Genesis 42:36 - Maung A Balita Biblia

³⁶ Inkuanen ama ra, “Labay yon naandin amin iray anak ko? Anggapo lay Jose; anggapo met lay Simeon; tan natan labay yo met ya alaey Benjamin. Siak so maniirap!”

Maung a Balita Biblia

³⁶ Inkuanen ama ra, Labay yon naandin amin iray anak ko? Anggapo lay Jose; anggapo met lay Simeon; tan natan labay yo met ya alaey Benjamin. Siak so maniirap!

Genesis 42:36 Iomraidhean Croise

Genesis 42:37

Inkuanen Ruben ed ama to, “No ag ko nipawil ed sikayo si Benjamin, nayarian yon pateyen iray duaran anak kon lalaki. Imatalek yod siak; asikasoen ko tan ipawil kod sikayo.”

Genesis 43:14

Iyabuloy komun na Dios a Makapanyarin-amin a kasian to kayo tay too, pian ipawil tod sikayo si Benjamin tan samay sakey ya agi yo. Para say siak, no nepeg a naandid siak iray anak ko, sipaparaan ak.”

Genesis 44:12

Nananap a maung imay aripen nen Jose; pinalapu tod sankapangulowanan ya anggad sankayogtanan, et nalmod sako nen Benjamin imay kupa.

Genesis 45:28

Insan inkuanto, “Mabilay niy anak kon Jose! Anto niy kerewen ko? Nakaukolan ya onla ak, pian nanengneng ko kasakbayan na ipatey ko.”

Genesis 47:12

Initdan met nen Jose na pambilay si ama to, saray agagi to, tan amin da ray arum a kabyangay pamilya nen ama to, pati say sankayogtanan ya anak.

Say Libro nen Job 7:7

Nudnunot mo, O Dios, a singa labat ingas so bilay ko; nansamput lay liket ko.

Saray Salmo 34:19

Amayamay iray gunigon a paniirapay toon matonung, balet say Katawan ilalaban tod amin a gunigon to;

Ecclesiastes 7:8

Say pangangga na bengatla et maung ni nen say gapo to. Say toon maanos maung ni nen say toon mapaatagey.

Isaias 27:9

Balet napirdona labat iray kasalanan na Israel, no natemek a singa katemek na tisa iray baton altar a panangigalangan na saray pagano, tan no anggapoy natilak a tanda na diosan Asera odino altar a panagpoolay insinso.

Isaias 38:10

Ninunot ko a diad kakkaksilay bilay ko, Onla ak lad pasen a panaayaman da ray inaatey, Et naandian ak lay pankanawnawan mambilay.

Isaias 41:10

Ag kayo natatakot—wala ak ed sikayo! Siak so Dios yo—ag yo aabuloyan a taktakoten kayo na antokaman! Pabiskegen tan tulongan ta kayo; iyagel tan ilaban ta kayo.

Jeremias 31:15

Say Katawan kuanto, “Nadngel so tanul ed Rama, tanul na ampaipait a pannangis tan panugaog. Si Raquel saray anak to nanangisan to ra; maneermen tan ag naligliwa, ta naandi la ra.

Mateo 14:31

Siningkat nen Jesus a tampol si Pedro tan inkuanto, “Melmelag so pananisiam! Akin et nanduaruwa ka sirin a?”

Saray Taga Roma 8:28

Amta tayo a diad amin a bengatla gagawaen na Dios so pankaabigan na amin da ray mangaarod sikato, a salanti saray tinawag na Dios onung ed linawa to.

Saray Taga Roma 8:31

Anto niy nibaga tayo nipaakar ed saya? No say Dios et kaiba tayo, siopay makasumlang ed sikatayo?

1 CORINTO 10:13

Anggapo niy sinmabin tukso ed sikayo ya ag ni asaliy karaklan. Matoor so Dios, kanyan ag to iyabuloy ya onsabid sikayoy tukson ag yo nayarian a taloen. Itdan to kayo ingey biskeg no natukso kayo, pian napaliisan yo, et manalo kayo.

2 CORINTO 4:17

Sayan daiset tan ag magnayon a kairapan a sasakbaten mi et mambungay baleg, magnayon, tan ag miparan kagalangan.

1 Samuel 27:1

Inkuanen David ed sikaton dili, “Onsabiy agew a pateyen ak nen Saul. Say sankaabigan a gawaen ko et say ibatik kod Filistia. Tondaan to ak ed satan ya anapen ed Israel, et niarawi ak ed kaatapan.”