Genesis 48:14 - Maung A Balita Biblia

¹⁴ Balet impankorusan nen Jacob iray taklay to, tan intapew tod olo nen Efraim so kawanan a lima to anggaman a sikatoy yogtan, tan say kawigin lima to diad tapew na olo nen Manases a sikatoy pangulowan.

Maung a Balita Biblia

¹⁴ Balet impankorusan nen Jacob iray taklay to, tan intapew tod olo nen Efraim so kawanan a lima to anggaman a sikatoy yogtan, tan say kawigin lima to diad tapew na olo nen Manases a sikatoy pangulowan.

Genesis 48:14 Iomraidhean Croise

Genesis 41:51

Inkuanto, “Impalingwanan na Dios iray amin a kairapan ko a pati say pakakailiw kod pamilya na amak”; kanyan inngaran to na Manases imay pangulowan ya anak to.

Genesis 41:52

Inkuanto met, “Say Dios initdan to ak na anak ed sayan dalin a paniirapan ko”; kanyan inngaran to na Efraim imay kumadwan anak to.

Genesis 46:20

Diad Egipto duaray anak nen Jose, di Manases tan Efraim, ed kinen Asenat ya anak nen Potifera a pari ed Heliopolis.

Genesis 48:13

Inyan nen Jose si Efraim diad nikawigi nen Jacob tan si Manases diad nikawanan.

Genesis 48:17

Agoloy isip nen Jose nen anengneng ton intapew nen ama tod olo nen Efraim so kawanan a lima to; kanyan inala tod olo nen Efraim so lima nen ama to, ta iyalis tod olo nen Manases.

Genesis 48:18

Inkuantod kinen ama to, “Aliwan ontan, ama. Sikato yay pangulowan; itapew yod olo to so kawanan a lima yo.”

Saray Salmo 110:1

Say Katawan inkuantod katawan ko ya ari, “Yorung ka ed nikawanan ko anggad napasukok ed sika iray kalaban mo.”

Saray Salmo 118:16

Say pakayariy Katawan so angiter ed sikatayoy pananalo— say mabiskeg a pakayari tod bakal!”

Exodo 15:6

“Say kawanan a limam, O Katawan, et walaan na makapakebyew a pakayari; bingbingkasen to ray kalaban.

Saray Bilang 2:18

Diad bandad sagur so pankampoan na olupan nen Efraim, diad saray grupo ra a wala rad silong na pakaoley da ray onggendan a pangulo: Diad tribu nen Dan, si Elisama a lakin anak nen Amihud, apataplon libo tan liman lasus iran amin. Diad tribu nen Manases, si Gamaliel a lakin anak nen Pedazur, talomplo tan duan libo tan duan lasus iran amin. Diad tribu nen Benjamin, si Abidan a lakin anak nen Gideoni, talomplo tan liman libo tan apat a lasus iran amin. Say karakel na amin da ray walad sayan olupan et sanlasus tan walon libo tan sanlasus. Sayan olupan nen Efraim so onkumatlo ed pankurang da.

Saray Bilang 8:10

Saray totood Israel et itapew da ray kalimaan da ed kaoloan da ray Levita,

Saray Bilang 8:18

Alaen ko la natan iray Levita a kasalat na amin da ray pangulowan ya anak na saray Israelita.

Mateo 16:18

Kanyan kuankod sika: sakey kan baton-dampay, Pedro, tan diad tapew na sayan baton-dampay a pundasion, ipaalagey koy iglisiak ya ag taloen na anggan say pakayari na patey.

Mateo 19:13

Wala ray totoon angawit na ogogaw ed kinen Jesus, ta labay dan itapew to ray lima tod sarayan ogogaw tan ipikasi to ra. Balet nampasnuk iray disipulo ed sarayan totoo.

Mateo 19:15

Intatapew to ray lima tod sikara, insan la linma.

Mateo 6:5

“No mampikasi kayo, ag kayo mialalig ed saray mansimpisimpitan a totoo. Labalabay day akaalagey a mampikasi diad saray sinagoga tan suysuyok na dalan, pian nanengneng iray amin a totoo. Tandaan yo ya! Naawat da lay tumang da.

Lucas 13:13

Insan intapew nen Jesus iray lima tod samay bii, et tampol a nampetek so beneg to tan indayew toy Dios.

Lucas 4:40

Kaselek na agew, amin iray manliliknay anggan anton sakit inyaakar na saray kakaaro ra ed kinen Jesus. Intatapew toy lima tod balang sakey ed sikara, tan pinapaabig to ran amin.

Saray Gawgawa 13:3

Nanayuno tan nampikasi ra, intatapew da ray lima ra ed saramay duara, insan da ra pinasiput.

Saray Gawgawa 6:6

Inyarap da rad saray apostol; insan impikasi ra na saray apostol, tan intatapew da ray lima ra ed sikara.

Deuteronomio 34:9

Si Josue a lakin anak nen Nun et napno na kakabatan, lapud tinoro nen Moises a kasalat to. Inonur na saray totood Israel si Josue tan sinumpal da ray ganggan ya inter ed sikara na Katawan diad panamegley nen Moises.

1 Timoteo 4:14

Ag mo papaolyay maispiritun langkap a walad sika, a niiter ed sika nen nansasalita ray propita tan intapew na mamatakken ed sika iray lima ra.

1 Timoteo 5:22

Ag ka maganat a mangitapew na limam a pangiter mod siopaman na pakayarin mangipangulod kimey ed iglisia. Ag ka mibibiang ed kasalanay arum. Mansiansia kan ag namansaay kasalanan.