Genesis 47:23 - Maung A Balita Biblia

²³ Inkuanen Jose ed saray totoo, “Sinaliw ta kayo la tan saray dalin yo a para ari. Niay trigo ya itanem yod kaalogan yo.

Maung a Balita Biblia

²³ Inkuanen Jose ed saray totoo, Sinaliw ta kayo la tan saray dalin yo a para ari. Niay trigo ya itanem yod kaalogan yo.

Genesis 47:23 Iomraidhean Croise

Genesis 41:27

Saramay pitoran baka a mapmabeng a sinmakbit, tan saramay pitoran dawa ya apa tan amagaan lapud adalan na dagem a nanlapud kalawakan, kabaliksan day pitoy taon a walay eras.

Genesis 45:6

Kumadwa yan taon labat na eras; wala niy limaran taon ya ag nayariy mambaka tan anggapoy naani.

Genesis 47:22

Say dalin labat na saray papari so ag to sinaliw. Ag da kinaukolan ya ilako ray dalin da, ta walay inter na ari a pambilay da.

Genesis 47:24

No panagani, iter yoy kakalima ed ari. Say kera ikana yon bini tan tagano yo tan tagano na saray pamilya yo.”

Saray Salmo 112:5

Maliket so toon mabonluk a piutangan tan ag to amtay mansaol.

Saray Salmo 41:1

Maliket iray totoon maaro ed saray mairap-bilay; tulongan ira na Katawan no nagugunigon ira.

Probirbio 11:26

Isasamba na katoowan so toon mangisisinup na ilik to, lapud panaalagar toy itagey na bili to, balet idadayew da so toon mangilalako lay ilik to.

Probirbio 12:11

Say makolin dumaralus daakan so kakanen to, balet kinaambagelan so pandarak na panaon ed andi-kakanaan iran pamaakaran.

Probirbio 13:23

Saray ag nadadalusan a kaalogan nayarin napananian na daakan a kakanen ya onkanad saray mairap-bilay, balet saray totoon maoges isesebel da ran nadalusan.

Ecclesiastes 11:6

Mantanem kad kabwasan tan labi, ta ag mo amta no ontubon amin kasi so itanem mo, odino say sakey et mabona nen say sananey.

Isaias 55:10

“Say salitak ed singa yilo tan singa oran ya ompepelag a manlapud tawen a manalog ed dalin. Patutuboen da ray tanaman a mangiiter na bokel ya itanem tan say bunga a kanen.

Mateo 24:45

“Siopa sirin so napanmatalkan tan marunong ya aripen? Say aripen ya ipasen na amo to a sikatoy pangulo da ray kapara ton aripen tan mangiter na kanen da diad manepeg ya oras.

2 CORINTO 9:10

Say Dios a mangiiter na bokel ed tumatanem tan say tinapay a nakan et iter to met so bokel a nakaukolan yo, tan pabalegen to ni pian makaani kayoy daakan manlapud inkabonluk yo.