Genesis 46:1 - Maung A Balita Biblia

¹ Binalkut nen Jacob so amin a kayaryan to, linmad Beer-seba, tan diman angisaklang na saray bagat ed Dios nen ama ton Isaac.

Maung a Balita Biblia

¹ Binalkut nen Jacob so amin a kayaryan to, linmad Beer-seba, tan diman angisaklang na saray bagat ed Dios nen ama ton Isaac.

Genesis 46:1 Iomraidhean Croise

Genesis 12:8

Insan tinmuloy ed bandad abalaten diad nipokdul a pasen a nibokig na Betel, tan nankampod nanleetan na Betel tan Hai diad bokig. Nanggawa met diman na altar tan inggalang toy Katawan.

Genesis 21:14

Diad kabkabwasan ed ontombuk ya agew, initdan nen Abraham si Agar na kakanen tan supot a katat a napnoy danum. Inlira to ra ya tan samay ogaw ed beneg nen Agar, insan to la ra pinasiput. Tinmaynan si Agar, insan nanakar-akar ed kalawakan na Beer-seba.

Genesis 21:31

Kanyan atawag iman a pasen na Beer-seba, ta dimay nampaknaan dan dua.

Genesis 21:33

Angitanem si Abraham na sakey a kiew a tamariski ed Beer-seba, tan inggalang toy Katawan, say andi-anggaan a Dios.

Genesis 22:13

Linmingaw-lingaw si Abraham tan anengneng toy sakey a karniron kalakyan a say saklur to et nipanget ed abeban kiew. Inala to tan sikatoy insaklang ton bagat a popoolan, aliwa lan samay anak to.

Genesis 28:10

Tinmaynan ed Beer-seba si Jacob tan amaarap ed Haran.

Genesis 28:13

Insan anengneng toy Katawan a manalalagey ed abay to. Inkuan na Katawan, “Siak so Katawan a Dios nen Abraham tan si Isaac. Iter kod sika tan saray kabyangay boleg mo yan dalin a pandokdokulan mo.

Genesis 31:42

No ag ak labat tutulongan na Dios da ray atateng ko, say Dios ya inggalang di Abraham tan Isaac, pinataynan yo ak la komun a kalima-lima. Balet anengneng na Dios so gunigon ko tan say kimey ko; kalabyan inter to lay sintinsia to.”

Genesis 31:53

Say Dios nen Abraham tan say Dios nen Nacor so manintinsiad sikatan dua.” Insan diad ngaran na Dios ya inggalang nen ama ton Isaac, sinambaan nen Jacob a tooren to yan sipan.

Genesis 33:20

Nanggawad may sakey ya altar tan nginaranan to para El, say Dios na Israel.

Genesis 35:3

Onekal itayo la dia tan onla itayo ed Betel, a dimay panggawaan koy altar a para Dios a tinmulong ed siak nen wala ak ed kairapan tan inoolup to ak ed inerman a nilak.”

Genesis 35:7

Nanggawad man na altar tan inngaran to man a pasen na Betel, ta dimay pinayawaran na Dios ed sikato nen ibabatikan toy agi to.

Genesis 4:4

Insan angyakar met si Abel na kordiron besag na sakey ed saray karniro to, pinatas to, tan imbagat to ray sankaabigan a parti. Akaliket so Dios ed kinen Abel tan samay bagat to,

Genesis 45:28

Insan inkuanto, “Mabilay niy anak kon Jose! Anto niy kerewen ko? Nakaukolan ya onla ak, pian nanengneng ko kasakbayan na ipatey ko.”

Genesis 8:20

Nanggaway Noe na altar a para Katawan; angalay sakey ed balang klasi na saray manok tan saray ayayep a malinis onung ed ganggan tan insaklang to ran bagat a popoolan ed altar.

Say Libro nen Job 1:5

Kapag nasumpal so ponsia, ombangon a masaksakbay ed ontombuk a kabwasan si Job tan mangisaklang na saray bagat a popoolan a panlinis ed saray anak to, onung ed ganggan. Lawas to yan gagawaen lapud iisipen to ya ompan sakey ed saray anak to so nankasalanan diad ag to ginagalan impansalita sumpad Dios.

Say Libro nen Job 42:8

Natan sirin, mangyakar kayod kinen Job na pitoran bakan kalakyan tan pitoran karniron kalakyan ta isaklang yo ran bagat a popoolan para sikayo. Ipikasi to kayo nen Job, et ebatan koy pikakasi yo tan ag ta ki la dusaen onung na kanepegan yo. Kanepegan yo komuy dusaen lapud ag yo sinalita so katwaan nipaakar ed siak, a singa ginawa nen Job.”

Amos 7:9

Naderal iray pasen a pangigagalangan na saray kabyangay boleg nen Isaac. Nataynan ya aderal-deral iray masanton pasen na Israel. Panganggaen kon manari iray kabyangay boleg nen Ari Jeroboam.”

Saray Gawgawa 7:15

Linma sirin si Jacob ed Egipto, tan diman la inatey; ontan met a diman inaatey iray atateng tayo.

Josue 24:4

tan inter kod kinen Isaac ira di Jacob tan Esau. Inter kod kinen Esau so kapokdulan a dalin na Edom, balet linmad Egipto si laki yon Jacob tan saray anak to.

1 Samuel 3:20

Kanyan amta na amin a totood Israel, manlapud baley na Dan ya anggad baley na Beer-seba, a tuan propita na Katawan si Samuel.

1 Samuel 8:2

Joel so ngaran na pangulowan, tan Abias so yogtan; huis irad Beer-seba.