Genesis 46:34 - Maung A Balita Biblia

³⁴ ag yo lilingwanan ya ibagan managkomponi kayoy ayayep a nanlapud gapo, a singa saray lalaki yo. Diad ontan, panayamen to kayod dalin na Gosen.” Imbaga ya nen Jose, ta ag labay a kaamung na saray taga Egipto iray pumapastol.

Maung a Balita Biblia

³⁴ ag yo lilingwanan ya ibagan managkomponi kayoy ayayep a nanlapud gapo, a singa saray lalaki yo. Diad ontan, panayamen to kayod dalin na Gosen. Imbaga ya nen Jose, ta ag labay a kaamung na saray taga Egipto iray pumapastol.

Genesis 46:34 Iomraidhean Croise

Genesis 13:7

Lapud saya mabetbet so siblangan da ray pumapastol nen Abram tan saray pumapastol nen Lot. (Diad saman a panaon, manaayam nid man iray Cananeo tan saray Perezeo.)

Genesis 13:8

Inkuanen Abram ed kinen Lot, “Sankanayon ita, tan ag nepeg a mansebeg iray totook tan saray totoom.

Genesis 26:20

Saray pastol na Gerar akikolkol irad saray pastol nen Isaac, tan inkuanda, “Kayaryan mi yan danum.” Kanyan inngaran nen Isaac na “Kolkol” imay bobun.

Genesis 30:35

Balet diad saman ya agew inekal nen Laban iray kanding a kalakyan a gulisan o batekan tan saray kabatyan a baklayan tan batekan o walay ampotin batek; inekal to met iray andeket a karniro. Impaasikaso to rad saray anak ton lalaki,

Genesis 34:5

Naamtaan nen Jacob so impamasoot dad anak ton Dina, balet lapud saray anak ton lalaki et wala rad kaalogan anggapoy ginawa to ya anggad insabi ra.

Genesis 37:12

Aminsan ya agew, nen saray agagi nen Jose et linma rad Sikem a mampastol na saray karniro nen ama ra,

Genesis 37:2

Sikato yay istoria na pamilya nen Jacob. Si Jose a mantaoy labimpito so manaasikaso ed saray karniro tan kanding. Kaiba to ray agagi ton lalaki ya anak di Bilha tan Zilpa, ya asawa met ira nen ama to. Indalem tod kinen ama to ray maoges a gagawaen da ray agagi to.

Genesis 43:32

Sakey a lamisaan so anganan nen Jose, tan sananey so anganan da ray agagi to. Sananey met so anganan da ray Egipsio a mangakan diman, ta ipapasen dan ag onkana ray Hebreo a mirongod sikara.

Genesis 45:10

Nayarian yoy manayam ed dalin na Gosen, pian asingger kayod siak—sikayo, saray anak yo, saray apo yo, saray karniro yo, saray kanding yo, saray baka yo, tan saray arum nin kayaryan yo.

Genesis 45:18

tan awiten day ama ra tan saray pamilya ra no ompawil ira dia. Iter kod sikaray sankamaungan a dalin ed Egipto, pian onsoluk so taganon pambilay da.

Genesis 46:32

Ibagak ed sikato a pumapastol kayo tan managkomponi kayoy ayayep; ibagak met ya inawit yo ra diay karniro yo, saray baka yo, tan amin a kayaryan yo.

Genesis 47:11

Si Jose impanayam tod Egipto si ama to tan saray agagi to, tan inter tod sikaray sankamaungan a dalin a walad abay na siudad na Rameses, onung na ingganggay ari.

Genesis 47:3

Inkuan na ari, “Antoy anapan yo?” Inmebat ira, “Pumapastol kami, a singa saray atateng mi.

Genesis 47:4

Linma kami dian manayam ed sayan bansa, ta lapud mapalalon eras ed Canaan, anggapoy pangipastolan mid saray karniro mi. Abuloyan yo kami pan manayam ed Gosen.”

Genesis 47:6

tan walad silong na pakayarim so intiron dalin na Egipto, panayam mo rad Gosen a sankamaungan a parti na bansa. No wala ra bilang so lalakin marunong a mankomponiy ayep, ipasen mo ran inkargado ed saray dilin ayayep ko.”

Exodo 8:22

Balet ag ko pibaliy lugar a Gosen a panaayaman na saray totook, pian anggapod may apangat. Gawaen koy onya, pian naamtaan mo a siak a Katawan so panlalapwan na saray nagagawa ed sayan dalin.

Exodo 8:26

Inmebat si Moises, “Aliwan manepeg so ontan a gawaen, ta makapasnuk iray Egipsio no nanengneng da ray ayayep ya ibagat mid Katawan a Dios mi. No ikana mi ray ayep a pakapasnukan na saray Egipsio tan ibagat mi rad pasen a nanengneng da kami, tupaken da kami ya anggad ag mi ipatey.