Genesis 43:18 - Maung A Balita Biblia

¹⁸ Nen oonla la rad abung, natatakot ira tan inkuandad sikaran dili, “Niaakar kami dia lapud samay kuartan nipawil ed saray sako mi nen onaan ya inyakar mi dia. Biglaan da kamin dogpaan, alaen da ray asno mi, tan gawaen da kamin aripen to.”

Maung a Balita Biblia

¹⁸ Nen oonla la rad abung, natatakot ira tan inkuandad sikaran dili, Niaakar kami dia lapud samay kuartan nipawil ed saray sako mi nen onaan ya inyakar mi dia. Biglaan da kamin dogpaan, alaen da ray asno mi, tan gawaen da kamin aripen to.

Genesis 43:18 Iomraidhean Croise

Genesis 42:21

tan inkuan na sakey tan sakey ed sikara, “Nankasalanan itayo ed samay ginawa tayod agi tayo; anengneng tayoy baleg ya irap to nen akikasid sikatayo, balet ag tayo dinengel. Kanyan wala tayo natan ed sayan irap.”

Genesis 42:27

Diad pasen a nampalabasan day labi, nilokasan na sakey ed sikara so sako to, ta pakanen toy asno to, et nalmo tod tapew na kargay sako imay kuartan imbayar to.

Genesis 42:28

“Nipawil may kuartak,” ineyag tod saray agagi to. “Wadyad sakok.” Apagaan ira tan diad takot da nantetepetan ira, “Anto yan ginawa na Dios ed sikatayo?”

Genesis 42:35

Nen inekal day karga na sako ra, nalmo na balang sakey so supot na kuarta to; nen anengneng da may kuarta, asabian ira tan si ama ra na takot.

Genesis 43:17

Sinumpal to may aripen so pagagawad sikato, tan intagar tod abung nen Jose ira may sanaagi.

Genesis 43:19

Nen wala rad puirtay abung, inkuandad samay inkargado,

Genesis 44:8

Kabat mo ya impawil mid sika manlapud Canaan imay kuartan nalmo mi ed tapew na saray karga na sako mi. Akin et manakew kami na pilak o balituk ed abung na amom?

Say Libro nen Job 15:21

Makapataktakot iran tanul so narengel to, tan dogpaan na saray tutulisan no abaloan ton arawid kaatapan.

Say Libro nen Job 30:14

Onsosorub irad saray abut na panaamutan ko, tan nambobontunan iran pinmata ed siak.

Saray Salmo 53:5

Balet ontan lay kataktakot da; anggapo niy asali ran onyan takot; ta ibuyak na Dios iray pokepokel na saray kalaban da ray totoo to. Impolisay ira na Dios, kanyan sigput a taloen ira na Israel.

Saray Salmo 73:16

Ginawak so anggaay nayaryan ko a talusan yan problima, balet agaylay irap a talusan

Isaias 7:2

Nen akabatan na ari na Juda a saray sondalo na Siria et akasabi la rad dalin na Israel, mapalaloy inkataktakot to tan saray amin a totoo to. Manggiwgiw ira tan singa ra kakiewan ya ipapalig na mabiskeg a dagem.

Daniel 6:4

Lapud saya saramay duaran mangaasikaso ed saray opisyal tan saramay gobirnador et nananap iray kasalanan nen Daniel a nipaakar ed panangikurang tod impirio pian nidalem da, balet anggapoy narumog da, lapud matoor si Daniel ed kimey to tan ag to manggagaway antokaman a makapoy odino kasaolan.

Marcos 6:16

Nen nadngel ya nen Herodes, inkuanto, “Si Juan yan impapotulan koy olo. Inmolid bilay!”

Saray Taga Roma 7:8

Balet lapud Ganggan, say kasalanan pinabiskeg to ak a manggaway amin a klasiy panagagom. Ta no anggapoy ganggan, inatey so kasalanan.

Deuteronomio 22:14

kanyan igawaan to na kasalanan ya aliwa lan birhin nen inasawa to?

Deuteronomio 22:17

Inggawaan to na kasalanan, ta ibabaga ton aliwa lan birhin nen inasawa to. Balet saya so pakapatnagan a birhin so anak ko nen inasawa to; nengneng yo yay adalaan ya oles a dinokolan da kayariy impankasal da!’

Saray Huis 13:22

Inkuanen Manoa ed samay asawa to, “Andi-saew ya ompatey ita, ta anengneng ta lay Dios!”

Saray Huis 14:4

Ag amta na saramay ateng nen Samson a say Katawan so mangiwawanwan ed sikato ed sayan gagawaen to, ta say Katawan et manaanap na pankanawnawan nalabanan to ray Filisteo. Diad sayan panaon ooleyan na saray Filisteo so Israel.