Genesis 41:8 - Maung A Balita Biblia

⁸ Kaimbuas agunigon, kanyan impaawit to ray amin a salamangkiro tan saray makabat a lalaki ed Egipto. Imbaga tod sikara iray kinogip to, balet anggapoy makapangipatalus ed sikara.

Maung a Balita Biblia

⁸ Kaimbuas agunigon, kanyan impaawit to ray amin a salamangkiro tan saray makabat a lalaki ed Egipto. Imbaga tod sikara iray kinogip to, balet anggapoy makapangipatalus ed sikara.

Genesis 41:8 Iomraidhean Croise

Genesis 40:6

Nen linmad sikara si Jose diad kabwasan, anengneng ton nagugunigon ira.

Genesis 40:8

Inmebat ira, “Walay kogip na balang sakey ed sikami, et anggapo diay makapangipatalus.” “Say Dios so manangipatalus,” inkuanen Jose. “Ibaga yod siak ira tay kogip yo.”

Genesis 41:15

Inkuan na arid sikato, “Walay kogip ko, et anggapoy makapangipatalus. Abalitaan kon nayarian moy mangipatalus na kogip.”

Genesis 41:24

Saramay pitoran apa a dawa inakmun da ra may pitoran maiiyan. Imbagak ira yan kogip ko ed saray salamangkiro, balet anggapod sikaray makapangipatalus ed siak.”

Genesis 41:7

Saramay pitoran dawa ya apa inakmun da ra may pitoran maiiyan. Aliing so ari, tan naamtaan ton nankogip.

Saray Salmo 25:14

Kaaro na Katawan iray matoluk ed sikato, tan papaletan toy impisipanan tod sikara.

Exodo 7:11

Insan impaawit na ari iray makabat a totoo to tan saray managsalamangka to, tan diad dunong dan mansalamangka ginawa ra so singa agawad baston nen Aaron.

Exodo 7:22

Insan saray managsalamangka na ari inalig da so ginawa nen Aaron lapud dunong dan mansalamangka. Kanyan anawet nin siansia so puso na ari. Onung na imbaga la na Katawan, say ari ag to ra dinengel di Moises tan Aaron.

Exodo 8:7

Balet saramay managsalamangka impakana ray donung dan mansalamangka, tan pinasakbit da met iray patang ed intiron bansa.

Exodo 9:11

Ag ayarian na saramay managsalamangka so akiarapan ed kinen Moises, lapud napnoy laman da na pelsa a singa amin da ray arum ya Egipsio.

Isaias 19:3

Pagmaliwen kon andi-kakanaan iray plano na Egipsio tan deralen koy kalakal da. Kerewen dan tulongan ira na saray talintaoy diriyos da tan mangipanon irad saray midyum tan mikerew irad saray inaatey na simbawa.

Isaias 29:14

Kanyan pakelawen ko ra yan totoo diad panggawak ed sikara na mantotombukan a pakelaw. Saray makabat magmaliw iran makulang-kulang, tan say inkasilib da magmaliw ya andi-kana.”

Isaias 8:19

Ibagad sika na saray totoo a mangipanon kad saray meremere tan mitimiti a pumaparles tan saray managpanon ed saray ispiritu na inaatey. Ikuanda, “Say katwaan to, saray totoo nepeg iran mangipanon ed saray ispiritu, tan ipanonan da ray mabilay ed saray inaatey.”

Daniel 1:20

Anggan antoy itepet ed sikara na ari odino anton problima so ipanon to, maminsamplon maung niy ebat da ra may apatira nen say ebat na siopaman a managparles odino salamangkiro diad intiron nanarian.

Daniel 4:18

“Sikato yay akogip ko,” kuanen Ari Nabucodonosor. “Natan Beltsasar, ibagam ed siak so kabaliksan to. Anggapod saray sumisimbawak so akapangibagad siak na kabaliksan to, balet nayarian mo, lapud walad sika so ispiritu da ray masanton diriyos.”

