Genesis 42:13 - Maung A Balita Biblia

¹³ Inkuanda, “Labindua kamin amin a sanaagi; saksakey so ama mi a wala natan ed Canaan. Inatey lay sakey ya agi mi tan atilak ed ama mi so sankayogtanan.

Maung a Balita Biblia

¹³ Inkuanda, Labindua kamin amin a sanaagi; saksakey so ama mi a wala natan ed Canaan. Inatey lay sakey ya agi mi tan atilak ed ama mi so sankayogtanan.

Genesis 42:13 Iomraidhean Croise

Genesis 37:30

Linmad saray agagi to tan inkuanto, “Andid man si Jose! Antoy gawaen ko?”

Genesis 42:11

Sanaagi kamin amin. Aliwa kamin ispia; maung kamin totoo.”

Genesis 42:12

Inkuanen Jose ed sikara, “Andi! Linma ki dian mannengneng no antoy kakapoyan na bansa mi.”

Genesis 42:14

“Duga may kuanko,” ebat nen Jose. “Ispia kayon tua.

Genesis 42:32

Labindua kamin amin a sanaagi, tan saksakey so ama mi. Inatey lay sakey ya agi mi, tan walad Canaan a kaiba nen ama mi so sankayogtanan.’

Genesis 42:36

Inkuanen ama ra, “Labay yon naandin amin iray anak ko? Anggapo lay Jose; anggapo met lay Simeon; tan natan labay yo met ya alaey Benjamin. Siak so maniirap!”

Genesis 42:38

Balet inkuanen Jacob, “Ag nayarin milad sikayoy anak ko; inatey lay agi to, tan sikato labat lay atilak. Nayarin walay maoges a nagawad sikato diad dalan. Masiken ak la; ompatey ak ed ermen ya iter yod siak.”

Genesis 43:29

Nen anengneng nen Jose si Benjamin ya agi ton peteg inkuanto, “Sikato ya sirin so sankayogtanan ya agi yo ya asalita yod siak. Bindisionan ka komuy Dios, anak ko.”

Genesis 43:7

Inmebat ira, “Ag tinondaan na samay too a tinepet so nipaakar ed sikami tan say pamilya tayo, ‘Mabilay niya ama yo? Wala niy agi yo?’ Nepeg min ebatan iray tepet to. Panoy pakaamta min paawit toy agi mi?”

Genesis 44:20

Inyebat min walay ama min masiken la tan sakey ya agi min sankayogtanan a nianak nen matakken lay ama mi. Inatey lay agi to yan ogaw tan sikato labat so mabilay ya anak nen ina to, kanyan ontan lay panangarod sikato nen ama mi.

Genesis 44:28

Naandi lay sakey; nayarin say laman to et binibingkas na ayep ed katakelan, ta ag ko nin balut anengneng nanlapud saman.

Genesis 45:26

“Mabilay niy Jose!” inkuandad sikato. “Sikatoy manooley ed intiron Egipto!” Ag akaskasel si Jacob, tan ag to ra panisiaan.

Jeremias 31:15

Say Katawan kuanto, “Nadngel so tanul ed Rama, tanul na ampaipait a pannangis tan panugaog. Si Raquel saray anak to nanangisan to ra; maneermen tan ag naligliwa, ta naandi la ra.

Saray Tagleey 5:7

Nankasalanan iray lalaki mi tan inaatey la ra, balet maniirap kami lapud saray kasalanan da.

Mateo 2:16

Nen akabatan nen Herodes a niluko na saramay makakabat a totoo, agaylay pasnuk to. Lapud petang na olo to, ingganggan to a pateyen iray ogogaw a lalaki ed Betlehem tan diad saray kaliber-liber a pasen. Impapatey to ray amin ya ogogaw a lalaki, manlapud duay taon a mampaleksab, onung ed panaon na inletaw na bitewen a naamtaan tod saramay makakabat a totoo.

Mateo 2:18

“Nadngel so tanul ed Rama— tanul na ampaipait a pannangis tan panugaog. si Raquel saray anak to nanangisan to ra; maneermen tan ag naligliwa, ta amin da inaatey la.”