Genesis 43:28 - Maung A Balita Biblia

²⁸ Inmebat ira, “Say ama mi a mugmon aripen mo et mabilay ni tan maksil ni.” Insan tinmalimukor ira tan tinmuek irad sikato.

Maung a Balita Biblia

²⁸ Inmebat ira, Say ama mi a mugmon aripen mo et mabilay ini tan maksil ni. Insan tinmalimukor ira tan tinmuek irad sikato.

Genesis 43:28 Iomraidhean Croise

Genesis 37:7

Wala tayon amin ed kaalogan a mambeberber na trigo. Inmalagey imay binerber ko tan nantanyareg; saray binerber yo et niliber da tan tinmuek ira.”

Genesis 43:26

Nen sinmabiy Jose, inyakar dad sikato ra may rigalo ra, tan dinmakmomo ra ed arap to ya anggad dalin so lupa ra.

2 Samuel 1:2

Diad mikatlon agew sinmabiy sakey a balolakin nanlapud kampo nen Saul. Diad pangipanengneng toy ermen to pinipilat toy kawes to tan ininan toy dabuk so olo to. Linmad kinen David tan dinmakmomo ya anggad dalin a pamagalang to.

2 Samuel 14:4

Linma may bii ed ari, dinmakmomo ya anggad dalin a pamagalang to, tan kuanto, “Tulongan mo ak pa, Kagalang kon Ari!”

1 Saray Arari 1:16

Dinmakmomo si Bat-seba a pamagalang tod ari, insan tinepet na ari ed sikato, “Antoy labay mo?”

2 Saray Awaran 24:17

Balet kapatey nen Joiada, tinanggoyur na saray pangulo na Juda si Ari Joas ya ondengel ed sikara.

Exodo 18:7

kanyan pinmaway si Moises tan inabet to, dinmakmomod arap to, insan to inanguban. Nantepetan ira no antoy kipapasen na bilay na balang sakey ed sikaran dua, insan linmoob ed tulda nen Moises si Jetro.