Genesis 42:22 - Maung A Balita Biblia

²² Inkuanen Ruben, “Imbagak ed sikayon ag yo didiwiten, et ag yo ak met dinengel. Natan nadudusa itayo, lapud impatey to.”

Maung a Balita Biblia

²² Inkuanen Ruben, Imbagak ed sikayon ag yo didiwiten, et ag yo ak met dinengel. Natan nadudusa itayo, lapud impatey to.

Genesis 42:22 Iomraidhean Croise

Genesis 4:10

Insan inkuan na Katawan, “Akin et onyay ginawam? Manlapud dalin, manakakis ed siak so dala na agim; singa bosis ya onkekerew na bales.

Genesis 42:23

Atalusan nen Jose so ibabaga ra, balet ag da amta, ta misasalita rad sikato diad panamegley na sakey a manangipatalus.

Genesis 45:3

Inkuanen Jose ed saramay agagi to, “Siak si Jose. Mabilay nin tuay amak?” Balet diad ontan lan takot da ra may agagi to, ag ira makaebat.

Genesis 50:15

Kayariy impatey nen ama ra, inkuan na lalakin agagi nen Jose, “Nayarin bosulen itayo ni nen Jose tan mamplanon ombawid sikatayon amin, lapud samay ginawa tayod sikato.”

1 Saray Arari 2:32

Dusaen na Katawan si Joab lapud saraman ya impamatey to ya anggapoy pikakabat nen amak a David. Pinatey nen Joab si Abner a pangulo na saray sondalo na Israel, tan si Amasa a pangulo na saray sondalo na Juda. Pinatey to ran anggapoy kasalanan, anta maung tan matonung ni ra nen say sikato.

1 Saray Arari 2:33

Andi-anggaan so pakadusa nen Joab tan saray kabyangay boleg to, lapud sarayan impamatey tod saray totoon anggapoy kasalanan. Balet paaligwasen lawas na Katawan so siopaman ed saray kabyangay boleg nen David ya onyorung ed trono to.”

2 Saray Awaran 24:22

Alingwanan na ari so matoor ya impanlingkur ed sikato nen Joiada ya ama nen Zacarias, kanyan impapatey toy Zacarias. Nen ompapatey si Zacarias, inmeyag, “Nanengneng komun na Katawan so gagawaen yo tan dusaen to kayo!”

Saray Salmo 9:12

Nununoten na Dios iray maniirap; ag to lilingwanan so ey-ey da, tan dudusaen to ray mamapasegsegang ed sikara.

Ezekiel 3:18

No ibagak ed sakey a toon maoges ya ompatey balet et ag mo pinasakbayan a mangoman ed bilay to pian nipaliis ed patey, sikakasalanan ya ompatey, balet singilen ta ka lapud impatey to.

Lucas 23:41

Nepeg tan dua so nadusay onya lapud ginawa ta, balet sikato anggapoy kasalanan a ginawa to.”

Saray Gawgawa 28:4

Nen anengneng na saramay tagad man imay oleg ya akabitin ed lima to, inkuandad sakey tan sakey, “Talagan managpatey yan too. Nilaban a tuad dayat, balet ag inyabuloy na Kapalaran a mambilay.”

Saray Taga Roma 2:15

Ipanengneng na gagawaen da a nisulat so ibabagay Ganggan ed puso ra. Say konsinsia ra met so mantasi a katwaan ya, ta no maminsan akusaen iray kanunotan da, tan no arum iyagel to ra.

Puyan 13:10

Siopamay niganan nadakep, nadakep a tua. Siopamay niganan ompatey diad panamegley na ispada, ompatey a tua diad panamegley na ispada. Kanyan saray totooy Dios nakaukolan a mananos tan manisia ra.”

Puyan 16:9

Apoolan iray katoowan, tan inayew day ngaran na Dios a walay pakayari ton mangiter na ontan iran salot. Balet ag ira nampatauli tan ag da inggalang so Dios.

1 Samuel 19:4

Indayew nen Jonatan si David ed kinen Saul, tan kuanto, “Ag kayo komun manggagaway maoges ed kinen aripen yon David. Anggapoy kaogsan a ginawa tod sikayo; amin ingen a ginawa to et pankaabigan yo.