:12

Pinapabiskeg miy linawa yo, nililigliwa mi kayo, tan sinisimbawa mi kayon mambilay a matoor tan makapaliket ed arap na Dios ya anawag ed sikayo, pian makapinabang kayod Panarian tan kagalangan to.

Saray Hebreo 11:21

Lapud pananisia, si Jacob, nen magano lan ompatey, binindisionan to ray duaran anak nen Jose. Indomeg toy olo tod potay bastun to, tan angigalang ed Dios.