Genesis 42:25 - Maung A Balita Biblia

²⁵ Ingganggan nen Jose a panoen na trigo ira may sako na agagi to, ipawil so kuarta na balang sakey ed dilin sako to, tan itdan iray kakanen a para panakar da. Agawa ra yan amin.

Maung a Balita Biblia

²⁵ Ingganggan nen Jose a panoen na trigo ira may sako na agagi to, ipawil so kuarta na balang sakey ed dilin sako to, tan itdan iray kakanen a para panakar da. Agawa ra yan amin.

Genesis 42:25 Iomraidhean Croise

Genesis 42:26

Inlogan na saramay sanaagi ed beneg na saray asno so trigo a sinaliw da, insan la ra sinmiput.

Genesis 43:12

Mangawit kayo met na kuartan mamidway karakel nen samay onaan ya inawit yo, ta nepeg yon ipawil imay kuartan walad saray sako yo. Nayarin lingo labat iman.

Genesis 45:21

Sinumpal na saray anak nen Jacob so nibagad sikara. Initdan ira nen Jose na pigaran kariton, onung ed ganggan na ari, tan say nakan ed pambiahi ra.

Isaias 55:1

Say Katawan kuanto, “Dago kayo, amin yon napgaan—niay danum! Dago kayo, sikayon anggapoy kuarta— manaliw kayoy trigo tan mangan kayo! Dago kayo! Manaliw kayoy alak tan gatas— anggapoy nepeg yon bayaran!

Mateo 5:44

Balet ibagak ed sikayo natan: Aro yo ray kalaban yo tan pikasi yo ray mamapairap ed sikayo,

Mateo 6:33

Sikayo, balet, anap yon onona so Panarian na Dios tan say pambilay yon onung ed linawa to, et iter tod sikayoy amin a nakaukolan yo.

1 Pedro 3:9

Ag yo ibabales so maoges ed saray manggagaway kaogsan ed sikayo. Ag yo aayewey mangaayew ed sikayo, no ag ingen panggawaan yoy kamaungan, ta atawag kayo a mangawat na bindisioy Dios.