Genesis 42:28 - Maung A Balita Biblia

²⁸ “Nipawil may kuartak,” ineyag tod saray agagi to. “Wadyad sakok.” Apagaan ira tan diad takot da nantetepetan ira, “Anto yan ginawa na Dios ed sikatayo?”

Maung a Balita Biblia

²⁸ Nipawil may kuartak, ineyag tod saray agagi to. Wadyad sakok. Apagaan ira tan diad takot da nantetepetan ira, Anto yan ginawa na Dios ed sikatayo?

Genesis 42:28 Iomraidhean Croise

Genesis 27:33

Ginmiwgiw so intiron laman nen Isaac, tan tinepet to, “Siopa sirin imay amatey na ayep, insan to imparongod siak? Kinan ko, kasakbayan ya onsabi ka. Inter kod sikatoy samput a bindision ko, tan kien to la ya anggad angga.”

Genesis 42:29

Kasabi rad Canaan, imbaga rad kinen ama ra so amin ya agawad sikara:

Genesis 42:36

Inkuanen ama ra, “Labay yon naandin amin iray anak ko? Anggapo lay Jose; anggapo met lay Simeon; tan natan labay yo met ya alaey Benjamin. Siak so maniirap!”

Genesis 43:23

Inkuanto may aripen, “Ag kayo mapaga. Ag kayo natatakot. Angangko say Dios yo, say Dios na ama yo, so angipawil na kuarta yo. Inawat kod saman so bayar yo.” Insan inyakar tod sikara si Simeon.

1 Saray Arari 10:5

Anengneng to ray niparongod lamisaan to, saray ayaman da ray opisyal to, say inkaoksuy da ray kumikimey ed palasio tan saray isosolung dan kawes, saray aripen a mansisirbid sikato no pista, tan saray isasaklang ton bagat ed dalem na Timplo. Mapalaloy pankelaw to diad impakanengneng tod sarayan amin.

Saray Salmo 61:2

Diad inkaekalan koy ilalo nen arawi ak ed abung ko, ontatawag ak ed sika! Iyakar mo ak pad salimbengan ya arawid kaatapan,

Kanta nen Solomon 5:6

Nilukasan koy puirta ta onloob so inarok, balet naandipat la. Agaylay panlabay kon dengelen so bosis to! Inanap ko, balet ag ko nalmo; tinawag ko, balet anggapoy narengel kon ebat to.

Isaias 45:7

Papalsaen ko so liwawa tan kabilongetan; iiter koy bindision tan ipapadalan koy deral. Siak a Katawan so manggagawa ed sarayan amin.

Saray Tagleey 2:17

Sinumpal na Katawan so ginetma ton gawaen; Dineral to itayon andi-panangasi onung na abayag to lan impasakbay a gawaen. Impanalo to ray kalaban tayo, tan pinaliket to rad inkatalo tayo.

Saray Tagleey 3:37

Say linawa labat na Katawan so nasusumpal.

Levitico 26:36

“Pagmaliwen ta kayon mapalalon matakot, sikayon nibantak ed arum a bansa, kanyan anggan diad kalasakas labat na bolung ombatik ki la. Ombatik kayon singa oosilan ed bakal tan natumba kayo, anggan anggapoy kalaban ed abay yo.

Amos 3:6

Nayari kasin ag ontakot iray totoo no napaknul ed siudad so trumpitan manawag na bakal? Nayari kasin onsabiy deral ed siudad no ag ipadalan na Katawan?

Lucas 21:26

Patey-pateyan iray totood takot da diad panalagar dad kairapan ya onsabid sankamundoan, ta ag natombuk na saray pakayarid liwang so gendat a kinaoksuy da.

Deuteronomio 28:65

Ag diman manarid sikayo so kareenan, tan anggapoy pasen a nayarian yon tawagen a kayaryan yo; say Katawan tabonan to kayo na kapagaan, kaandiay ilalo, tan kaermenan.