Genesis 43:8 - Maung A Balita Biblia

⁸ Inkuanen Juda ed kinen ama to, “Ipila yod siak si Benjamin, et onla kami lan tampol. Diad satan anggapod sikatayoy ompatey ed eras.

Maung a Balita Biblia

⁸ Inkuanen Juda ed kinen ama to, Ipila yod siak si Benjamin, et onla kami lan tampol. Diad satan anggapod sikatayoy ompatey ed eras.

Genesis 43:8 Iomraidhean Croise

Genesis 42:2

Abalitaan ko a walay trigo ed Egipto; laka yod man a manaliw, pian ag itayo ompatey ed eras.”

Genesis 42:38

Balet inkuanen Jacob, “Ag nayarin milad sikayoy anak ko; inatey lay agi to, tan sikato labat lay atilak. Nayarin walay maoges a nagawad sikato diad dalan. Masiken ak la; ompatey ak ed ermen ya iter yod siak.”

Genesis 44:20

Inyebat min walay ama min masiken la tan sakey ya agi min sankayogtanan a nianak nen matakken lay ama mi. Inatey lay agi to yan ogaw tan sikato labat so mabilay ya anak nen ina to, kanyan ontan lay panangarod sikato nen ama mi.

Genesis 44:26

Inmebat kamin ag kami makapawil; ag kami makapiarapan ed sika no ag mi kaibay sankayogtanan ya agi mi.

Genesis 45:19

Ibagam met ed sikara a mangawit iray pigaran kariton a manlapud Egipto, pian walay naloganan na saray kaasawaan da tan saray ankelag nin anak da. Paawit mo diay ama ra, no ompawil ira.

Genesis 50:21

Anggapoy nepeg yon takotan. Asikasoen ta kayo tan saray anak yo.” Onya so impamabiskeg toy linawa ra tan impanligliwa tod sikara.

Genesis 50:8

Akilad sikato ray kabyangay pamilya to, saray lalakin agagi to, tan saray arum nin kabyangay pamilya nen ama to. Atilak ed dalin na Gosen iray ankekelag ya anak da, tan saray karniro, kanding, tan saray baka ra.

2 Saray Arari 7:13

Inkuan na sakey ed saray opisyal to, “Ompatey met lamlamang iray totoo diad siudad a singa saramay inaatey la. Kanyan magmaung no mangibaki tayoy pigarad sikara, pian naamtaan tayo no antoy tuan agawa. Paikana ti la ra may limara ed saray nakdaan a kabayo.”

2 Saray Arari 7:4

No onloob tayod siudad, ompatey tayod eras labat, ta anggapod may naakan. Balet no manayam tayo dia, ompatey tayo met ni lamlamang. Kanyan onla tayod kampo da ray Siriano; no ag da itayo diwiten mambilay tayo, balet no pateyen da tayo andi bali ta ompatey tayo met ni lamlamang.”

Esdras 8:21

Diad abay na Ilog na Ahava ingganggan kon manayuno kamin amin tan mampaabeba kamin amin ed arap na Dios mi. Ingganggan ko met a kerewen min iwanwan to kami ed pambiahi mi tan iyagel to kamid kaatapan, sikami, saray anak mi tan amin a kayaryan mi.

Saray Salmo 118:17

Ag ak ompatey, no ag ta mambilay ak tan ibawag ko ray ginagaway Katawan.

Exodo 20:12

“Igalang moy amam tan say inam, pian andokey so pambilay mo ed dalin ya iter kod sika.

Saray Bilang 14:31

Imbaga yo a nadakep iray anak yo, balet iyakar ko rad saman a dalin ya ag yo labay, tan sikatoy panayaman da.

Deuteronomio 33:6

Inkuanen Moises nipaakar ed tribu nen Ruben: “Ag komun naerep a balut so tribu nen Ruben, Anggaman a daiset iray kabyangan to.”