Daniel 4:19

Lapud saya, si Daniel a tatawagen met na Beltsasar et apagaan, kanyan ag makasel. Inkuan na ari ed sikato, “Ag ka mapaga lapud samay kogip tan say labay ton ibaga.” Inmebat si Beltsasar, “Kagalang ya Ari, aliwan sika komun so kipaakaran na kabaliksan na kogip, no ag ta saray kalaban mo.

Daniel 4:5

Balet nankogip ak na makapataktakot tan akanengneng ak na makapakebyew a pasingayew nen naogip ak.

Daniel 4:6

Ingganggan kon niakar ed siak ya amin iray sumisimbawak diad Babilonia, pian nibaga rad siak so kabaliksan na saman a kogip ko.

Daniel 4:7

Insan niakar ed siak ya amin iray managparles, saray salamangkiro, saray managanito, tan saray astrologo, tan imbagak ed sikara so kogip ko, balet ag da nipaliwawad siak so kabaliksan to.

Daniel 5:11

Walay sakey a laki diad nanarian mo a walad sikatoy ispiritu na saray masanton diriyos. Nen si amam so ari, impanengneng na saman a too so kaabigan na kanunotan to, pakatalus to, tan say kakabatan to a singa kakabatan da ray diriyos. Si Ari Nabucodonosor ya amam et impagmaliw ton pangulo da ray managparles, saray salamangkiro, saray managanito, tan saray astrologo.

Daniel 7:28

Sikato yay samput na samay inkagawa. Ataktakot ak a maung kanyan pinmotiy bosaleg ko, tan pinokuk kod siak a dili ira yan amin ya agawa.

Daniel 8:27

Siak, si Daniel, kinmapoy ak tan nansakit ak a pigaran agew. Insan ak binmangon tan pinmawil ed kimey ya impalima na ari ed siak, balet nikelawan ak ed pasingayew tan ag ko natalusan so kabaliksan to.

Levitico 19:31

“Ag kayo miaalay simbawa ed saray totoon manangipanon ed saray ispiritu na inaatey. No gawaen yo ya, magmaliw kayon marotak onung ed ganggan. Siak so Katawan a Dios yo.

Levitico 20:6

No walad sikayoy onkerew na simbawa ed saray midium tan diad saray manangipanon ed saray ispiritu na inaatey, sumpaen ko tan ag ko la ibilang a sakey ed saray totook.

Habacuc 3:16

Narerengel ko ra yan amin, et manggiwgiw ak; manggigiwgiw ed takot iray bibil ko. Paligpalig so laman ko, mankitakit iray salik. Mandeen ak a manalagar ed isabiy panaon a dusaen na Dios iray ondodogpad sikami.

Mateo 2:1

Nianak si Jesus ed baley na Betlehem ed Judea, nen manooley si Ari Herodes. Ag abayag, sinmabid Jerusalem iray makakabat a totoon nanlapud Bokig.

Saray Gawgawa 17:18

Akisangsangan met ed saray maistron Epicureo tan Estoico. Inkuan na pigarad sikara, “Anto tay labay ton ibaga yan manmaung-maungan a too?” Inkuan met na saray arum, “Sakey amon managpulong nipaakar ed saray arum a diriyos.” Imbaga ra ya, ta nampupulong si Pablo na nipaakar ed kinen Jesus tan say kiolid bilay.

Saray Gawgawa 7:22

Imbangat day Moises ed amin a kakabatan da ray Egipsio, tan nagmaliw a matalonggaring ed salita tan gawa.

1 CORINTO 1:19

Ta ibabagay Masanton Sulat, “Deralen koy kakabatan da ray makabat, pagmaliwen kon andi-kakanaan so pakatalus da ray marunong.”

1 Samuel 6:2

tinawag na saray Filisteo iray papari tan saray salamangkiro, tan tinepet da, “Antoy gawaen tayod Kaban na Sipanan na Katawan? No ipawil tayod pasen ton gendat, antoy ipila tayo?”