Genesis 41:40 - Maung A Balita Biblia

⁴⁰ Ipasen ta kan inkargado ed bansak, tan onuren na totook iray amin a ganggan mo. Sikay onkumadwad siak ed pakaoley.

Maung a Balita Biblia

⁴⁰ Ipasen ta kan inkargado ed bansak, tan onuren na totook iray amin a ganggan mo. Sikay onkumadwad siak ed pakaoley.

Genesis 41:40 Iomraidhean Croise

Genesis 39:9

Nampara lay pakaoley mi ed sayan abung tan anggapoy ag to inter ed siak, likud ed sika. Ag ko nayarian a gawaen itan a kabandayan, ta mankasalanan ak ed Dios.”

Genesis 44:18

Inmasingger si Juda ed kinen Jose tan inkuanto, “Abuloyan mo ak pan misalitad sika. Ag ka komun mamapasnuk ed siak, O katawan; kaparam lay ari.

Genesis 45:26

“Mabilay niy Jose!” inkuandad sikato. “Sikatoy manooley ed intiron Egipto!” Ag akaskasel si Jacob, tan ag to ra panisiaan.

Ester 10:3

Si Mardokeo a Judio so onkumadwad kipapasen nen Ari Asuero. Pinapagalangan tan labalabay na saray kapara ton Judio. Ginagawa toy pankaabigan na saray totoo to tan say kiarawid kaatapan na amin da ray kaybangay boleg da.

Ester 3:1

Ag abayag, inyatagey nen Ari Asuero so kipapasen na sakey a lakin manngaray Haman. Impasen to a kumadwan sankatageyan ya opisyal na impirio. Si Haman et lakin anak nen Hamedata a kabyangay boleg nen Agag.

Say Libro nen Job 31:27

Ag ak atukso a manggawa ed saya, diad impangangub kod limak a pangigalang ed sarayan pinalsa.

Saray Salmo 2:12

tan dakmomo kayod sikato; ta no andi, maganon ompetang so olo to, et biglan ompatey kayo. Maliket ya amin iray ondaragon paiyagel ed sikato.

Probirbio 22:29

Ipanengneng mod siak so toon maung so kimey to, et ipanengneng kod sikay toon daeg to ray karaklan tan manepeg a kaiba na saray arari.

Daniel 5:29

Tampol ya ingganggan nen Belsasar iray aripen to a kawesan day Daniel na ambalangan kawes na ari tan isolung dad beklew toy balituk a kolintas. Impagmaliw ton mikatlod sankatageyan a manoley ed nanarian.

Daniel 6:3

Ag abayag impanengneng nen Daniel so inkatalona tod kimey ed saramay duaran kapara ton opisyal tan saramay gobirnador. Lapud inkatalona ton tuloy ed panagkimey, ginetma na ari ya ipasen ton makaoley ed intiron nanarian.

Saray Gawgawa 7:10

tan tinulongan tod saray irap a pinapalabas to. Binindisionay Dios tan initdan toy kakabatan tan makaroyroyon ogali nen inmarap ed ari na Egipto. Say Ari impagmaliw ton gobirnador si Jose diad intiron Egipto tan diad abung to.

1 Samuel 10:1

Insan angalay Samuel na sakey a botilyan larak na oliba tan inkalbo tod olo nen Saul, inanguban to, tan kuanto, “Say Katawan lalanaan to kan manoley ed saray totoo ton Israelita. Oleyan mo ray totoo to tan iyagel mo rad saray kalaban da. Saya so pakapatnagan mo a pinili say Katawan a manoley ed saray totoo to.