Genesis 46:20 - Maung A Balita Biblia

²⁰ Diad Egipto duaray anak nen Jose, di Manases tan Efraim, ed kinen Asenat ya anak nen Potifera a pari ed Heliopolis.

Maung a Balita Biblia

²⁰ Diad Egipto duaray anak nen Jose, di Manases tan Efraim, ed kinen Asenat ya anak nen Potifera a pari ed Heliopolis.

Genesis 46:20 Iomraidhean Croise

Genesis 41:45

Initdan toy Jose na balon ngaran: Zafenat-panea. Initdan to met na asawa a si Asenat ya anak nen Potifera a pari ed siudad na Heliopolis. Mantaoy talomplo si Jose nen ginmapon manlingkur ed ari na Egipto. Nampatanir ed ari tan nanliber-liber ed intiron Egipto.

Genesis 46:19

Duaray lakin anak nen Raquel ya asawa nen Jacob: di Jose tan Benjamin.

Genesis 48:1

Ag abayag ed samay impantongtong dan sanama, nibagad kinen Jose a mansasakit si ama to. Kanyan intagar to ray duaran lalakin anak to a di Manases tan Efraim, ta nengnengen day Jacob.

Genesis 48:20

Diad saman ya agew binindisionan to met ira may ogogaw a kuanto, “Ikana na saray Israelita so kangaranan yo diad pamindision da. Ikuanda, ‘Pagmaliwen kayo komun na Dios a singa di Efraim tan Manases.’” Diad onya insaginonur nen Jacob si Manases ed kinen Efraim.

Ezekiel 30:17

Ompatey ed bakal iray mamalangwer a lalakin taga siudad na Hiliopolis tan Bubastis, tan saray arum a totoo ed nadakep ira.

Josue 17:1

Say sakey a parti na dalin ed sagur na Jordan et nipabetang ed saray pigaran pamilyan say sengeg da et si Manases a pangulowan a lakin anak nen Jose. Si Makir ya ama nen Galaad et sankapangulowanan a lakin anak nen Manases tan sakey a sondalo, kanyan nipabetang ed sikato so Galaad tan Basan a walad bokig na Jordan.