Genesis 44:16 - Maung A Balita Biblia

¹⁶ “Antoy nibaga mi?” kuanen Juda. “Panoy pankatonungan mi? Panoy pakapangipanengneng min anggapoy kasalanan mi? Say Dios a dili so amapapaway ed kasalanan mi. Natan, aripen yo kami lan amin, aliwan saman labat so akalmoay kupa.”

Maung a Balita Biblia

¹⁶ Antoy nibaga mi? kuanen Juda. Panoy pankatonungan mi? Panoy pakapangipanengneng min anggapoy kasalanan mi? Say Dios a dili so amapapaway ed kasalanan mi. Natan, aripen yo kami lan amin, aliwan saman labat so akalmoay kupa.

Genesis 44:16 Iomraidhean Croise

Genesis 37:7

Wala tayon amin ed kaalogan a mambeberber na trigo. Inmalagey imay binerber ko tan nantanyareg; saray binerber yo et niliber da tan tinmuek ira.”

Genesis 37:9

Insan nankogip lamet si Jose tan inkuantod saray agagi to, “Nankogip ak lamet. Anengneng koy agew, bulan, tan labinsakey a bitewen a tinmuek irad siak.”

Genesis 44:17

Inkuanen Jose, “Andi, ag ko tan balut gawaen! Saman labat so akalmoay kupa so magmaliw ya aripen ko. Saray arum ed sikayo, nayarian yo lay onsempet ed kinen ama yo.”

Genesis 44:32

Sakey ni, impotikak ed kinen amak so bilay ko para sayan ogaw. Imbagak ed sikara a no ag ko nipawil ed sikara yan ogaw, akoen koy tetel ed intiron bilay ko.

Genesis 44:9

No naalmod sakey ed sikami itay kupan abalang, nepeg toy napatey tan magmaliw ya aripen mo iray arum ed sikami.”

1 Saray Arari 17:18

Inkuantod kinen Elias, “Too na Dios, akin et ginawam ed siak ya? Linma ka dian mangipanunot ed Dios na kasalanan ko, pian onsabiy patey ed anak ko?”

Esdras 9:10

“Balet natan, a Dios, antoy nibaga mi kayari na saray agawa? Ag mi tinoluk iray ganggan mo

Esdras 9:15

Katawan a Dios na Israel, matonung ka, balet inyabuloy mon mambilay kami ni. Ipatwa mi ray kasalanan mid sika; anggapoy kanepegan min miarapan ed sika.”

Say Libro nen Job 40:4

“Katawan, nansalita ak na andi-kabaliksan. Antoy niebat ko ni? Pepetan ko lay songut ko.

Probirbio 17:15

Makapaingungot ed Katawan so panusa ed toon anggapoy kasalanan tan say pangibolus ed toon maoges.

Probirbio 28:17

Say toon akapatey na kapara ton too et gaganatan ton kotkotan so dilin lobuk to. Ag mo babanoen.

Isaias 27:9

Balet napirdona labat iray kasalanan na Israel, no natemek a singa katemek na tisa iray baton altar a panangigalangan na saray pagano, tan no anggapoy natilak a tanda na diosan Asera odino altar a panagpoolay insinso.

Isaias 5:3

Kanyan natan say kaarok kuanto, “Sikayo ran totoon manaayam ed Jerusalem tan Juda, antoy nibaga yo nipaakar ed siak tan say kaubasan ko?

Daniel 9:7

O Katawan, matonung lawas so gagawaen mo, balet impelag miy sikamin dili ed kababaingan. Tua ya ed amin min manaayam ed Juda tan diad Jerusalem; tua met ya ed amin da ray Israelitan inkakayat mod saray bansan walad arawi odino asingger lapud aliwa ran matoor ed sika.

Saray Bilang 32:23

Balet no ag yo sumpalen so sipan yo, pasakbayan ta kayo a mankasalanan kayod Katawan. Andi-duaruwad satan a nadusa kayo lapud kasalanan yo.

Mateo 7:2

Ta no panoy panisintinsia yod arum a too, ontan met so panisintinsia na Dios ed sikayo; tan no panoy panusukat yod arum a too, ontan met so panusukat na Dios ed sikayo.

Lucas 12:2

Anggapoy asakuban ya ag ompaway, tan anggapoy akaamut ya ag nakabatan.

Saray Gawgawa 2:37

Nen nadngel ya na saray totoo, agunigon ira, tan tinepet dad kinen Pedro tan saray arum ya apostol, “Agagi, antoy nepeg min gawaen?”

Deuteronomio 25:1

“Anto so gawaen no wala bilang so duaran Israelita ya onarap irad korti lapud kolkolan da, et say sakey nasintinsiaan a nankasalanan tan say sakey andi?

Josue 7:1

Ag asumpal imay ganggan na Katawan ed saray Israelita ya ag iran balut mangala ed Jerico na antokaman a nepeg a deralen, ta angala si Acan. Lapud saya mapalaloy pasnuk na Katawan ed sikara. (Si Acan et anak nen Carmi tan apo nen Sabdi, tan kabyangan na boleg nen Zera a kabyangan na tribu nen Juda.)

Josue 7:18

Pinarago ton nansosoblay iray lalaki ed pamilya nen Zabdi, et say apili si Acan a lakin anak nen Carmi tan apo nen Zabdi.

Saray Huis 1:7

Inkuanen Adoni-bezec, “Nandodokdok nen saman na ibung ed silong na lamisaan ko iray arari ya apotut-potut so tangan na lima tan sali ra. Gagawaen ed siak natan na Dios imay ginagawak ed sikara.” Niakar ed Jerusalem si Adoni-bezec, tan diman la inatey.