Genesis 41:52 - Maung A Balita Biblia

⁵² Inkuanto met, “Say Dios initdan to ak na anak ed sayan dalin a paniirapan ko”; kanyan inngaran to na Efraim imay kumadwan anak to.

Maung a Balita Biblia

⁵² Inkuanto met, Say Dios initdan to ak na anak ed sayan dalin a paniirapan ko; kanyan inngaran to na Efraim imay kumadwan anak to.

Genesis 41:52 Iomraidhean Croise

Genesis 17:6

Amayamay so iter kod sikan kabyangay boleg mo, magmaliw iran amayamay a bansa, tan pigarad sikaray magmaliw ya arari.

Genesis 28:3

Bindisionan komun na Dios a Makapanyarin-amin so pangasawam tan itdan to ka komuy amayamay ya anak, pian magmaliw kan ama na amayamay a bansa.

Genesis 41:51

Inkuanto, “Impalingwanan na Dios iray amin a kairapan ko a pati say pakakailiw kod pamilya na amak”; kanyan inngaran to na Manases imay pangulowan ya anak to.

Genesis 41:53

Nansamput ira may pitoy taon na inawa ed Egipto,

Genesis 48:1

Ag abayag ed samay impantongtong dan sanama, nibagad kinen Jose a mansasakit si ama to. Kanyan intagar to ray duaran lalakin anak to a di Manases tan Efraim, ta nengnengen day Jacob.

Genesis 48:14

Balet impankorusan nen Jacob iray taklay to, tan intapew tod olo nen Efraim so kawanan a lima to anggaman a sikatoy yogtan, tan say kawigin lima to diad tapew na olo nen Manases a sikatoy pangulowan.

Genesis 48:5

Intuloy ya inkuanen Jacob, “Ibibilang kon anak iray duaran lalakin anak mo a nianak ed Egipto kasakbayan na inyakar ko dia; anak ko ra di Efraim tan Manases a singa di Ruben tan Simeon.

Genesis 49:22

“Si Jose et singa sakey ya asnod katakelan a walad gilig na sobul, Sakey a kilaw na kabayo a walad alusadsar na palandey.

Genesis 50:23

Naalagar to nin anengneng iray anak nen Efraim tan saray apo tod sikato. Mabilay ni nen naawat a kabyangan na pamilya to iray anak nen Makir, say lakin anak nen Manases.

Amos 6:6

Saray bason ankabaleg so paniinoman yod saray alak tan sankabalingitan a pabalingit iray ipopoyuk yo, balet ag yo eermenan so kaderal na Israel.

Saray Bilang 26:28

Saray tribu nen Jose ya ama na duaran lalaki a di Manases tan Efraim.

Saray Gawgawa 7:10

tan tinulongan tod saray irap a pinapalabas to. Binindisionay Dios tan initdan toy kakabatan tan makaroyroyon ogali nen inmarap ed ari na Egipto. Say Ari impagmaliw ton gobirnador si Jose diad intiron Egipto tan diad abung to.

Josue 16:4

Saray kabyangay boleg nen Jose, salanti saray tribu di Efraim tan Manases, et nipabetang yan dalin ed sikara.

Josue 17:1

Say sakey a parti na dalin ed sagur na Jordan et nipabetang ed saray pigaran pamilyan say sengeg da et si Manases a pangulowan a lakin anak nen Jose. Si Makir ya ama nen Galaad et sankapangulowanan a lakin anak nen Manases tan sakey a sondalo, kanyan nipabetang ed sikato so Galaad tan Basan a walad bokig na Jordan.

1 Samuel 1:20

Nanlokun sirin tan nananak na sakey a laki. Inngaran to na Samuel, ta inkuanto, “Kinerew ko ed Katawan.”