Genesis 47:19 - Maung A Balita Biblia

¹⁹ Ag mo kami papaolyan ya ompatey. Gawam so manepeg a polaing! Ag mo aabuloyan a nataynan iray kaalogan mi. Itdan mo kami lay nakan, ta sikami tan saray dalin mi lay ombayar. Magmaliw kamin aripen na ari, tan kayaryan to la ray dalin mi. Itdan mo kami na trigo a pambilay mi tan say bini ya itanem mid kaalogan mi.”

Maung a Balita Biblia

¹⁹ Ag mo kami papaolyan ya ompatey. Gawam so manepeg a polaing! Ag mo aabuloyan a nataynan iray kaalogan mi. Itdan mo kami lay nakan, ta sikami tan saray dalin mi lay ombayar. Magmaliw kamin aripen na ari, tan kayaryan to la ray dalin mi. Itdan mo kami na trigo a pambilay mi tan say bini ya itanem mid kaalogan mi.

Genesis 47:19 Iomraidhean Croise

Genesis 41:36

Saray taganon atipon igana ran para saray onsabin pitoran taon a walay eras ed Egipto, pian ag naerasan iray totood Egipto.”

Genesis 47:15

Nen naoput lad Egipto tan Canaan so kuarta, linmad kinen Jose ray taga Egipto tan inkuanda, “Itdan mo kamiy nakan! Ag mo kami papaolyan ya ompatey. Anggapo lay kuarta mi.”

Genesis 47:18

Nen ontombuk a taon linma rad sikato tan inkuanda, “Ag mi iyamut ed sika ya anggapo lay kuarta mi; pati saray ayayep mi et kayaryan mo la ra. Anggapo lay nakdaan ya iter mid sika likud ed saray laman mi tan saray dalin mi.

Genesis 47:20

Sinaliw nen Jose a para ari so amin a dalin ed Egipto. Apasootan ya amin iray Egipsio a mangilakoy dalin da, ta mapalaloy eras. Nagmaliw sirin a kayaryan na ari so amin a dalin.

Say Libro nen Job 2:4

Inmebat si Satanas, “Ag kawananen na too so amin a kayaryan to dapot mambilay.

Saray Tagleey 1:11

Manayay iray totoo to legan dan manaanap na naakan da; Isasalat dad nakan so kayamanan da, pian napabiskeg ira. “Imano mo ak, Katawan,” eyag na siudad; “nengneng mo pay pangaskasiyan a kipapasen ko.”

Saray Tagleey 5:6

Linma kamid Asiria tan Egipto ya akikerew, pian nawalaan kamiy magenap a napambilay.

Saray Tagleey 5:9

Ipupusta miy bilay mi kapag mananap kamiy napambilay; lapud akar-akar ed kaalogan iray managpatey na too.

Mateo 16:26

Antoy nagonggona na sakey a toon nakayarian toy intiron mundo, no naandi lamlamang so bilay to? Anggapoy nibayar na too a pamapawil toy bilay to.