Genesis 41:34 - Maung A Balita Biblia

³⁴ Mamili ka met na saray arum ya opisyal a mantipon na kakalima na amin a bungay dalin legan na pitoy taon a daakan so naani.

Maung a Balita Biblia

³⁴ Mamili ka met na saray arum ya opisyal a mantipon na kakalima na amin a bungay dalin legan na pitoy taon a daakan so naani.

Genesis 41:34 Iomraidhean Croise

Genesis 41:33

“Natan mamili kay sakey a toon makabat tan maisip, tan ipasen mon inkargado ed intiron bansa.

Genesis 41:35

Patipon mon amin iray kakanen legan na saray onsabin maung a taon, tan itdan mo ray pakaoley a mangisinup ed kamalir diad saray siudad, tan pabantayan mo ra.

Genesis 47:24

No panagani, iter yoy kakalima ed ari. Say kera ikana yon bini tan tagano yo tan tagano na saray pamilya yo.”

Genesis 47:26

Kanyan impaakseb nen Jose so sakey a ganggan ed Egipto a kayaryan na ari so kakalima na ani. Wala ni yan ganggan ya anggad natan. Saray dalin labat na papari so ag kayaryan na ari.

2 Saray Awaran 34:12

Napanmatalkan a sigput iray nankimey. Saray angipangulod sikara et si Jahat tan si Obadias a kabyangan iray Levitan boleg nen Merari, tan si Zacarias tan si Mesullam a kabyangan iray Levitan boleg na Coat. (Marunong ed musika iray amin a Levita.)

Nehemias 11:9

Si Joel a lakin anak nen Zicri so pangulo ra, tan si Juda a lakin anak nen Senua so onkumadwan opisyal na siudad.

Say Libro nen Job 5:20

no panaoy eras pansiansiaen to kan mabilay, tan no panaoy bakal ipaliis to kad patey.

Saray Salmo 33:19

Ilalaban to rad patey, pambibilayen to ra no panaoy eras.

Probirbio 22:3

Saray totoon ikakana ray olo ra nanengneng dan onsasabi so kaatapan, et paliisan da, balet saray totoon kulang na kanunotan subaen da, et nasagmak day kairapan.

Probirbio 27:12

Saray totoon ikakana ray olo ra nanengneng dan onsasabi so kaatapan et paliisan da, balet say toon kulang na kanunotan subaen to et nasagmak toy kairapan.

Saray Bilang 31:14

Akapasnuk si Moises ed saray opisyal, saray pangulo na tunggal libo tan tunggal lasus a sondalo a pinmawil ira kayari ran akibakal.

Lucas 16:5

Sinansakey ton tinawag sirin iray akautang ed amo to. Nen sinmabiy onaan, tinepet to no pigaray utang to.